સોમવારના સત્રમાં ભારતીય શેરબજારમાં અગાઉના સતત છ સપ્તાહના ઘટાડા બાદ મજબૂત સુધારો જોવા મળ્યો છે. બજારમાં નીચા સ્તરે ખરીદી, શોર્ટ કવરિંગ, ક્રૂડ ઓઈલના ભાવમાં ઘટાડો અને વૈશ્વિક બજારોના સકારાત્મક સંકેતોના કારણે તેજીનું વલણ મજબૂત બન્યું છે. વેપારમાં સેન્સેક્સ આશરે 700 પોઈન્ટ વધીને અને નિફ્ટી આશરે 100 પોઈન્ટ વધીયો હતો. આ તેજી આગળ વધે તો સેન્સેક્સમાં 700 પોઈન્ટ સુધીનો સકારાત્મક મૂવમેન્ટ જોવા મળી શકે છે. જોકે બજારની અંદર અસ્થિરતા હજુ પણ ઊંચી હોવાથી ઊંચા સ્તરે નફાવસૂલી જોવા મળી શકે છે. સેન્સેક્સમાં આજે મજબૂત સુધારો જોવા મળ્યો છે. આથી નિફ્ટી ફ્યુચરમાં હાલ સકારાત્મક વલણ જોવા મળે છે, પરંતુ ક્રૂડ, વૈશ્વિક બોન્ડ યીલ્ડ અને પશ્ચિમ એશિયાના સમાચારને કારણે અસ્થિરતા યથાવત રહેવાની શક્યતા છે. બજારમાં તેજીનું સૌથી મોટું કારણ ક્રૂડ ઓઈલના ભાવમાં ઘટાડો છે. બ્રેન્ટ ક્રૂડ લગભગ 2% ઘટીને $102 પ્રતિ બેરલની નીચે આવ્યું છે. સાઉદી અરેબિયામાં તેલ પુરવઠો ધીમે ધીમે સામાન્ય થવાની આશાએ ક્રૂડના ભાવ પર દબાણ આવ્યું છે. ભારત જેવા મોટા ક્રૂડ આયાતકાર દેશ માટે ક્રૂડમાં ઘટાડો આયાત બિલ, મોંઘવારી અને કંપનીઓના ખર્ચ માટે રાહતરૂપ બની શકે છે. બીજું મહત્વનું પરિબળ અગાઉના સતત ઘટાડા બાદ નીચા સ્તરે ખરીદી છે. સતત છ સપ્તાહના ઘટાડા પછી રોકાણકારોએ પસંદગીના મોટા શેરોમાં ફરી ખરીદી શરૂ કરી છે. શોર્ટ કવરિંગે પણ બજારની તેજીને વેગ આપ્યો છે. વૈશ્વિક બજારોમાંથી પણ સકારાત્મક સંકેતો મળ્યા છે. એશિયાઈ બજારોમાં ટેકનોલોજી અને સેમિકન્ડક્ટર શેરોમાં મજબૂતી જોવા મળી છે, જેના કારણે ભારતીય બજારના સેન્ટિમેન્ટને ટેકો મળ્યો છે. તેજી છતાં બજાર માટે મુખ્ય જોખમ પશ્ચિમ એશિયાની ભૂરાજકીય સ્થિતિ છે. અમેરિકા અને ઈરાન વચ્ચે ફરી તણાવ વધ્યો છે અને બંને તરફથી આક્રમક નિવેદનો આવ્યા છે. જો સંઘર્ષ વધે અને હોર્મુઝ જળમાર્ગ અથવા અન્ય પુરવઠા માર્ગો પર અસર થાય તો ક્રૂડમાં ફરી મોટો ઉછાળો આવી શકે છે. અમેરિકી 10 વર્ષીય બોન્ડ યીલ્ડ 5%ની નજીક રહેતા વૈશ્વિક ઇક્વિટી બજારો પર દબાણ યથાવત છે. ઊંચી યીલ્ડના કારણે રોકાણકારો જોખમી ઉભરતા બજારોની સરખામણીમાં અમેરિકી સંપત્તિઓ તરફ વધુ આકર્ષાઈ શકે છે. એશિયાઈ બજારોમાંથી આજે ભારતીય બજારને સકારાત્મક સંકેતો મળ્યા છે. દક્ષિણ કોરિયાનો બજાર લગભગ 1.4% અને તાઈવાનનો બજાર લગભગ 1% વધ્યો હતો. જાપાનનું બજાર રજાના કારણે બંધ રહ્યું હતું, જ્યારે અમેરિકી શેરબજારના વાયદામાં પણ મજબૂતી જોવા મળી હતી. અમેરિકામાં ટેકનોલોજી અને સેમિકન્ડક્ટર શેરોમાં મજબૂતીના કારણે નાસ્ડેકમાં સુધારો થયો હતો. આ વૈશ્વિક ટેક સેન્ટિમેન્ટ ભારતીય આઈટી અને ટેકનોલોજી શેરો માટે પણ આધારરૂપ બની શકે છે, જોકે આજે ભારતીય બજારમાં સેક્ટરવાર વલણ મિશ્ર રહ્યું છે. ભારતીય બજારમાં અગાઉના ઘટાડા બાદ નીચા સ્તરે ખરીદીનું વલણ મુખ્ય સ્થાનિક પરિબળ છે. શુક્રવારે વિદેશી સંસ્થાકીય રોકાણકારો લગભગ રૂ. 