આઇચી-નાગોયામાં એશિયન ગેમ્સના પૂલ-બીમાં ભારતીય મહિલા હોકી ટીમે સતત બીજી મોટી જીત નોંધાવી. ભારતે સોમવારે ઇન્ડોનેશિયાને 17-1થી હરાવ્યું. દીપિકા સેહરાવત અને રુતુજા પિસાલે 3-3 ગોલ કર્યા. ભારતે આ પહેલાં ઉઝબેકિસ્તાનને 19-0થી હરાવ્યું હતું. હાફ ટાઇમ સુધી 9-0ની સરસાઈ દીપિકાએ 8મી મિનિટે પેનલ્ટી કોર્નર પર ગોલ કરીને ભારતનું ખાતું ખોલ્યું. ત્યારબાદ સુનેલિતા ટોપ્પો, લાલરેમસિયામી અને રુતુજાએ ગોલ કર્યા. બીજા ક્વાર્ટરમાં લાલરેમસિયામી, રુતુજા, સાક્ષી રાણા, દીપિકા અને સુનેલિતાએ ગોલ કર્યા. હાફ ટાઇમ સુધી ભારત 9-0થી આગળ હતું. ત્રીજા ક્વાર્ટરમાં ઇન્ડોનેશિયાએ એક ગોલ કર્યો ઇન્ડોનેશિયા માટે ઇનેસ અદિયાતાએ 32મી મિનિટે એકમાત્ર ગોલ કર્યો. ત્યારબાદ સલીમા ટેટે, નવનીત કૌર, ઇશિકા, રુતુજા અને દીપિકાએ ગોલ કરીને ત્રીજા ક્વાર્ટર સુધી ભારતની સરસાઈ 14-1 કરી દીધી. છેલ્લા ક્વાર્ટરમાં નવનીતે 56મી અને 57મી મિનિટે ગોલ કર્યા. સાક્ષી રાણાએ પણ 57મી મિનિટે ગોલ કરીને ભારતની જીત 17-1 કરી દીધી. દીપિકાનું સતત બીજું શાનદાર પ્રદર્શન ઉઝબેકિસ્તાન સામેની છેલ્લી મેચમાં 8 ગોલ કરનાર દીપિકાએ ઇન્ડોનેશિયા સામે 3 ગોલ કર્યા. તે હવે બે મેચમાં 11 ગોલ કરી ચૂકી છે.