ભારતની પુરુષ અને મહિલા તીરંદાજી ટીમોએ એશિયન ગેમ્સની સેમિફાઇનલમાં સ્થાન મેળવી લીધું છે, જ્યાં તેમનો સામનો દક્ષિણ કોરિયા સામે થશે. રવિવારે ગેમ્સના 8મા દિવસે શૂટિંગમાં 25 મીટર પિસ્તોલની ક્વોલિફિકેશન ઇવેન્ટ્સ ચાલી રહી છે. તેમાં મનુ ભાકર, ઈશા સિંહ અને રાહી સરનોબત ભાગ લઈ રહ્યાં છે. બીજી તરફ મંજુ રાણી અને પ્રિયંકા ગોસ્વામી મહિલાઓની મેરેથોન વૉક રેસમાં ભાગ લઈ રહ્યાં છે. એશિયાડમાં આજે 33 ગોલ્ડ મેડલ દાવ પર છે. 18 વર્ષની અનાહત સિંહ સ્ક્વોશ મહિલા સિંગલ્સની ફાઇનલ મેચ રમશે. ભારતને તેમની પાસેથી ગોલ્ડની આશા રહેશે. તેમનો મુકાબલો બપોરે 1:30 વાગ્યે મલેશિયાની સિવાસંગરી સુબ્રમણિયમ સામે થશે. અભય સિંહ પુરુષ સિંગલ્સની ફાઇનલમાં બપોરે 12:30 વાગ્યે એનગ એઇન યો સામે રમશે. આ ઉપરાંત મહિલા હૉકી ટીમ સિંગાપોર સામે ટકરાશે. જ્યારે પુરુષ વૉલીબૉલ ટીમ વિયેતનામ સામે મેદાનમાં ઉતરશે.