વર્લ્ડ બેંકના ચેરમેન અજય પાલ સિંહ બંગા 4 દિવસના પાકિસ્તાન પ્રવાસે છે. ઇસ્લામાબાદમાં તેમણે વડાપ્રધાન શાહબાઝ શરીફ અને નાણા મંત્રી મુહમ્મદ ઔરંગઝેબ સાથે મુલાકાત કરી. જેમાં પાકિસ્તાનને 10 વર્ષમાં 20 અબજ ડોલર આપવાનો રોડમેપ તૈયાર કર્યો. બંગાએ મંત્રીઓને કહ્યું કે પાકિસ્તાન દેવું તો કરી રહ્યું છે, પરંતુ એવું ન સમજે કે મદદ મફતમાં કરવામાં આવી રહી છે. તમે તમારા દેશમાં ભ્રષ્ટાચાર અને ટેક્સ ચોરી રોકો. જો સુધારા નહીં કરવામાં આવે તો આવનારા વર્ષોમાં કોઈ દેવું નહીં મળે. આ ઉપરાંત, બંગાએ આધાર અને ડિજિટલ પેમેન્ટનો પણ ઉલ્લેખ કર્યો. જોકે તેમણે ભારતનું નામ લીધું ન હતું. એવું માનવામાં આવી રહ્યું છે કે તેમણે પાકિસ્તાનને ભારત પાસેથી શીખવાની સલાહ આપી. બંગા આજે પંજાબના ખુશાબ જિલ્લામાં આવેલા તેમના પૈતૃક ગામ જશે. 1947ના ભાગલા પછી બંગા પરિવારનો પ્રથમ સભ્ય પોતાના પૈતૃક ગામ જઈ રહ્યો છે. આ પહેલા તેમણે ગુરુદ્વારા પંજા સાહિબમાં માથું ટેકવ્યું હતું. બંગાએ પાકિસ્તાનને શું કહ્યું, 5 મુદ્દા પાકિસ્તાને બંગાને ખુશ કરવા માટે શું કર્યું… બંગાની યાત્રા પર પાકિસ્તાની મીડિયામાં શું ચાલી રહ્યું છે…