આવતીકાલથી T20 વર્લ્ડ કપ શરૂ થઈ રહ્યો છે. જેમાં 20 ટીમના 300 પ્લેયર્સ ભાગ લેશે. ભારત અને શ્રીલંકાની યજમાનીમાં યોજાઈ રહેલી આ ટુર્નામેન્ટમાં 48 ટકા ખેલાડીઓ 30 વર્ષની ઉંમર વટાવી ચૂક્યા છે. કેનેડાનો યુવરાજ સમરા આ ટુર્નામેન્ટનો સૌથી યુવા ખેલાડી છે. તે 19 વર્ષ 107 દિવસનો છે. બીજી તરફ, ઓમાનનો મોહમ્મદ નદીમ સૌથી મોટી ઉંમરનો ખેલાડી છે. તેની ઉંમર 43 વર્ષ 117 દિવસ છે. ટીમમાં અફઘાનિસ્તાન અને નેપાળની ટીમ સૌથી યુવા છે, બંનેની સરેરાશ ઉંમર 25-25 વર્ષ છે. જ્યારે ન્યૂઝીલેન્ડ અને USAની ટીમ સૌથી મોટી ઉંમરની છે. આમાં સરેરાશ ઉંમર 31-31 વર્ષ છે. આ સ્ટોરીમાં આપણે T20 વર્લ્ડ કપ રમી રહેલા પ્લેયર્સની ઉંમરનું એનાલિસિસ કરી રહ્યા છીએ. શરૂઆત કરીએ ટુર્નામેન્ટથી… હવે ગ્રુપ મુજબ એનાલિસિસ… ગ્રુપ-A; USA સૌથી મોટી ઉંમરની ટીમ; ભારતના 8 ખેલાડી 30+ આ ગ્રુપમાં USA સૌથી વયોવૃદ્ધ છે, જ્યારે નામિબિયાની ટીમ સૌથી યુવા છે. USAની સરેરાશ ઉંમર 31 વર્ષ છે, જ્યારે નામિબિયાની માત્ર 26 વર્ષ છે. આ ગ્રુપમાં 75 ખેલાડીઓ છે, તેમાંથી 32 પ્લેયર્સ 30 થી 35 વર્ષની વચ્ચે છે. સાથે જ પ્લેયર્સ 35 થી 40 વર્ષના છે. ફક્ત એક પ્લેયર 40 વર્ષથી વધુની ઉંમરનો છે. ભારત: એવરેજ ઉંમર 29 વર્ષ છે. અડધાથી વધુ ખેલાડીઓ (8 ખેલાડીઓ) 30 વર્ષની ઉંમર વટાવી ચૂક્યા છે. 7 ખેલાડીઓ 20-30ની વચ્ચેના છે. કેપ્ટન સૂર્યકુમાર યાદવ 35 વર્ષથી વધુનો છે. તિલક વર્મા (23 વર્ષ) સૌથી યુવા છે. USA: 15માંથી 12 ખેલાડીઓ 30 વર્ષની ઉંમર વટાવી ચૂક્યા છે. 21 વર્ષ 296 દિવસનો સાઈતેજા મુક્કામાલા યંગેસ્ટ છે, જ્યારે અલી ખાન (35 વર્ષ 48 દિવસ) ઓલ્ડેસ્ટ પ્લેયર છે. ટીમની સરેરાશ ઉંમર 31 વર્ષ છે. નામિબિયા: સરેરાશ ઉંમર 26 વર્ષ છે. 10 ખેલાડીઓ 20 થી 30 વર્ષની વચ્ચે છે. જેક બ્રસેલ (20 વર્ષ) સૌથી યુવા ખેલાડી છે. જ્યારે બર્નાર્ડ શોલ્ટ્ઝ 35 વર્ષથી વધુ ઉંમરનો સૌથી સિનિયર ખેલાડી છે. નેધરલેન્ડ્સ: સરેરાશ ઉંમર 29 વર્ષ છે. ટીમમાં અનુભવ અને યુવાનોનું સંતુલન છે. રૂલોફ વાન ડર મર્વે 41 વર્ષની ઉંમર સાથે સૌથી વયોવૃદ્ધ ખેલાડી છે, જ્યારે જેક લાયન-કેશે (22 વર્ષ) સૌથી યુવા છે. પાકિસ્તાન: એવરેજ એજ ભારત કરતા એક વર્ષ ઓછી 28 વર્ષ છે. 