જો તમે આ દિવસોમાં ક્યાંક રોકાણ કરવાની યોજના બનાવી રહ્યા હો, તો પોસ્ટ ઓફિસની કિસાન વિકાસ પત્ર યોજના વિશે જાણી લેવું જોઈએ. તેમાં 7.5% વ્યાજ મળી રહ્યું છે. અમે તમને આ યોજના વિશે જણાવી રહ્યા છીએ… કિસાન વિકાસ પત્ર યોજના શું છે? કિસાન વિકાસ પત્ર ભારત સરકારની સ્મોલ સેવિંગ્સ સ્કીમ છે. આ એક પ્રકારની ફિક્સ્ડ ડિપોઝિટ સ્કીમ એટલે કે FD જ છે. તેમાં તમારે ઓછામાં ઓછા અઢી વર્ષ એટલે કે 30 મહિના માટે રોકાણ કરવું પડે છે. તેમાં અઢી વર્ષનો લોક-ઇન પિરિયડ રાખવામાં આવ્યો છે. એટલે કે તમે આટલા વર્ષો સુધી આ યોજનામાંથી પૈસા ઉપાડી શકતા નથી. કિસાન વિકાસ પત્રમાં વ્યાજદર અને રિટર્ન કેવી રીતે નક્કી થાય છે? KVP પરનો વ્યાજદર સરકાર દર ત્રિમાસિક ગાળે નક્કી કરે છે. હાલમાં વાર્ષિક 7.5% ચક્રવૃદ્ધિ વ્યાજ મળી રહ્યું છે. ચક્રવૃદ્ધિ વ્યાજનો અર્થ એ છે કે દર વર્ષે મળતું વ્યાજ મૂળધનમાં ઉમેરાઈ જાય છે અને આગામી વર્ષે તેના પર વ્યાજ મળે છે. આ જ કારણે નિશ્ચિત સમયગાળો પૂર્ણ થવા પર રોકાણની રકમ બમણી થઈ જાય છે. લાંબા સમયના રોકાણ માટે વધુ સારું આ યોજના ખાસ કરીને એવા રોકાણકારો માટે વધુ સારી માનવામાં આવે છે, જેઓ જોખમથી બચવા માંગે છે અને સ્થિર વળતર ઇચ્છે છે. આ રોકાણ વિકલ્પ આ લોકો માટે વધુ ઉપયોગી બની શકે છે- કોઈપણ ભારતીય રોકાણ કરી શકે છે કોઈપણ ભારતીય નાગરિક આ સ્કીમમાં પૈસા રોકી શકે છે. કિસાન વિકાસ પત્રમાં રોકાણ કરનારની ઉંમર ઓછામાં ઓછી 18 વર્ષ હોવી જરૂરી છે. જોકે સગીર વતી વાલી એટલે કે ગાર્જિયન તેમાં રોકાણ કરી શકે છે. આ ઉપરાંત તેમાં સંયુક્ત ખાતું પણ ખોલી શકાય છે. તમે કોઈપણ પોસ્ટ ઑફિસ અને બેંકમાં ઑનલાઇન અથવા ઑફલાઇન જઈને તેમાં રોકાણ કરી શકો છો.