એક્ટ્રેસ આકાંક્ષા રંજન અને ફિલ્મ ડિરેક્ટર શરણ શર્મા શનિવારે લગ્નના બંધનમાં બંધાઈ ગયા છે. મુંબઈમાં તેના ઘરના બગીચામાં આ લગ્ન થયા, જેમાં પરિવારના સભ્યો અને નજીકના મિત્રો હાજર રહ્યા. બંનેએ બરાબર ચાર વર્ષ પહેલાં આ જ તારીખે એકબીજાને ડેટ કરવાનું શરૂ કર્યું હતું. સોશિયલ મીડિયા પર આકાંક્ષાએ લગ્નની તસવીરો શેર કરી છે. આ લગ્ન સાથે જોડાયેલી સંગીત સેરેમનીનો એક વીડિયો પણ સામે આવ્યો છે, જેમાં આકાંક્ષાની નજીકની મિત્ર અને એક્ટ્રેસ આલિયા ભટ્ટ ફિલ્મ ‘કલ હો ના હો’ના ગીત ‘માહી વે’ પર ડાન્સ કરતી જોવા મળી રહી છે. જુઓ લગ્નની તસવીરો… એ જ તારીખે લગ્ન જ્યારે ડેટિંગ શરૂ કર્યું હતું આકાંક્ષા અને શરણના લગ્નનો આ ફંક્શન મુંબઈમાં તેમના ઘરે સાંજે સૂર્યાસ્ત સમયે થયો હતો. બંનેએ પોતાના લગ્ન માટે એ જ તારીખ પસંદ કરી, જે દિવસે ચાર વર્ષ પહેલાં તેમનો સંબંધ શરૂ થયો હતો. લગ્ન માટે આકાંક્ષાએ ગોલ્ડન બોર્ડરવાળી ઓરેન્જ કલરની સાડી અને ગોલ્ડન બ્લાઉઝ પહેર્યો હતો. જ્યારે, શરણ શર્મા ઓફ-વ્હાઇટ કલરના બંધગળા સૂટમાં જોવા મળ્યા. ઇન્સ્ટાગ્રામ પર તસવીરો શેર કરતા આકાંક્ષાએ લખ્યું કે તું ના હોય તો ઘર ઘર નથી લાગતું, તું છે તો ડર નથી લાગતો. સંગીત સેરેમનીમાં આલિયા ભટ્ટનો ડાન્સ લગ્ન પહેલા શુક્રવારે કપલની સંગીત સેરેમનીનું આયોજન કરવામાં આવ્યું હતું. આ સેરેમનીનો એક વીડિયો સોશિયલ મીડિયા પર વાઇરલ થઈ રહ્યો છે. વીડિયોમાં અભિનેત્રી આલિયા ભટ્ટ સ્ટેજ પર શાહરુખ ખાનની ફિલ્મ ‘કલ હો ના હો’ના ગીત ‘માહી વે’ પર ડાન્સ કરતી જોવા મળી રહી છે. આલિયાએ આ ફંક્શન માટે પર્પલ કલરની સિલ્ક સાડી અને મેચિંગ કોર્સેટ-સ્ટાઈલ બ્લાઉઝ પહેર્યું હતું. તેની સાથે પરફોર્મન્સમાં આકાંક્ષાની મોટી બહેન અનુષ્કા રંજન અને તેમના પતિ આદિત્ય સીલ પણ સામેલ થયા હતા. આ સેલેબ્સ આકાંક્ષાની સંગીત સેરેમનીમાં સામેલ થયા- કોણ છે આકાંક્ષા રંજન આકાંક્ષા રંજન એક્ટર અને ડિરેક્ટર શશી રંજનની નાની દીકરી છે, જ્યારે તેની માતા અનુ રંજન ઇન્ડિયન ટેલિવિઝન એકેડમીના સ્થાપક છે. આકાંક્ષાની મોટી બહેન અનુષ્કા રંજનના લગ્ન એક્ટર આદિત્ય સીલ સાથે થયા છે, જે ‘તુમ બિન 2’માં જોવા મળ્યો હતો. આકાંક્ષાએ વ્હિસલિંગ વુડ્સ ઇન્ટરનેશનલ સ્કૂલમાંથી અભ્યાસ કર્યો છે. તેણે 2020ની ફિલ્મ ‘ગિલ્ટી’થી અભિનયની શરૂઆત કરી હતી, જેમાં કિયારા અડવાણી મુખ્ય ભૂમિકામાં હતી. આકાંક્ષા ‘મોનિકા ઓ માય ડાર્લિંગ’માં પણ જોવા મળી છે.