11 ખેલાડીઓ 25 થી 35 વર્ષની વચ્ચેના છે. નસીમ શાહ (22 વર્ષ) સૌથી યુવા, જ્યારે ફખર ઝમાન (35 વર્ષ 290 દિવસ) સૌથી સિનિયર ખેલાડી છે. કેપ્ટન સલમાન અલી આગાની ઉંમર 32 વર્ષ 63 દિવસ છે. ગ્રુપ-B; ઓમાન સૌથી વયોવૃદ્ધ, નદીમ 43 વર્ષનો છે 75 ખેલાડીઓના આ ગ્રુપમાં સૌથી વધુ 26 ખેલાડીઓ 25 થી 30 વર્ષની વચ્ચેના છે. સૌથી ઓછા 11 ખેલાડીઓ 35 થી 40 વર્ષની વચ્ચેના છે. એક પ્લેયરે 40 વર્ષની ઉંમર વટાવી દીધી છે. આ ગ્રુપમાં સૌથી વયોવૃદ્ધ ટીમ ઓમાન છે, જેની સરેરાશ ઉંમર 31 વર્ષ છે. બીજી તરફ, ઓસ્ટ્રેલિયન ટીમ 30 વર્ષની છે. શ્રીલંકાની સરેરાશ ઉંમર સૌથી ઓછી 27 વર્ષ છે. ઓસ્ટ્રેલિયા: સરેરાશ ઉંમર 30 વર્ષ છે. 10 ખેલાડીઓ 30 વર્ષની ઉંમર વટાવી ચૂક્યા છે. જ્યારે 5 ખેલાડીઓ 30 વર્ષથી ઓછી ઉંમરના છે. કૂપર કોનોલી (22 વર્ષ) સૌથી યુવા અને માર્કસ સ્ટોઇનિસ 36+ વર્ષનો સૌથી મોટી ઉંમરનો ખેલાડી છે. શ્રીલંકા: શ્રીલંકન ટીમમાં 30+ ના 5 ખેલાડીઓ જ સામેલ છે. 10 ખેલાડીઓ 20 થી 30 વર્ષની ઉંમરના છે. દુનિથ વેલ્લાલાગે (23 વર્ષ) સૌથી યુવા છે, જ્યારે કુસલ પરેરા સૌથી સિનિયર ખેલાડી છે. ટીમની સરેરાશ ઉંમર 27 વર્ષ છે, જે ગ્રુપમાં સૌથી ઓછી છે. ઝિમ્બાબ્વે: ઝિમ્બાબ્વેની સરેરાશ ઉંમર 28 વર્ષ છે. ટીમમાં 6 ખેલાડીઓ 25 થી 30 વર્ષની વચ્ચે છે. બ્રાયન બેનેટ (22 વર્ષ) સૌથી યુવા, જ્યારે સિકંદર રઝા 39 વર્ષની ઉંમર સાથે સૌથી અનુભવી ખેલાડી છે. આયર્લેન્ડ: 7 ખેલાડીઓ 25 થી 30 વર્ષની વચ્ચેના છે. ટિમ ટેક્ટર (22 વર્ષ) સૌથી યુવા છે. જ્યારે, પોલ સ્ટર્લિંગ 35+ વર્ષનો સૌથી સિનિયર ખેલાડી છે. આયર્લેન્ડ ટીમની સરેરાશ ઉંમર 28 વર્ષ છે. ઓમાન: ઓમાનની સરેરાશ ઉંમર 31 વર્ષ છે અને ટીમમાં અનુભવનું પલડું ભારે છે. 10 ખેલાડીઓ 30 વર્ષથી વધુ ઉંમરના છે. નદીમ ખાન (24 વર્ષ) સૌથી યુવા છે, જ્યારે શકીલ અહેમદ 37+ વર્ષનો સૌથી વયોવૃદ્ધ ખેલાડી છે. ગ્રુપ-C; સૌથી યુવા, તમામ ટીમની સરેરાશ ઉંમર 30 થી ઓછી આ ટુર્નામેન્ટનું સૌથી યુવા ગ્રુપ છે. આ ગ્રુપમાં સામેલ તમામ ટીમની સરેરાશ ઉંમર 30 થી ઓછી છે. ઇંગ્લેન્ડ, વેસ્ટ ઇન્ડીઝ, ઇટાલી અને સ્કોટલેન્ડની સરેરાશ ઉંમર 29 વર્ષ છે. નેપાળની એવરેજ એજ 25 વર્ષ છે. જે આ ટુર્નામેન્ટની સૌથી યુવા ટીમ છે. આ ગ્રુપના 41 ખેલાડીઓ 30 વર્ષથી ઓછી ઉંમરના છે. આમાં બે પ્લેયર્સ 19-19 વર્ષના છે. 35 થી 40 વર્ષની વચ્ચેના 31 ખેલાડીઓ છે. માત્ર એક ખેલાડી 40 વર્ષથી વધુનો છે. ઇંગ્લેન્ડ: સરેરાશ ઉંમર 29 વર્ષ છે. ટીમમાં અનુભવ અને યુવાનોનું મિશ્રણ છે. 7 ખેલાડીઓ 30 વર્ષથી વધુ ઉંમરના છે. રેહાન અહેમદ (21 વર્ષ) સૌથી યુવા છે, જ્યારે આદિલ રાશિદ 37+ વર્ષનો સૌથી સિનિયર ખેલાડી છે. વેસ્ટ ઇન્ડીઝ: ટીમ અનુભવના જોરે મજબૂત દેખાય છે. 