ફેસબુક અને ઇન્સ્ટાગ્રામની પેરન્ટ કંપની મેટાએ ક્રેડ (CRED) એપના ફાઉન્ડર કુણાલ શાહને વોટ્સએપના નવા ગ્લોબલ હેડ બનાવ્યા છે. તેઓ વિલ કેથકાર્ટની જગ્યા લેશે, જેઓ 7 વર્ષથી વોટ્સએપની કમાન સંભાળી રહ્યા હતા. કેથકાર્ટ હવે મેટામાં આર્ટિફિશિયલ ઇન્ટેલિજન્સ (AI) સંબંધિત નવા પ્રોજેક્ટ્સ પર કામ કરશે. સોમવારે આ માહિતી મેટા CEO માર્ક ઝુકરબર્ગે પોસ્ટ કરીને આપી છે. તેમણે જણાવ્યું કે કંપનીએ આ નિર્ણય તે ડીલ હેઠળ લીધો છે, જેમાં મેટા UPI અને બિલ પેમેન્ટ એપ ક્રેડમાં લગભગ 8,550 કરોડ રૂપિયાનું રોકાણ કરશે. તેના બદલામાં મેટાને ક્રેડમાં 20% હિસ્સેદારી મળશે. આ પછી ક્રેડ કંપનીનું કુલ વેલ્યુએશન વધીને ₹43,239 કરોડ થઈ જશે. વોટ્સએપમાં AI ઇન્ટિગ્રેશન અને જાહેરાતથી કમાણી વધારવા પર ફોકસ રહેશે મેટા અનુસાર, કુણાલ શાહ બોસ બન્યા પછી વોટ્સએપનું સંપૂર્ણ ધ્યાન બે મોટી બાબતો પર રહેશે. મિતેન સંપત ક્રેડના વચગાળાના CEO બન્યા, IPO લાવવાની તૈયારી તેજ વોટ્સએપના ગ્લોબલ હેડની કમાન સંભાળવા માટે કુણાલ શાહ ક્રેડ CEOના પોતાના હાલના ઓપરેટિંગ પદ પરથી રાજીનામું આપશે. ત્યારબાદ તેઓ મેટાનો ભાગ બનશે. ક્રેડે હાલમાં મિતેન સંપતને કંપનીના વચગાળાના CEO બનાવ્યા છે. મિતેન સંપત વર્ષ 2020 થી ક્રેડમાં સ્ટ્રેટેજી અને ફાઇનાન્સ વિભાગની કમાન સંભાળી રહ્યા હતા. ક્રેડના બોર્ડ અને મેનેજમેન્ટે જણાવ્યું કે તેઓ કંપની માટે એક લાંબા ગાળાનું મેનેજમેન્ટ સ્ટ્રક્ચર તૈયાર કરવા પર કામ કરી રહ્યા છે, કારણ કે કંપની આગામી સમયમાં પોતાની ઇનિશિયલ પબ્લિક ઓફરિંગ એટલે કે IPO લાવવાની યોજના બનાવી રહી છે. વોટ્સએપ-ફેસબુક-ઇન્સ્ટાગ્રામના પ્લસ વર્ઝન આવશે મેટાએ તાજેતરમાં ઇન્સ્ટાગ્રામ, ફેસબુક અને વોટ્સએપ માટે નવા સબ્સ્ક્રિપ્શન પ્લાન રજૂ કર્યા છે. આ અંતર્ગત એપ્સના ‘પ્લસ’ વર્ઝન રોલ આઉટ કરવામાં આવ્યા છે. આ પ્લાન લેનારા યુઝર્સને સ્પેશિયલ ટૂલ્સ અને કસ્ટમાઇઝેશનના વિકલ્પો મળશે. ક્રેડનો ડેટા સુરક્ષિત, મેટાને માહિતી નહીં મળે આ મોટી ડીલ પછી ક્રેડના ગ્રાહકોના મનમાં ડેટા પ્રાઇવસીને લઈને સવાલો ઉઠી રહ્યા હતા. જોકે, મેટાએ સ્પષ્ટપણે જણાવ્યું છે કે એક વ્યૂહાત્મક રોકાણકાર (Strategic Investor) બનવા છતાં તેને ક્રેડના ગ્રાહકોની કોઈપણ પ્રકારની ખાનગી કે નાણાકીય માહિતીનો એક્સેસ આપવામાં આવશે નહીં. ગ્રાહકોનો ડેટા સંપૂર્ણપણે સુરક્ષિત રહેશે. નવી ફંડિંગથી બિઝનેસ વધારવા અને ક્રેડને આગળ લઈ જવાની યોજના રોકાણ અને નેતૃત્વમાં થયેલા આ મોટા ફેરફાર વિશે વાત કરતા, કુણાલ શાહે કહ્યું કે ક્રેડની શરૂઆત ફક્ત સારા ક્રેડિટ સ્કોર ધરાવતા લોકોને પુરસ્કાર આપવાના એક વિચારથી થઈ હતી, જે આજે લાખો સભ્યો અને નફાકારક બિઝનેસ મોડેલ સાથે એક મોટું પ્લેટફોર્મ બની ગયું છે. તેમણે જણાવ્યું કે ક્રેડની લીડરશિપ ટીમ આગામી તબક્કામાં કંપનીને વધુ આગળ લઈ જશે. નવા વચગાળાના CEO મિતેન સંપતે પણ કહ્યું કે આ ફ્રેશ કેપિટલ (નવા ભંડોળ) નો ઉપયોગ અલગ-અલગ વર્ટિકલ્સમાં નેતૃત્વ મજબૂત કરવા અને ક્રેડને શેરબજારમાં લિસ્ટ કરાવતા પહેલા બિઝનેસનો વ્યાપ વધારવા માટે કરવામાં આવશે.