ઈન્ડિયા U-19એ ઓસ્ટ્રેલિયા અંડર-19ને પ્રથમ યુથ ટેસ્ટના પ્રથમ દિવસે 217 રનમાં ઓલઆઉટ કરી દીધું. ભારત તરફથી ઈશાન ઓમે 53 રન આપીને 5 વિકેટ ઝડપી. ઝડપી બોલર મોહિત ઉલ્વાએ 37 રન આપીને 3 વિકેટ ઝડપી. ઓસ્ટ્રેલિયા માટે બ્લેક કેટલે 102 રનની ઇનિંગ્સ રમી. ભારતે દિવસની રમત પૂરી થઈ ત્યાં સુધી 1 ઓવરમાં 8/0 રન બનાવ્યા છે. લક્ષ્ય રાયચંદાની 8 અને સાગર વિર્ક 0 રને નોટઆઉટ છે. 27/3 પછી કેટલ-હોલિકે સંભાળ્યું ઓસ્ટ્રેલિયાની શરૂઆત ખરાબ રહી. મોહિત ઉલ્વાએ હેડન બાર્બુલોવિક અને કેપ્ટન મેથ્યુ લોફને ઝડપથી આઉટ કરીને 7 રનમાં બે વિકેટ ઝડપી લીધી. ત્યાર બાદ ઓમે નીલ પટેલને 11 રને LBW આઉટ કરી દીધો. ઓસ્ટ્રેલિયાનો સ્કોર 27/3 હતો. આ પછી બ્લેક કેટલ અને જેડ હોલિકે પારી સંભાળી. બંનેએ ચોથી વિકેટ માટે 147 રનની ભાગીદારી કરી. કેટલે 40મી ઓવરમાં ચોગ્ગા સાથે અડધી સદી પૂરી કરી, જ્યારે હોલિકે 16 ઓવર બાદ ફિફ્ટી ફટકારી. હોલિકના આઉટ થતાં જ ઓસ્ટ્રેલિયાની વિકેટો પડવા લાગી 65મી ઓવરમાં ઉલ્વાએ હોલિકને વિકેટકીપરના હાથે કેચ કરાવીને ભાગીદારી તોડી. હોલિકે 160 બોલમાં 59 રન બનાવ્યા. આ પછી કેટલે પોતાની સદી પૂરી કરી. તેણે 198 બોલમાં 102 રન બનાવ્યા, જેમાં 14 ચોગ્ગા સામેલ હતા. જોકે સદીના થોડા સમય બાદ જ યશવર્ધન ચૌહાણે તેને બોલ્ડ કર્યો. કેટલના આઉટ થયા બાદ ઓસ્ટ્રેલિયાએ બાકીની 5 વિકેટ માત્ર 33 રનની અંદર ગુમાવી દીધી. ઓમે 5 બેટર્સને આઉટ કર્યા ઈશાન ઓમે ઓસ્ટ્રેલિયાના નીચલા ક્રમને સમેટી દીધો. તેણે ચાર્લ્સ હેન્ડરસન, કેસિ બાર્ટન, સ્પેન્સર ગ્રીન અને થિયો ત્સિંગોસને આઉટ કર્યા. ઓમે 24.5 ઓવરમાં 5 મેડન સાથે 53 રન આપીને 5 વિકેટ ઝડપી. યશવર્ધન ચૌહાણને પણ 2 વિકેટ મળી. ઓસ્ટ્રેલિયાની ઇનિંગ્સ 86.5 ઓવરમાં 217 રન પર સમેટાઈ ગઈ. ઓસ્ટ્રેલિયાને ઓલઆઉટ કર્યા બાદ ભારતે દિવસના અંતે એક ઓવર બેટિંગ કરી. લક્ષ્ય રાઈચંદાનીએ કેસી બાર્ટનની બોલ પર બે ચોગ્ગા ફટકાર્યા. ભારતે 1 ઓવરમાં 8/0 રન બનાવ્યા.