આજે 10 ફેબ્રુઆરીના રોજ સતત બીજા દિવસે ચાંદી અને સોનાના ભાવમાં વધારો થયો છે. ઇન્ડિયા બુલિયન એન્ડ જ્વેલર્સ એસોસિએશન (IBJA) અનુસાર, આજે એક કિલો ચાંદીની કિંમત 3,759 રૂપિયા વધીને 2,57,424 રૂપિયા પ્રતિ કિલો પર પહોંચી ગઈ છે. સોમવારે તેનો ભાવ 2,53,665 રૂપિયા પ્રતિ કિલો હતો. શુક્રવારે ચાંદીનો ભાવ 2,44,929 રૂપિયા પ્રતિ કિલો હતો. આજે 10 ફેબ્રુઆરીએ 10 ગ્રામ 24 કેરેટ સોનું 824 રૂપિયા વધીને 1,55,700 રૂપિયા પર પહોંચી ગયું છે. આ પહેલા સોમવારે તે 10 ગ્રામ દીઠ 1,54,876 રૂપિયા હતું. બુલિયન બજારમાં 29 જાન્યુઆરીએ સોનાનો ભાવ 1,76,121 રૂપિયા અને ચાંદીનો ભાવ 3,85,933 રૂપિયા ઓલ ટાઈમ હાઈ પર હતો. જુદા જુદા શહેરોમાં ભાવ અલગ કેમ હોય છે? IBJAના સોનાના ભાવમાં 3% GST, મેકિંગ ચાર્જ, જ્વેલર્સ માર્જિન સામેલ નથી હોતું. તેથી શહેરોના ભાવ આનાથી અલગ હોય છે. આ ભાવનો ઉપયોગ RBI સોવરેન ગોલ્ડ બોન્ડના ભાવ નક્કી કરવા માટે કરે છે. ઘણી બેંકો ગોલ્ડ લોનના ભાવ નક્કી કરવા માટે તેનો ઉપયોગ કરે છે. 41 દિવસમાં સોનું ₹22,505 અને ચાંદી ₹27,000 મોંઘી થઈ આ વર્ષે અત્યાર સુધીમાં સોનાની કિંમત 22,505 રૂપિયા વધી ચૂકી છે. 31 ડિસેમ્બર 2025 ના રોજ 10 ગ્રામ 24 કેરેટ સોનું 1,33,195 રૂપિયાનું હતું, જે હવે 1,55,700 રૂપિયા થઈ ગયું છે. તેમજ, ચાંદી 27,004 રૂપિયા મોંઘી થઈ ગઈ છે. 31 ડિસેમ્બર 2025ના રોજ એક કિલો ચાંદીની કિંમત 2,30,420 રૂપિયા હતી, જે હવે 2,57,424 રૂપિયા પ્રતિ કિલો પહોંચી ગઈ છે. સસ્તા ભાવે ખરીદી કરી રહ્યા છે લોકો છેલ્લા ત્રણ કારોબારી સત્રોમાં સોના-ચાંદીના ભાવમાં તીવ્ર ઘટાડો જોવા મળ્યો હતો. આ સમયગાળા દરમિયાન સોનું લગભગ 15% સસ્તું થયું હતું. હવે ભાવ સ્થિર થતાં જ રોકાણકારોએ નીચલા સ્તરે ખરીદી શરૂ કરી દીધી છે. જોકે, નિષ્ણાતોનું કહેવું છે કે હાલમાં સોના-ચાંદીમાં એકસાથે પૈસા રોકવાનું ટાળવું જોઈએ. તેના બદલે ધીમે ધીમે રોકાણ કરવું વધુ ફાયદાકારક રહેશે. 2025માં સોનું 75% અને ચાંદી 167% મોંઘી થઈ 2025માં સોનું 57 હજાર રૂપિયા (75%) વધ્યું છે. 31 ડિસેમ્બર 2024ના રોજ 10 ગ્રામ 24 કેરેટ સોનું 76,162 રૂપિયાનું હતું, જે 31 ડિસેમ્બર 2025ના રોજ 1,33,195 રૂપિયા થઈ ગયું. આ સમયગાળા દરમિયાન ચાંદી 1.44 લાખ રૂપિયા (167%) વધી. 31 ડિસેમ્બર 2024ના રોજ એક કિલો ચાંદી 86,017 રૂપિયાની હતી, જે વર્ષના છેલ્લા દિવસે 2,30,420 રૂપિયા પ્રતિ કિલો થઈ ગઈ. સોનું ખરીદતી વખતે આ 2 બાબતોનું ધ્યાન રાખો 1. સર્ટિફાઇડ ગોલ્ડ જ ખરીદો: હંમેશા બ્યુરો ઓફ ઇન્ડિયન સ્ટાન્ડર્ડ (BIS) નો હોલમાર્ક લગાવેલું સર્ટિફાઇડ ગોલ્ડ જ ખરીદો. આ નંબર આલ્ફાન્યુમેરિક એટલે કે આ રીતે હોઈ શકે છે- AZ4524. હોલમાર્કિંગથી ખબર પડે છે કે સોનું કેટલા કેરેટનું છે.
2. કિંમત ક્રોસ ચેક કરો: સોનાનું સાચું વજન અને ખરીદવાના દિવસે તેની કિંમત ઘણા સ્રોતો (જેમ કે ઇન્ડિયા બુલિયન એન્ડ જ્વેલર્સ એસોસિએશનની વેબસાઇટ) થી ક્રોસ ચેક કરો. સોનાનો ભાવ 24 કેરેટ, 22 કેરેટ અને 18 કેરેટના હિસાબે અલગ-અલગ હોય છે. અસલી ચાંદીની ઓળખ કરવાના 4 રીત મેગ્નેટ ટેસ્ટ: અસલી ચાંદી ચુંબકથી ચોંટતી નથી. જો ચોંટી જાય તો નકલી છે. આઇસ ટેસ્ટ: ચાંદી પર બરફ મૂકો. અસલી ચાંદી પર બરફ ખૂબ ઝડપથી પીગળશે. સ્મેલ ટેસ્ટ: અસલી ચાંદીમાં ગંધ હોતી નથી. નકલીમાં કોપર જેવી ગંધ આવી શકે છે. ક્લોથ ટેસ્ટ: ચાંદીને સફેદ કપડાથી ઘસો. જો કાળું નિશાન થાય વે તો અસલી છે.