ભારતીય વુમન્સ ટીમે એશિયન ગેમ્સ 2026ની ક્વાર્ટર ફાઇનલમાં જાપાનને 8 વિકેટથી હરાવીને સેમિફાઇનલમાં સ્થાન બનાવી લીધું છે. ભારતે ટૉસ જીતીને પહેલા બોલિંગ કરવાનો નિર્ણય લીધો હતો. જાપાનની ટીમ 19.5 ઓવરમાં 57 રન પર ઓલઆઉટ થઈ ગઈ. ભારતે શેફાલી વર્માના નોટઆઉટ 40 રનની મદદથી 58 રનનો ટાર્ગેટ 5 ઓવરમાં 2 વિકેટ ગુમાવીને ચેઝ કરી લીધો. ભારત તરફથી શ્રી ચરણીએ 4 વિકેટ લીધી. શેફાલી વર્માએ 2 તથા દીપ્તિ શર્મા અને શ્રેયંકા પાટીલે 1-1 વિકેટ લીધી. જાપાનની બે બેટર રન આઉટ થઈ. ભારત ડિફેન્ડિંગ ચેમ્પિયન છે. ટીમે 2023 એશિયન ગેમ્સમાં ગોલ્ડ મેડલ જીત્યો હતો. ટીમ આઠમી વખત મહિલા એશિયા કપ જીતીને અહીં પહોંચી છે. બંને ટીમની પ્લેઇંગ-11 ભારત: હરમનપ્રીત કૌર (કેપ્ટન), સ્મૃતિ મંધાના, શેફાલી વર્મા, ભારતી ફુલમાળી, રિચા ઘોષ (વિકેટકીપર), દીપ્તિ શર્મા, જી કમલિની, શ્રેયંકા પાટીલ, શ્રી ચરણી, નંદની શર્મા અને ક્રાંતિ ગૌડ. જાપાન: હરુના ઇવાસાકી, અકારી નિશિમોરા કાનો (વિકેટકીપર), માઈ યાનાગીડા (કેપ્ટન), એરિકા ઓડા, અહિલ્યા ચંદેલ, શિમાકો કાતો, અકાયા કાતો-સ્ટેફોર્ડ, અયૂમી ફૂજીકાવા, હિનાસે ગોતો, એરિકા તોગુચી ક્વિન અને નોનોહા યાસુમોટો. મેચ સાથે જોડાયેલા અપડેટ્સ માટે નીચેનો બ્લોગ વાંચતા રહો…