ઇન્ટરનેશનલ ક્રિકેટ કાઉન્સિલ (ICC)ના એન્ટી-કરપ્શન ટ્રિબ્યુનલે અમેરિકાના ક્રિકેટર બોદુગુમ અખિલેશ રેડ્ડી પર ક્રિકેટના તમામ ફોર્મેટમાંથી 8 વર્ષનો પ્રતિબંધ લગાવ્યો છે. ટ્રિબ્યુનલે તેમને આબુ ધાબી T10 લીગ 2025 દરમિયાન મેચ ફિક્સિંગનો પ્રયાસ કરવા, અન્ય ખેલાડીને ફિક્સિંગ માટે ઉશ્કેરવા અને તપાસ દરમિયાન મોબાઈલમાંથી પુરાવા નષ્ટ કરવા બદલ દોષિત ઠેરવ્યા છે. આ પ્રતિબંધ 21 નવેમ્બર 2025થી અમલમાં ગણાશે, જ્યારે તેમને અસ્થાયી રૂપે સસ્પેન્ડ કરવામાં આવ્યા હતા. ICC અનુસાર, આ કેસની તપાસ એમિરેટ્સ ક્રિકેટ બોર્ડ (ECB) દ્વારા નિયુક્ત ICCના એન્ટી-કરપ્શન અધિકારીઓ (DACO) દ્વારા કરવામાં આવી હતી. અમેરિકા માટે 4 ટી-20 મેચ રમી ચૂક્યા છે 26 વર્ષીય બોદુગુમ અખિલેશ રેડ્ડીએ અમેરિકાની રાષ્ટ્રીય ક્રિકેટ ટીમ માટે આંતરરાષ્ટ્રીય સ્તરે 4 T20 મેચ રમી છે. તેમણે નોર્થ અમેરિકા T20 કપમાં કેમેન આઇલેન્ડ્સ સામે અમેરિકા માટે આંતરરાષ્ટ્રીય ડેબ્યૂ કર્યું હતું. એક બેટ્સમેન અને પાર્ટ-ટાઇમ બોલર તરીકે રમતા અખિલેશના નામે આંતરરાષ્ટ્રીય ક્રિકેટમાં 1 વિકેટ નોંધાયેલી છે. આબુ ધાબી T10 લીગમાં ICCની શું ભૂમિકા છે? આબુ ધાબી T10 લીગનું આયોજન એમિરેટ્સ ક્રિકેટ બોર્ડ (ECB) કરે છે. ટુર્નામેન્ટમાં ભ્રષ્ટાચાર વિરોધી નિયમો લાગુ કરવા અને તેની દેખરેખની જવાબદારી ICCના એન્ટી-કરપ્શન અધિકારીઓ (DACO)ને સોંપવામાં આવી છે. આ જ અધિકાર હેઠળ આ મામલાની તપાસ અને સુનાવણી કરવામાં આવી હતી. ————————————————- સ્પોર્ટ્સના આ સમાચાર પણ વાંચો… ઓસ્ટ્રેલિયા અંડર-19 ટીમનો ભારત પ્રવાસ:ભારતીય મૂળના નીલ પટેલને 16 સભ્યોની ટીમમાં સ્થાન મળ્યું, અમદાવાદ-રાજકોટમાં રમાશે મેચ ક્રિકેટ ઓસ્ટ્રેલિયાએ આવતા મહિને યોજાનાર ભારતના પ્રવાસ માટે 16 સભ્યોની અંડર-19 પુરુષ ટીમની જાહેરાત કરી છે. આ ટીમમાં ભારતીય મૂળના ન્યૂ સાઉથ વેલ્સના ખેલાડી નીલ પટેલનો પણ સમાવેશ કરવામાં આવ્યો છે. આ ટીમ ભારત સામે રાજકોટ અને અમદાવાદમાં પાંચ મેચની મલ્ટી-ફોર્મેટ સિરીઝ રમશે. સંપૂર્ણ સમાચાર વાંચો