ઈશા સિંહે એશિયન શૂટિંગ ચેમ્પિયનશિપમાં બીજો ગોલ્ડ જીતી લીધો છે. નવી દિલ્હીના ડો. કરણી સિંહ શૂટિંગ રેન્જમાં વુમન્સ 10 મીટર એર પિસ્તોલમાં ઈશાએ 239.8નો સ્કોર કર્યો. જ્યારે મેન્સ 10 મીટર એર પિસ્તોલમાં સમ્રાટ રાણાને બ્રોન્ઝ મેડલ મળ્યો. 19મા શોટમાં લીડ બનાવી બુધવારે રમાયેલી ફાઇનલમાં ઈશાએ શરૂઆતના પાંચ શોટ બાદ સાતમા સ્થાનેથી વાપસી કરતા 19મા શોટ બાદ નિર્ણાયક લીડ બનાવી. ચીની તાઈપેની ચેંગ યેન ચિંગને સિલ્વર અને યુ વી એન ને બ્રોન્ઝ મળ્યો. સમ્રાટ રાણાને બ્રોન્ઝ મેન્સની 10 મીટર એર પિસ્તોલમાં ભારતના સમ્રાટ રાણાએ 220.3ના સ્કોર સાથે બ્રોન્ઝ મેડલ જીત્યો. આ ઇવેન્ટમાં ઉઝબેકિસ્તાનના વિલામદિર સ્વશનીકોવે ગોલ્ડ (242.0) અને કઝાકિસ્તાનના વેલીરી રાખીમજાને સિલ્વર જીત્યો. મનુ ભાકરને ટીમ ઇવેન્ટમાં ગોલ્ડ ટીમ ઇવેન્ટમાં પણ ભારતે શાનદાર પ્રદર્શન કર્યું. વુમન્સ એર પિસ્તોલ ટીમમાં ઈશા સિંહ, મનુ ભાકર અને સુરુચિ સિંહની ત્રિપુટીએ 1726 પોઇન્ટ્સ સાથે ગોલ્ડ જીત્યો, જે વિયેતનામ કરતાં 13 પોઇન્ટ્સ વધુ હતો. મેન્સ ટીમમાં સમ્રાટ રાણા, શ્રવણ કુમાર અને વરુણ તોમરને સિલ્વર મળ્યો. જોનાથનને ગોલ્ડ જુનિયર વર્ગમાં જોનાથન ગેવિન એન્ટોનીએ મેન્સની 10 મીટર એર પિસ્તોલમાં 240.9ના સ્કોર સાથે વ્યક્તિગત સુવર્ણ જીત્યો અને ચિરાગ શર્મા અને પ્રિયાંશુ યાદવ સાથે ટીમ ગોલ્ડ પણ મેળવ્યો. દિવસની છેલ્લી ઇવેન્ટ, મેન્સ યુથ 10 મીટર એર પિસ્તોલમાં ભારતે 1-2 ફિનિશ કર્યું. ધૈર્ય પરાશરે ગોલ્ડ અને મનદીપ ચૌહાણે સિલ્વર જીત્યો, જ્યારે બંનેએ ગિરીશ ગુપ્તા સાથે મળીને ટીમ ગોલ્ડ પણ પોતાના નામે કર્યો. પહેલા દિવસે ભારતને 9 મેડલ એકંદરે, ભારતે પહેલા દિવસે 6 ગોલ્ડ અને 2 સિલ્વર સહિત 9 મેડલ જીતીને પોઈન્ટ્સ ટેબલમાં ઉઝબેકિસ્તાનથી મોટી સરસાઈ મેળવી લીધી. તમામ મુકાબલાઓનું લાઈવ પ્રસારણ ફેનકોડ પર થઈ રહ્યું છે.