46મી FIDE ચેસ ઓલિમ્પિયાડના નવમા રાઉન્ડમાં ભારતીય મેન્સ ટીમે જર્મનીને 2.5-1.5થી હરાવ્યું. ભારત માટે ડી. ગુકેશે અલેક્ઝાન્ડર ડોનચેન્કોને હરાવીને મહત્વપૂર્ણ જીત અપાવી. આ પરિણામ બાદ ભારત 15 મેચ-પોઇન્ટ્સ સાથે બીજા સ્થાને પહોંચી ગયું. યજમાન ઉઝબેકિસ્તાન 16 પોઇન્ટ્સ સાથે પ્રથમ સ્થાને છે. ગુકેશે મુશ્કેલ સ્થિતિમાંથી જીત અપાવી જર્મની સામેની મુકાબલામાં એક સમયે ભારતીય ટીમ મુશ્કેલ સ્થિતિમાં હતી. નિહાલ સરીનની બાજી ડ્રો થઈ ચૂકી હતી, જ્યારે આર. પ્રજ્ઞાનંદ અને અર્જુન એરીગૈસીની બાજીઓ પણ બરાબરી પર હતી. ગુકેશની સ્થિતિ ખરાબ હતી. આમ છતાં ગુકેશે રમત ચાલુ રાખી અને ડોનચેન્કોની ભૂલનો ફાયદો ઉઠાવ્યો. તેણે શાનદાર ચાલ ચાલીને બાજીની દિશા બદલી નાખી અને થોડી જ ચાલોમાં જીત નોંધાવી. આ જીત સાથે ભારતે મેચ 2.5-1.5થી પોતાના નામે કરી. ઉઝબેકિસ્તાને અમેરિકાને હરાવ્યું યજમાન ઉઝબેકિસ્તાને નવમા રાઉન્ડમાં અમેરિકાને હરાવ્યું. નોદિરબેક યાકુબોવે હન્સ નીમન સામે જીત નોંધાવી. ઉઝબેકિસ્તાન 16 મેચ-પોઇન્ટ્સ સાથે ટોચ પર છે. ભારત ઉપરાંત ઉઝબેકિસ્તાનની બીજી ટીમ અને આર્મેનિયાના પણ 15-15 પોઇન્ટ્સ છે. વુમન્સ ટીમે ઉઝબેકિસ્તાનને 3-1થી હરાવ્યું ભારતીય વુમન્સ ટીમે નવમા રાઉન્ડમાં ઉઝબેકિસ્તાનને 3-1થી હરાવ્યું. આ જીત બાદ ભારતના 15 મેચ-પોઇન્ટ્સ થઈ ગયા. ચીન 17 પોઇન્ટ્સ સાથે પ્રથમ સ્થાને છે. દિવ્યા દેશમુખ અને વંતિકા અગ્રવાલે ભારત માટે જીત નોંધાવી. બી. સવિતા શ્રીની સતત 7 જીતનો સિલસિલો ડ્રો સાથે અટકી ગયો. તેણે ગિલ્ડોના કરીમોવા સામે બાજી બરાબર કરી. કોનેરુ હમ્પીની બાજી પણ ડ્રો રહી. આગામી રાઉન્ડમાં મહિલા ટીમ ચીન સામે રમશે ભારતીય મેન્સ ટીમનો આગામી મુકાબલો ઉઝબેકિસ્તાનની બીજી ટીમ સામે થશે. મહિલા ટીમ ચીન સામે રમશે. ટુર્નામેન્ટમાં હવે બે રાઉન્ડ બાકી છે.