કેનેડાના ઓન્ટારિયોમાં શીખ હેરિટેજ મંથના એક કાર્યક્રમમાં અચાનક હોબાળો થયો. કાર્યક્રમમાં એક યુવતીના વાળ ખેંચવા અને થપ્પડ મારવાના આરોપો લાગ્યા. આ કાર્યક્રમ શીખ સમુદાયના ઇતિહાસ અને તેમના યોગદાનને સન્માન આપવાના ઉદ્દેશ્યથી આયોજિત કરવામાં આવ્યો હતો. ઓન્ટારિયો ગુરુદ્વારા અને અન્ય ભાઈચારાના લોકો પ્રાંતની સરકાર સાથે મળીને આ મહિનાની ઉજવણી કરવા પહોંચ્યા હતા. કાર્યક્રમ દરમિયાન ઘણા ઓન્ટારિયો ઇમિગ્રન્ટ નોમિની પ્રોગ્રામ (OINP) કામદારોએ પ્રદર્શન કરવાનું શરૂ કર્યું અને કેનેડા સરકારને સવાલો પૂછવા માંડ્યા. તેમનું કહેવું હતું કે તેમની OINP અરજીઓના રિજેક્શનથી તેઓ ખૂબ નારાજ છે અને તેઓ આ મુદ્દે સરકાર પાસેથી જવાબ માંગતા હતા. ત્યારે જ સવાલ પૂછી રહેલી યુવતી સાથે મારપીટ થઈ. હોબાળાનો વીડિયો પણ સામે આવ્યો છે. 1 મિનિટ 23 સેકન્ડના વીડિયોમાં શું દેખાયું… યુવતીએ કેનેડિયન અધિકારીઓને પૂછ્યા હતા સવાલ જોકે, પ્રદર્શન કરવા આવેલા OINP વર્કર્સમાંથી 6 લોકોને અંદર કાર્યક્રમમાં જવાની મંજૂરી આપવામાં આવી હતી, પરંતુ યુવતીના સવાલો પર કેટલાક લોકો ભડકી ગયા અને મારામારી થઈ. આ પછી થોડા સમય પછી જ્યારે કેનેડિયન અધિકારીઓ ત્યાંથી જવા લાગ્યા, ત્યારે કેટલાક લોકોએ ફરીથી સવાલો ઉઠાવવાનું શરૂ કરી દીધું અને વીડિયો બનાવવા લાગ્યા. ઓન્ટારિયો ગુરુદ્વારા કમિટી અને OINP વચ્ચે દલીલ આ દરમિયાન ઓન્ટારિયો ગુરુદ્વારા કમિટી અને OINP વર્કર્સ વચ્ચે દલીલ શરૂ થઈ ગઈ. તેનો એક વીડિયો સામે આવ્યો છે, જેમાં એક વ્યક્તિ દાવો કરી રહ્યો છે કે પાઘડી પહેરેલા શખ્સે એક યુવતીને થપ્પડ મારી અને તેના વાળ ખેંચ્યા છે. ગુરુદ્વારા મેનેજમેન્ટે જણાવ્યું- કોઈ મારામારી થઈ નથી ગુરુદ્વારા મેનેજમેન્ટે પોતાનો પક્ષ રજૂ કરતા કહ્યું હતું કે આવી કોઈ ઘટના બની નથી, પરંતુ સ્વીકાર્યું હતું કે ફોન ખરેખર છીનવી લીધો હતો.