અમેરિકી રાષ્ટ્રપતિ ડોનાલ્ડ ટ્રમ્પે સોમવારે કહ્યું કે ઈરાન સાથે વાતચીત ચાલુ છે. તેમણે કહ્યું કે તેમને આશા છે કે તેનો કોઈ ઉકેલ નીકળી જશે. પરંતુ જો વાતચીત નિષ્ફળ રહી તો અમેરિકા ફરીથી ઈરાન પર હવાઈ હુમલા શરૂ કરશે. એરફોર્સ વનમાં પત્રકારો સાથે વાતચીત દરમિયાન ટ્રમ્પે દાવો કર્યો, ‘છેલ્લા 14 દિવસમાં ઈરાનને ભારે નુકસાન થયું છે. આ પછી તેમણે અમને કહ્યું કે હુમલા રોકો અને વાતચીત કરીએ.’ જોકે, ઈરાને આ દાવાને નકારી કાઢ્યો. તેહરાનનું કહેવું છે કે તેણે અમેરિકા સાથે વાતચીતની પહેલ કરી નથી. ટ્રમ્પનું આ નિવેદન એવા સમયે આવ્યું છે, જ્યારે અમેરિકાએ હાલમાં ઈરાન પર હવાઈ હુમલા રોકી રાખ્યા છે. બંને દેશો વચ્ચે મધ્યસ્થીઓ દ્વારા વાતચીત ચાલી રહી છે, પરંતુ હોર્મુઝ સ્ટ્રેટ સહિત ઘણા મહત્વપૂર્ણ મુદ્દાઓ પર હજુ પણ સહમતિ બની શકી નથી. છેલ્લા 24 કલાકના 5 મોટા અપડેટ્સ… 1. ઇરાકમાં ગેસફિલ્ડ પર હુમલો, અમેરિકી ડ્રોન તોડી પાડવાનો પણ દાવો: ઈરાની મીડિયાએ દાવો કર્યો છે કે ઉત્તરી ઇરાકના સૌથી મોટા ખોર મોર ગેસફિલ્ડ પર હુમલો થયો છે. જ્યારે એરબિલ નજીક ચાર શંકાસ્પદ ઈરાની ડ્રોન પડ્યા હોવાનો અને પશ્ચિમી ઇરાકમાં એક અમેરિકી ડ્રોન તોડી પાડવામાં આવ્યું હોવાનો પણ દાવો કરવામાં આવ્યો છે. 2. નેતન્યાહુ બોલ્યા- ટ્રમ્પ સાથેની મુલાકાતમાં ઈરાન સૌથી મોટો મુદ્દો હશે: વોશિંગ્ટન રવાના થતા પહેલા નેતન્યાહુએ કહ્યું કે રાષ્ટ્રપતિ ટ્રમ્પ સાથેની તેમની વાતચીતનો સૌથી મહત્વનો મુદ્દો ઈરાન હશે. તેમનું કહેવું છે કે બેઠકમાં ઇઝરાયલની સુરક્ષા અને પ્રાદેશિક પરિસ્થિતિઓ પર ચર્ચા થશે. 3. ઈરાને અમેરિકા સાથે વાતચીતના અહેવાલોને નકારી કાઢ્યા: ઈરાનના વિદેશ મંત્રાલયે કહ્યું કે હાલમાં અમેરિકા સાથે કોઈ વાતચીત ચાલી રહી નથી. મંત્રાલયે એમ પણ કહ્યું કે ઈરાન તરફથી વાતચીત શરૂ કરવાના દાવા ખોટા છે. 4. હોર્મુઝ અને બાબ-અલ-મંદેબ બંધ થયા તો મોંઘવારી વધશે: નિષ્ણાતોનું માનવું છે કે જો બંને મહત્વપૂર્ણ દરિયાઈ માર્ગો બંધ થશે તો તેલના ભાવ વધશે, માલસામાનની હેરફેર મોંઘી થશે અને વૈશ્વિક સપ્લાય ચેઇન પર અસર પડશે. 5. અમેરિકા-ઈરાન તણાવ ઘટતા જ ક્રૂડ ઓઇલ સસ્તું થયું: અમેરિકા અને ઈરાન વચ્ચે સંઘર્ષ અટક્યા બાદ આંતરરાષ્ટ્રીય બજારમાં ક્રૂડ ઓઇલના ભાવમાં મોટો ઘટાડો આવ્યો છે. જોકે, બજારને હજુ પણ તણાવ ફરી વધવાની આશંકા છે. ઈરાન યુદ્ધ સંબંધિત અપડેટ્સ માટે નીચેનો બ્લોગ વાંચો…