ભારતનું યુનિફાઇડ પેમેન્ટ્સ ઇન્ટરફેસ (UPI) હવે ગ્રીસમાં પણ લાઇવ થઈ ગયું છે. ગ્રીસ આ ડિજિટલ પેમેન્ટ નેટવર્ક સાથે જોડાનાર નવો દેશ બની ગયો છે. એથેન્સમાં યુરોબેંકના હેડક્વાર્ટરમાં યુરોબેંક અને NPCI ઇન્ટરનેશનલ પેમેન્ટ્સ લિમિટેડની ભાગીદારીથી શરૂ થયેલી આ સર્વિસનો લાઇવ ડેમો પણ જોવા મળ્યો. કેન્દ્રીય મંત્રી પીયૂષ ગોયલની હાજરીમાં ડેમો થયો કેન્દ્રીય વાણિજ્ય અને ઉદ્યોગ મંત્રી પીયૂષ ગોયલે એથેન્સની તેમની સત્તાવાર મુલાકાત દરમિયાન આ સેવાનો લાઇવ ડેમો જોયો. તેમણે કહ્યું કે UPI ને મળી રહેલી વૈશ્વિક સ્વીકૃતિ એ સાબિત કરે છે કે ભારતની ટેકનોલોજી પર દુનિયાનો વિશ્વાસ વધી રહ્યો છે. આ ટેકનોલોજી સરહદોની પાર પણ સારી રીતે કામ કરી શકે છે. હવે 10 દેશોમાં મળશે UPIની સુવિધા ગ્રીસના આ નેટવર્કમાં સામેલ થયા પછી હવે દુનિયાના 10 દેશોમાં અલગ-અલગ સ્વરૂપોમાં UPIનો ઉપયોગ કરી શકાશે. આ ભારતીય પ્રવાસીઓ માટે QR-કોડ આધારિત મર્ચન્ટ પેમેન્ટથી લઈને ક્રોસ-બોર્ડર રેમિટન્સ સર્વિસિસ (પૈસા ટ્રાન્સફર કરવા) સુધીની સુવિધા પૂરી પાડે છે. ગ્રીસ પહેલાં કંબોડિયામાં શરૂ થયું હતું UPI ગ્રીસથી બરાબર પહેલાં કંબોડિયા આ યાદીમાં સામેલ થનાર 9મો દેશ બન્યો હતો. આ માટે NPCI ઇન્ટરનેશનલ પેમેન્ટ્સ લિમિટેડે ત્યાંની ACLEDA બેંક સાથે ભાગીદારી કરી હતી. આ અંતર્ગત કંબોડિયાના નેશનલ QR કોડ ‘KHQR’ દ્વારા ક્રોસ-બોર્ડર UPI પેમેન્ટ્સની શરૂઆત કરવામાં આવી હતી. આ પહેલાં સિંગાપોર, UAE, ફ્રાન્સ, મોરેશિયસ, નેપાળ, ભૂટાન, કતાર અને શ્રીલંકાને તે આઠ દેશો તરીકે લિસ્ટ કરવામાં આવ્યા હતા, જ્યાં UPI સ્વીકારવામાં આવી રહ્યું છે. ફ્રાન્સના એફિલ ટાવરથી થઈ હતી શરૂઆત યુરોપમાં UPIના વિસ્તરણમાં ફ્રાન્સ એક અત્યંત મહત્વપૂર્ણ ભાગ રહ્યું છે. વર્ષ 2024માં પેરિસના એફિલ ટાવરથી UPI લોન્ચ કરવામાં આવ્યું હતું. ત્યારબાદ આ સર્વિસનું વિસ્તરણ ત્યાંના મોટા રિટેલ ડેસ્ટિનેશન્સ જેવા કે નીસમાં સ્થિત ‘ગેલેરીઝ લાફાયેટ’ સુધી કરવામાં આવ્યું. શું છે UPI અને તેના ગ્લોબલ વિસ્તરણનું ભવિષ્ય વિદેશી ધરતી પર UPI કેવી રીતે કામ કરે છે? ભારતીય પ્રવાસીઓ વિદેશમાં ઇન્ટરનેશનલ રોમિંગ અથવા એક્ટિવેટેડ UPI એપ દ્વારા ત્યાંના સ્થાનિક QR કોડ (જેમ કે કંબોડિયામાં KHQR અથવા ગ્રીસમાં યુરોબેંક મર્ચન્ટ નેટવર્ક) ને સ્કેન કરીને સીધા પોતાના ભારતીય બેંક ખાતામાંથી પેમેન્ટ કરી શકે છે. આનાથી તેમને વિદેશી કરન્સી એક્સચેન્જ કરાવવાની ઝંઝટમાંથી મુક્તિ મળે છે. આ સમાચાર પણ વાંચો… અજાણ્યા વ્યક્તિને WhatsApp નંબર આપવો નહીં પડે:વ્હોટસએપ લાવ્યું નવું પ્રાઈવસી ફીચર, તમે પણ બનાવો યુનિક યૂઝરનેમ; જાણો નિયમ અને શરતો અત્યાર સુધી વોટ્સએપ પર કોઈ નવા વ્યક્તિ સાથે વાત કરવા માટે પોતાનો મોબાઈલ નંબર આપવો જરૂરી હતો. પરંતુ હવે આવું નહીં થાય. મેટાની માલિકીના વોટ્સએપે યુઝરનેમ ફીચર લોન્ચ કરવાની જાહેરાત કરી છે. આ પછી લોકો પોતાનો મોબાઈલ નંબર જણાવ્યા વિના પણ માત્ર યુઝરનેમ દ્વારા ચેટ કરી શકશે. સંપૂર્ણ સમાચાર વાંચો…