ભારતે અત્યંત રોમાંચક મુકાબલામાં પાકિસ્તાનને 4-3થી હરાવીને એશિયન ગેમ્સ મેન્સ હોકીની ફાઇનલમાં સ્થાન મેળવી લીધું છે. અભિષેકે મેચની છેલ્લી મિનિટમાં ગોલ કરીને ભારતને જીત અપાવી. ગોલ્ડ મેડલ માટે ભારતનો સામનો કોરિયા અને મલેશિયા વચ્ચે રમાનારી બીજી સેમિફાઇનલના વિજેતા સામે થશે. 23 મિનિટમાં જ ભારત 3-0થી આગળ થઈ ગયું હતું મેચની 23મી મિનિટ સુધી ભારતે 3-0ની સરસાઈ મેળવી લીધી હતી. ત્યારબાદ પાકિસ્તાને આગામી 26 મિનિટમાં ત્રણ ગોલ કરીને મેચને 3-3થી બરાબરી પર લાવી દીધી. 59 મિનિટ સુધી મેચ બરાબરી પર રહી. ફાઇનલ હૂટર વાગ્યાના આશરે 50 સેકન્ડ પહેલાં અભિષેકે ફિલ્ડ ગોલ કરીને ભારતને જીત અપાવી. ભારતે 12મા દિવસે 2 મેડલ જીત્યા જાપાનના નાગોયામાં ચાલી રહેલી ગેમ્સના 12મા દિવસે ગુરુવારે ભારતે 2 મેડલ જીત્યા છે. ભારત મેડલ ટેલીમાં 8મા સ્થાને છે. તેના ખાતામાં કુલ 62 મેડલ થઈ ગયા છે. તેમાં 10 ગોલ્ડ, 21 સિલ્વર અને 31 બ્રોન્ઝ સામેલ છે.