2026ના ગ્રેમી એવોર્ડ્સ (સંગીત ક્ષેત્રનો સૌથી પ્રતિષ્ઠિત એવોર્ડ) આ સપ્તાહના અંતે લોસ એન્જલસમાં યોજાઈ રહ્યા છે, જેમાં સંગીતના સૌથી મોટા સ્ટાર્સ અને સરપ્રાઇઝિસથી ભરેલી રાતનું વચન આપે છે. એરેના ખાતે યોજાનાર આ શો યુએસના દર્શકો માટે રવિવાર, 1 ફેબ્રુઆરીના રોજ અને ભારતના ચાહકો માટે સોમવાર, 2 ફેબ્રુઆરીના રોજ લાઇવ પ્રસારિત થશે. બધાની નજર જસ્ટિન બીબર પર છે, જે ચાર વર્ષના વિરામ બાદ ચાર નોમિનેશન સાથે ભવ્ય વાપસી કરી રહ્યો છે. તેનું 2021 પછીનું પ્રથમ આલ્બમ ‘સ્વેગ’ આલ્બમ ઓફ ધ યર માટે નોમિનેટ થયું છે, તેમજ બેસ્ટ પોપ વોકલ પરફોર્મન્સ, બેસ્ટ પોપ વોકલ આલ્બમ અને બેસ્ટ RB પરફોર્મન્સ માટે પણ નોમિનેશન મળ્યા છે. અવિસ્મરણીય પર્ફોર્મન્સ અને સંગીતના શ્રેષ્ઠ કલાકારોના સન્માનની રાત માટે દર્શકોમાં ઉત્સાહ જોવા મળી રહ્યો છે. જસ્ટિન બીબર 4 વર્ષ બાદ ગ્રેમીમાં પર્ફોર્મ કરશે વર્ષ 2022માં આયોજિત 64મા ગ્રેમી એવોર્ડ્સ બાદ, જસ્ટિન બીબર હવે ફરી એકવાર સંગીતની આ સૌથી મોટી રાત્રિએ પરફોર્મ કરવા જઈ રહ્યો છે. વર્ષ 2022 પછી તેની આ પ્રથમ મોટી લાઈવ ઉપસ્થિતિ હશે, જેની પુષ્ટિ ખુદ રેકોર્ડિંગ એકેડેમી દ્વારા કરવામાં આવી છે. નોંધનીય છે કે, આ છેલ્લી વખત હશે જ્યારે આ શોનું CBS પર લાઈવ પ્રસારણ થશે, કારણ કે આગામી વર્ષથી શોનું સ્ટ્રીમિંગ ડિઝની પર શિફ્ટ થવાનું છે. જસ્ટિન બીબરને તેના નવા આલ્બમ ‘સ્વેગ’ (Swag) માટે પ્રતિષ્ઠિત ‘આલ્બમ ઓફ ધ યર’ કેટેગરીમાં નોમિનેટ કરવામાં આવ્યો છે. આ આલ્બમ તેની કલાત્મક વાપસી તરીકે જોવામાં આવે છે. આ ઉપરાંત, તેને શ્રેષ્ઠ પોપ વોકલ પર્ફોર્મન્સ, શ્રેષ્ઠ પોપ વોકલ આલ્બમ અને શ્રેષ્ઠ RB પર્ફોર્મન્સ જેવી મહત્વની કેટેગરીમાં પણ નામાંકન મળ્યું છે. આ ભવ્ય સમારોહમાં બીબર ઉપરાંત સબરીના કાર્પેન્ટર, ક્લિપ્સ અને ફેરલ વિલિયમ્સ જેવા કલાકારો પણ પોતાનું પર્ફોર્મન્સ આપશે. શોમાં એક ખાસ સેગમેન્ટ પણ રાખવામાં આવ્યો છે, જેમાં આ વર્ષના ‘શ્રેષ્ઠ નવા કલાકાર’ (બેસ્ટ ન્યુ આર્ટિસ્ટ) કેટેગરીના આઠ નોમિનીઝ- એડિસન રે, એલેક્સ વોરેન, કેટસેટ, લિયોન થોમસ, લોલા યંગ, ઓલિવિયા ડીન, સોમ્બર અને ધ મારિયાસ પોતાની પ્રતિભા રજૂ કરશે. ગ્રેમી માટે નોમિનેશન ધ રેકોર્ડિંગ એકેડેમી દ્વારા વર્ષ 2026ના ગ્રેમી એવોર્ડ્સ માટેના નોમિનીઝની યાદી સત્તાવાર રીતે જાહેર કરવામાં આવી છે. આ એવોર્ડ્સના વિજેતાઓનો નિર્ણય એકેડેમીના મતદાન સભ્યો દ્વારા કરવામાં આવશે, જેમાં સંગીત જગતના વિવિધ નિષ્ણાતો જેવા કે કલાકારો, એન્જિનિયરો, ગીતકારો અને નિર્માતાઓનો સમાવેશ થાય છે.