સ્પેસએક્સના ફાઉન્ડર ઇલોન મસ્ક હવે ચંદ્ર પર શહેર વસાવશે. તેમણે પોતાનું ધ્યાન મંગળ ગ્રહ પરથી ચંદ્ર પર શિફ્ટ કરી દીધું છે. આવું એટલા માટે કારણ કે અહીં માણસોને મોકલવા મંગળની સરખામણીમાં સરળ છે. આજે 9 ફેબ્રુઆરીએ મસ્કે X પર આની જાણકારી આપી. મિશન હજુ પણ તે જ- તારાઓ સુધી જીવન લઈ જવું મસ્કે કહ્યું- સ્પેસએક્સે હવે પોતાનું ધ્યાન ચંદ્ર પર “સેલ્ફ-ગ્રોઈંગ સિટી” બનાવવામાં લગાવી દીધું છે. આવું એટલા માટે કારણ કે આપણે તેને 10 વર્ષથી પણ ઓછા સમયમાં હાંસલ કરી શકીએ છીએ, જ્યારે મંગળ ગ્રહ પર શહેર વસાવવામાં 20 વર્ષથી વધુનો સમય લાગશે. મિશન હજુ પણ તે જ છે: ચેતના અને જીવનને તારાઓ સુધી લઈ જવું. મંગળની યાત્રા ત્યારે જ શક્ય છે જ્યારે દર 26 મહિને ગ્રહો એક સીધી રેખામાં આવે છે. ત્યાં જવામાં 6 મહિના લાગે છે. જ્યારે આપણે દર 10 દિવસે ચંદ્ર માટે રોકેટ લોન્ચ કરી શકીએ છીએ. ત્યાં પહોંચવામાં માત્ર 2 દિવસ લાગે છે. સ્પેસએક્સ મંગળ પર પણ શહેર વસાવવાનો પૂરો પ્રયાસ કરશે અને લગભગ 7 વર્ષમાં તેની શરૂઆત કરી દેશે. હાલમાં સૌથી મોટી પ્રાથમિકતા માનવતાના ભવિષ્યને સુરક્ષિત કરવાની છે. માનવીઓને બચાવવા માટે ‘પ્લાન-બી’ છે મંગળ મસ્ક કહેતા રહ્યા છે કે સ્પેસએક્સનો મુખ્ય ધ્યેય મંગળ પર વસાહત સ્થાપવાનો છે. દુનિયા ખતમ થવા જેવી કોઈ સ્થિતિમાં માનવીઓના અસ્તિત્વને બચાવવા માટે આ પગલું જરૂરી છે. તેનાથી વિપરીત, નાસાનું સંપૂર્ણ ધ્યાન મૂન મિશન પર રહ્યું છે. નાસા 2028 સુધીમાં અવકાશયાત્રીઓને ચંદ્રની સપાટી પર પાછા મોકલવા માટે કામ કરી રહ્યું છે. 1972માં એપોલો પ્રોગ્રામ સમાપ્ત થયા પછી, આ પહેલીવાર હશે જ્યારે માનવીઓ ચંદ્ર પર પગ મૂકશે. મસ્ક ભૂતકાળમાં આ પ્રયાસોની ટીકા કરી ચૂક્યા છે. ગયા વર્ષની શરૂઆતમાં, તેમણે નાસાના મૂન પ્રોગ્રામ ‘આર્ટેમિસ’ને “ધ્યાન ભટકાવનાર” ગણાવ્યો હતો. તે સમયે તેમણે લખ્યું હતું કે, “અમે સીધા મંગળ પર જઈ રહ્યા છીએ. ચંદ્ર ફક્ત ધ્યાન ભટકાવનારી વસ્તુ છે.” મસ્કના લેન્ડર પર આધારિત નાસાનું મૂન મિશન નાસાના મૂન મિશનમાં સ્પેસએક્સનું લુનર લેન્ડર ઉપયોગમાં લેવાશે. તેને બનાવવા માટે નાસાએ સ્પેસએક્સને 3 બિલિયન ડોલર એટલે કે, લગભગ 27 હજાર કરોડ રૂપિયાનો કોન્ટ્રાક્ટ આપ્યો છે. હાલમાં તે ટેસ્ટિંગ ફેઝમાં છે અને ઘણા પરીક્ષણો દરમિયાન તેમાં વિસ્ફોટ પણ થયા છે. માર્ચમાં કંપની તેના નવા પ્રોટોટાઇપનું પરીક્ષણ કરી શકે છે. જેફ બેઝોસની કંપની ‘બ્લુ ઓરિજિન’ પણ આ જ પ્રકારનું લેન્ડર બનાવવાની રેસમાં મસ્કની મુખ્ય હરીફ છે.