ટાટા મોટર્સ પેસેન્જર વ્હીકલ્સને FY26ના ત્રીજા ક્વાર્ટરમાં ₹3,486 કરોડનું કોન્સોલિડેટેડ નુકસાન થયું છે. ગયા વર્ષે આ જ ક્વાર્ટરમાં કંપનીને ₹5,406 કરોડનો નફો થયો હતો. સાયબર હુમલા અને ચીનના બજારમાં મંદીને કારણે જગુઆર લેન્ડ રોવર (JLR)ના વ્યવસાય પર ખરાબ અસર પડી, જેના કારણે કંપનીની કુલ આવક અને નફામાં આ ઘટાડો નોંધાયો છે. ઓક્ટોબર-ડિસેમ્બર ક્વાર્ટરમાં આવકમાં 26% ઘટાડો થયો ટાટા મોટર્સની ઓપરેશન્સમાંથી મળતી આવક વાર્ષિક ધોરણે 26% ઘટીને ₹70,108 કરોડ થઈ ગઈ છે. ગયા વર્ષના સમાન ક્વાર્ટરમાં તે ₹94,738 કરોડની આસપાસ હતી. કંપનીએ જણાવ્યું કે સાયબર હુમલાને કારણે JLRની આવક 39% ઘટીને લગભગ ₹55,000 કરોડ થઈ ગઈ. JLRને આ ક્વાર્ટરમાં ટેક્સ પહેલા લગભગ ₹3,800 કરોડનું નુકસાન થયું છે. ચીનના બજારમાં મંદી અને જૂના મોડલની અસર ઘરેલું બજારમાં ગાડીઓનું વેચાણ 22% વધ્યું JLRના ખરાબ પ્રદર્શનથી વિપરીત, ટાટા મોટર્સના ભારતીય કારોબારે મજબૂત પકડ જાળવી રાખી છે. GST દરોમાં ઘટાડો અને નવી ગાડીઓની સારી માંગને કારણે ઘરેલું પેસેન્જર અને ઇલેક્ટ્રિક વ્હીકલ (EV) નું વેચાણ 22% વધીને 1.71 લાખ યુનિટ રહ્યું. CFOને ચોથા ક્વાર્ટરમાં સારી રિકવરીનો વિશ્વાસ ટાટા મોટર્સના CFO ધીમન ગુપ્તાએ કહ્યું, “આ ક્વાર્ટર પડકારજનક રહ્યું, જેવું કે સાયબર હુમલાને કારણે આશંકા હતી. જોકે, ઘરેલું બિઝનેસે સુધારો દર્શાવ્યો છે. અમને આશા છે કે ચોથા ક્વાર્ટરમાં JLR સામાન્ય થવાથી પ્રદર્શન સુધરશે.” કન્સોલિડેટેડ નફો એટલે આખા ગ્રુપનું પ્રદર્શન કંપનીઓના પરિણામો બે ભાગમાં આવે છે- સ્ટેન્ડઅલોન અને કન્સોલિડેટેડ. સ્ટેન્ડઅલોનમાં ફક્ત એક યુનિટનું નાણાકીય પ્રદર્શન દર્શાવવામાં આવે છે. જ્યારે, કન્સોલિડેટેડ અથવા સંકલિત નાણાકીય રિપોર્ટમાં આખી કંપનીનો રિપોર્ટ આપવામાં આવે છે. અહીં, ટાટા મોટર્સની જગુઆર લેન્ડ રોવર જેવી 100 થી વધુ સબસિડિયરી અને એસોસિયેટ કંપનીઓ છે. આ બધાના નાણાકીય રિપોર્ટને ભેગા કરીને કન્સોલિડેટેડ કહેવાશે. જ્યારે, જો જગુઆર લેન્ડ રોવરના અલગ પરિણામને સ્ટેન્ડઅલોન કહેવાશે.