599 કરોડના ચોખ્ખા ખરીદદાર રહ્યા હતા, જ્યારે સ્થાનિક સંસ્થાકીય રોકાણકારોએ રૂ. 1,000 કરોડથી વધુની ખરીદી કરી હતી. આથી બજારમાં પ્રવાહિતા અને ખરીદીના સેન્ટિમેન્ટને ટેકો મળ્યો છે. સાથે સાથે રાષ્ટ્રીય શેરબજારની આશરે રૂ. 2.3 અબજ ડોલરની જાહેર ઇશ્યૂ પ્રક્રિયા પણ આજે પૂર્ણ થઈ રહી હોવાથી બજારમાં પ્રાથમિક બજાર તરફ મૂડીના પ્રવાહ પર નજર છે. આજે ખાસ કરીને એફએમસીજી, ફાર્મા, બેન્કિંગ, નાણાકીય સેવાઓ, કેપિટલ ગુડ્સ અને પસંદગીના ઓટો શેરોમાં ખરીદી જોવા મળી છે. અલ્ટ્રાટેક સિમેન્ટ, સન ફાર્મા, એચસીએલ ટેક, એશિયન પેઇન્ટ્સ અને ઇન્ડિગો જેવા શેરોમાં 2% થી 3% સુધીની મજબૂતી નોંધાઈ હતી. બેન્કિંગ ક્ષેત્રમાં એચડીએફસી બેન્ક અને આઈસીઆઈસીઆઈ બેન્કમાં પણ ખરીદી જોવા મળી હતી, જ્યારે રિલાયન્સ ઇન્ડસ્ટ્રીઝમાં પણ મજબૂતી નોંધાઈ હતી. આ મોટા વજન ધરાવતા શેરોના સુધારાથી સેન્સેક્સ અને નિફ્ટીને સીધો ટેકો મળ્યો છે. બીજી તરફ આઈટી ક્ષેત્રમાં સમગ્ર સેક્ટરમાં એકસરખી તેજી જોવા મળી નથી અને કેટલીક કંપનીઓમાં નફાવસૂલીને કારણે દબાણ પણ જોવા મળ્યું છે. પાવર ગ્રિડ અને ભારતી એરટેલ જેવા શેરો પણ દબાણ હેઠળ રહ્યા હતા. અગાઉના સતત ઘટાડા બાદ આ સુધારો રોકાણકારોના સેન્ટિમેન્ટમાં સુધારો દર્શાવે છે. જો બેન્કિંગ, રિલાયન્સ, ફાર્મા અને અન્ય મોટા વજન ધરાવતા શેરોમાં ખરીદી ચાલુ રહે અને વૈશ્વિક બજારોનો સહયોગ મળે તો સેન્સેક્સમાં 700 પોઈન્ટ સુધીનો ઉછાળો જોવા મળી શકે છે. સપ્ટેમ્બરમાં અત્યાર સુધી વિદેશી રોકાણકારોની કુલ વેચવાલી રૂ. 23,000 કરોડથી વધુ હોવાનું અહેવાલોમાં જણાવાયું છે. તેથી એક દિવસની ખરીદીને સ્થાયી વલણમાં ફેરફાર તરીકે જોવાને બદલે આગામી સત્રોમાં FII પ્રવાહ પર નજર રાખવી મહત્વપૂર્ણ રહેશે. ક્રૂડ ઓઈલના ભાવમાં આજે નોંધપાત્ર રાહત જોવા મળી છે. બ્રેન્ટ ક્રૂડ લગભગ $102 પ્રતિ બેરલ અને અમેરિકી ક્રૂડ લગભગ $98.50 પ્રતિ બેરલની આસપાસ રહ્યું છે. સાઉદી અરેબિયાથી પુરવઠો સુધરવાની આશાએ ક્રૂડમાં ઘટાડો થયો છે. ભારત માટે આ મહત્વપૂર્ણ સકારાત્મક પરિબળ છે કારણ કે ક્રૂડમાં ઘટાડાથી આયાત ખર્ચ અને મોંઘવારીના દબાણમાં રાહત મળી શકે છે. બીજી તરફ સોનાના ભાવ પર ઊંચી બોન્ડ યીલ્ડનું દબાણ જોવા મળ્યું છે