9 ખેલાડીઓ 30 વર્ષથી વધુ ઉંમરના છે. મેથ્યુ ફોર્ડ (23 વર્ષ) સૌથી યુવા છે, જ્યારે જોન્સન ચાર્લ્સ 37 વર્ષની ઉંમરે સૌથી વયોવૃદ્ધ ખેલાડી છે. આ ટીમની સરેરાશ ઉંમર 29 વર્ષ છે. ઇટાલી: સરેરાશ ઉંમર 29 વર્ષ છે, પરંતુ ટીમમાં સિનિયર ખેલાડીઓની હાજરી ખાસ છે. 7 ખેલાડીઓ 30 વર્ષથી ઉપરના છે. અલી હસન (23 વર્ષ) સૌથી યુવા છે, જ્યારે વેન મેડસન (42 વર્ષ 15 દિવસ) આ ગ્રુપમાં 40 વર્ષથી વધુનો એકમાત્ર ખેલાડી છે. નેપાળ: ગ્રુપની સૌથી યુવા ટીમ છે. સરેરાશ ઉંમર 25 વર્ષ છે. 14માંથી 13 ખેલાડીઓ 30 વર્ષથી ઓછી ઉંમરના છે. ગુલસન ઝા (19 વર્ષ) સૌથી યુવા ખેલાડી છે, જ્યારે કરણ કેસી 34 વર્ષની ઉંમરે સૌથી સિનિયર છે. સ્કોટલેન્ડ: સરેરાશ ઉંમર 29 વર્ષ છે. ટીમમાં અનુભવ અને યુવાનોનું મિશ્રણ જોવા મળે છે, જ્યાં 7 ખેલાડીઓ 30 વર્ષથી વધુ ઉંમરના છે. ઝૈનુલ્લાહ એહસાન (19 વર્ષ) સૌથી યુવા છે, જ્યારે રિચી બેરિંગ્ટન 38 વર્ષની ઉંમરે સૌથી વયોવૃદ્ધ ખેલાડી છે. ગ્રુપ-D; ન્યૂઝીલેન્ડ સૌથી વયોવૃદ્ધ; 4 ટીમની એવરેજ એજ 30 થી ઓછી આ ગ્રુપમાં 4 ટીમની એવરેજ એજ 30 વર્ષથી ઓછી છે. આમાં સાઉથ આફ્રિકા, અફઘાનિસ્તાન, UAE અને કેનેડા સામેલ છે. ન્યૂઝીલેન્ડ જ એકમાત્ર એવી ટીમ છે, જેની સરેરાશ ઉંમર 30ને પાર છે. 31 વર્ષની એવરેજ એજવાળી ન્યૂઝીલેન્ડ આ ટુર્નામેન્ટની સૌથી વયોવૃદ્ધ ટીમમાં સામેલ છે. સાઉથ આફ્રિકા: 9 ખેલાડીઓ 30 વર્ષથી વધુ ઉંમરના છે, જેનાથી ટીમ અનુભવી લાગે છે. ક્વેના મફાકા (19 વર્ષ) સૌથી યુવા છે, જ્યારે ડેવિડ મિલર 36+ વર્ષનો સૌથી સિનિયર ખેલાડી છે. ન્યૂઝીલેન્ડ: ગ્રુપની સૌથી વયોવૃદ્ધ ટીમમાંની એક છે. તેની સરેરાશ ઉંમર 31 વર્ષ છે. 12 ખેલાડીઓ 30 વર્ષથી વધુ ઉંમરના છે. રચિન રવીન્દ્ર (26 વર્ષ) સૌથી યુવા, જ્યારે જેમ્સ નીશમ સૌથી સિનિયર ખેલાડી છે. અફઘાનિસ્તાન: અફઘાનિસ્તાનની સરેરાશ ઉંમર 25 વર્ષ છે અને ટીમમાં યુવાનોનો દબદબો છે. 12 ખેલાડીઓ 20 થી 30 વર્ષની વચ્ચેના છે. મોહમ્મદ ઈશાક (20 વર્ષ) સૌથી યુવા, જ્યારે મોહમ્મદ નબી 40+ વર્ષનો સૌથી મોટી ઉંમરનો ખેલાડી છે. UAE: સરેરાશ ઉંમર 28 વર્ષ છે અને ટીમ સંતુલિત જણાય છે. 11 ખેલાડીઓ 25 થી 35 વર્ષની ઉંમર વચ્ચે છે. ધ્રુવ પરાશર (21 વર્ષ) સૌથી યુવા છે, જ્યારે સિમરનજીત સિંહ 36 વર્ષ સાથે સૌથી સિનિયર ખેલાડી છે. કેનેડા: સરેરાશ ઉંમર 29 વર્ષ છે, પરંતુ અહીં અનુભવનું પલડું ભારે છે. 8 ખેલાડીઓ 30 વર્ષથી વધુ ઉંમરના છે. યુવરાજ સમરા (19 વર્ષ) સૌથી યુવા છે, જ્યારે નવનીત ધાલીવાલ 37 વર્ષની ઉંમરે સૌથી વયોવૃદ્ધ ખેલાડી છે. છેલ્લી 2 વર્લ્ડ ચેમ્પિયનનું ઉંમરનું એનાલિસિસ