અફઘાનિસ્તાને બાંગ્લાદેશ અને ઝિમ્બાબ્વે સામેની સિરીઝ માટે ટીમની જાહેરાત કરી છે. ઓલરાઉન્ડર મોહમ્મદ નબી અને મિડલ ઓર્ડર બેટર દરવિશ રસૂલીને ટીમમાં સ્થાન મળ્યું નથી. અફઘાનિસ્તાન 9 ઓક્ટોબરથી બાંગ્લાદેશ સામે UAEમાં એક ટેસ્ટ રમશે. ત્યારબાદ 17થી 23 ઓક્ટોબર સુધી બાંગ્લાદેશ અને ઝિમ્બાબ્વે સાથે ટ્રાઈ-સિરીઝ રમાશે. ઝિમ્બાબ્વે સામે T20 અને ટેસ્ટ ટ્રાઈ-સિરીઝમાં ત્રણ વન-ડે રમાશે. ત્યારબાદ અફઘાનિસ્તાન ઝિમ્બાબ્વે સામે ત્રણ T20 અને બે ટેસ્ટ રમશે. તમામ મેચ UAEમાં રમાશે. નબી અને રસૂલી સપ્ટેમ્બરમાં નવી દિલ્હીમાં ભારત સામે રમાયેલી ત્રણ મેચની T20 સિરીઝ માટે અફઘાનિસ્તાનની ટીમમાં હતા. અફઘાનિસ્તાન તે સિરીઝ 0-3થી હારી ગયું હતું. નબી-રસૂલી ખરાબ ફોર્મ સામે ઝઝૂમી રહ્યા છે નબીએ ત્રણેય મેચ રમી હતી. તે બે મેચમાં એક પણ વિકેટ લઈ શક્યો નહોતો. રસૂલી પણ તાજેતરના સમયમાં ખરાબ ફોર્મ સામે ઝઝૂમી રહ્યો છે. એશિયન ગેમ્સ 2026માં રસૂલી બે વખત ઝીરોમાં આઉટ થયો હતો. આ પહેલાં ભારત સામે તેણે 26 અને 2 રન બનાવ્યા હતા. બાંગ્લાદેશ અને ઝિમ્બાબ્વે સામે અફઘાનિસ્તાનની ટેસ્ટ ટીમ રહમત શાહ (કેપ્ટન), ઈકરામ અલી​​ખિલ (વાઇસ કેપ્ટન અને વિકેટકીપર), અફસર ઝઝઈ (વિકેટકીપર), સેદીકુલ્લાહ અટલ, અબ્દુલ મલિક, હશમતુલ્લાહ શાહિદી, રહમાનુલ્લાહ ઝદરાન, શાહિદુલ્લાહ, ઈસ્મત આલમ, કૈસ અહમદ, ઝિયા-ઉર-રહમાન, ખલીલ ગુરબાઝ, મોહમ્મદ સલીમ, ઝિયા ઉર રહમાન શરીફી અને યામિન અહમદઝઈ. રિઝર્વ ખેલાડીઓ: બહિર શાહ, નસીર ખાન મારૂફખિલ, બિલાલ સામી અને બશીર અહમદ. બાંગ્લાદેશ અને ઝિમ્બાબ્વે સામે ટ્રાઈ-સિરીઝ માટેની અફઘાનિસ્તાનની વન-ડે ટીમ રહમત શાહ (કપ્તાન), રહમાનુલ્લાહ ગુરબાઝ (વાઇસ કેપ્ટન અને વિકેટકીપર), ઈકરામ અલી​​ખિલ (વિકેટકીપર), સેદીકુલ્લાહ અટલ, ઈબ્રાહિમ ઝદરાન, હશમતુલ્લાહ શાહિદી, અઝમતુલ્લાહ ઓમરઝઈ, મોહમ્મદ નબી, રાશિદ ખાન, નાંગેયાલિયા ખાન, એએમ ગઝનફર, બિલાલ સામી, ઝિયા ઉર રહમાન શરીફી, ફઝલહક ફારૂકી અને યામિન અહમદઝઈ. ટ્રાવેલિંગ રિઝર્વ: કૈસ અહમદ. ઝિમ્બાબ્વે સામે અફઘાનિસ્તાનની T20 ટીમ ઇબ્રાહિમ ઝદરાન (કેપ્ટન), રહમાનુલ્લાહ ગુરબાઝ (વિકેટકીપર), નૂર રહમાન (વિકેટકીપર), સેદીકુલ્લાહ અટલ, મોહમ્મદ અકરમ, શાહિદુલ્લાહ, ઇઝાઝ અહમદ અહમદઝઈ, અઝમતુલ્લાહ ઓમરઝઈ, અબ્દુલ્લાહ તારાખૈલ, રાશિદ ખાન, નૂર અહમદ, મુજીબ ઉર રહમાન, ફઝલહક ફારૂકી, અબ્દુલ્લાહ અહમદઝઈ અને ફરીદ અહમદ. રિઝર્વ ખેલાડીઓ: ફરીદૂન દાવૂદઝઈ, કૈસ અહમદ અને નાંગ્યાલઈ ખાન.