અને સોનું લગભગ 0.5% ઘટીને $4,355 પ્રતિ ઔંસની આસપાસ રહ્યું હતું. ભાવિ દિશા :- આગામી સત્રોમાં ભારતીય શેરબજારની દિશા મુખ્યત્વે ક્રૂડ ઓઈલ, પશ્ચિમ એશિયાની ભૂરાજકીય સ્થિતિ, અમેરિકી બોન્ડ યીલ્ડ અને FII/DII પ્રવાહ પર આધારિત રહેશે. હાલ ક્રૂડમાં ઘટાડો, એશિયાઈ બજારોમાં મજબૂતી અને નીચા સ્તરે ખરીદી બજારને ટેકો આપી રહ્યા છે. અગાઉના સતત ઘટાડા બાદ ખરીદીનું વલણ મજબૂત બન્યું છે. ક્રૂડમાં રાહત અને વૈશ્વિક ટેક શેરોમાં મજબૂતી બજાર માટે સકારાત્મક પરિબળ છે, પરંતુ પશ્ચિમ એશિયાની સ્થિતિ, ઊંચી અમેરિકી બોન્ડ યીલ્ડ અને સપ્ટેમ્બરની FII વેચવાલી હજુ પણ જોખમરૂપ છે. તેથી 700 પોઈન્ટ સુધીની તેજી વચ્ચે પણ બજારમાં અસ્થિરતા અને ઊંચા સ્તરે નફાવસૂલીને ધ્યાનમાં રાખવી જરૂરી રહેશે. તા. 22.09.2026 ના રોજ સ્ટોક માર્કેટ ટ્રેડીંગ સંદર્ભે… તા. 21.09.2026 ના રોજ નિફટી ફ્યુચર બંધ ભાવ @ 23450 પોઈન્ટ :- આગામી સંભવિત નિફ્ટી ફ્યુચર 23373 પોઈન્ટના પ્રથમ અને 23303 પોઈન્ટના અતિ મહત્વના સ્ટ્રોંગ સપોર્ટથી ટ્રેડીંગ સંદર્ભે 23494 પોઈન્ટ થી 23509 પોઈન્ટ આસપાસ અતિ મહત્વની સપાટીને સ્પર્શી શકે તેવી સંભાવના ધરાવે છે. નિફ્ટી ફ્યુચર 23520 પોઈન્ટ નજીક સાવધાનીપૂર્વક પોઝિશન બનાવવી જોઇએ….!!! હવે જોઈએ સ્ટોક સ્પેસિફિક રેન્જ મૂવમેન્ટ: લુપિન ( 2122 ) :- ફાર્મા સેક્ટરની આ અગ્રણી કંપનીના શેરનો ભાવ હાલમાં રૂ. 2122 આસપાસ પ્રવર્તી રહ્યો છે. રૂ. 2093 ના સ્ટ્રોંગ સપોર્ટથી આ સ્ટોક ટૂંકા સમયગાળે રૂ. 2137 થી રૂ. 2144 આસપાસ ભાવ સપાટી નોંધાવે તેવી શક્યતા છે…!! રૂ. 2150 ઉપર તેજી તરફી ધ્યાન…!! બજાજ ફિનસર્વ ( 1859 ) :- ટેકનીકલ ચાર્ટ મુજબ ફાઇનાન્શિયલ સર્વિસિસ સેક્ટરનો આ સ્ટોક રૂ. 1833 આસપાસ પોઝીટીવ બ્રેકઆઉટ…!! રૂ. 1820 ના સપોર્ટથી આ સ્ટોક રૂ. 1874 થી રૂ. 1880 આસપાસ ભાવ સપાટી નોંધાવે તેવી સંભાવના છે…!! ભારતી એરટેલ ( 1830 ) :- રૂ. 1803 નો પ્રથમ તેમજ રૂ. 1790 ના બીજા સપોર્ટથી ટેલિકોમ સેક્ટરનો રોકાણલક્ષી આ સ્ટોક રૂ. 1844 થી રૂ. 1850 આસપાસ ભાવ સપાટી નોંધાવે તેવી શક્યતા છે…!! અદાણી પોર્ટ્સ ( 1791 ) :- પોર્ટ્સ અને લોજિસ્ટિક્સ સેક્ટરનો આ સ્ટોક રૂ. 1774 ના સ્ટ્રોંગ સપોર્ટથી રૂ. 1803 થી રૂ. 1820 આસપાસ ભાવ સપાટી નોંધાવે તેવી સંભાવના છે…!! રૂ. 1820 ઉપર તેજી તરફી ધ્યાન…!! અદાણી એનર્જી સોલ્યુશન્સ ( 1409 ) :- રૂ. 1388 નો પ્રથમ તેમજ રૂ. 1375 ના બીજા સપોર્ટથી પાવર ટ્રાન્સમિશન અને એનર્જી સેક્ટરનો રોકાણલક્ષી આ સ્ટોક રૂ. 1424 થી રૂ. 1430 આસપાસ ભાવ સપાટી નોંધાવે તેવી શક્યતા છે…!!