અફઘાનિસ્તાનની શપગીઝા ક્રિકેટ લીગમાં એક ચાહક મેદાનમાં ઘૂસીને રહેમાનુલ્લાહ ગુરબાઝના માથા પરથી ટોપી લઈને ભાગી ગયો. તે સમયે ગુરબાઝ ફિલ્ડિંગ કરી રહ્યા હતા. આ ઘટના શુક્રવારે રાત્રે બેન્ડ-એ-અમીર ડ્રેગન્સ અને મિસ ઐનક નાઈટ્સ વચ્ચેની મેચની છે. આ ઘટનાનો વીડિયો સોશિયલ મીડિયા પર પોસ્ટ થયો. 38 સેકન્ડના વીડિયોમાં એક વ્યક્તિ સીધો ગુરબાઝ પાસે પહોંચ્યો. ગુરબાઝે તેની સાથે હાથ મિલાવવાનો પ્રયાસ કર્યો, પરંતુ ચાહક તેના માથા પરથી કેપ ઉતારીને ભાગી ગયો. તેણે બાઉન્ડ્રી પર સેલ્યુટ કરીને તેની ઉજવણી પણ કરી. એક સુરક્ષાકર્મી તેની પાછળ દોડતો દેખાયો. 2 ફોટોમાં જુઓ… ગુરબાઝની ફિફ્ટી, તનિવાલ સાથે સદીની ભાગીદારી ઓપનર ખાલિદ તનિવાલે 22 બોલમાં 53 રન બનાવ્યા. તેમાં 7 ચોગ્ગા અને 3 છગ્ગા શામેલ હતા. ગુરબાઝે 30 બોલમાં 52 રન બનાવ્યા. બંનેએ પ્રથમ વિકેટ માટે 51 બોલમાં 102 રનની ભાગીદારી કરી. ડ્રેગન્સે 114 રન બનાવ્યા, મુજીબને 3 વિકેટ ખોવ્સ્ટમાં ડ્રેગન્સે પહેલા બેટિંગ કરતા 114 રન બનાવ્યા. અઝીઝુલ્લા મિયાખિલ 30 રન બનાવીને ટોપ સ્કોરર રહ્યા. મુજીબ ઉર રહેમાને 3 વિકેટ લીધી. જવાબમાં નાઇટ્સે 10મી ઓવરમાં 8 વિકેટે મેચ જીતી લીધી.