અમેરિકાના રાષ્ટ્રપતિ ડોનાલ્ડ ટ્રમ્પે ફેક્ટરી પ્રવાસ દરમિયાન એક વિચિત્ર ઘટના બની.રાષ્ટ્રપતિ ડોનાલ્ડ ટ્રમ્પ એક ફેક્ટરી ટુર પર નીકળ્યા હતા, જેનો હતું અમેરિકન મેન્યુફેક્ચરિંગ જોવાનો હતો. આ દરમિયાન એક અણધારી ઘટના બની જેણે સોશિયલ મીડિયા પર ઘણા લોકોનું ધ્યાન ખેંચ્યું. મિશિગનમાં ફોર્ડ પ્લાન્ટની મુલાકાત દરમિયાન ટ્રમ્પે એક વ્યક્તિને અપશબ્દો બોલ્યા, જેણે તેમને “પીડોફાઈલ પ્રોટેક્ટર” કહ્યા હતા. આ ઘટનાનો વીડિયો વાયરલ થયો હતો. આ ઘટના મંગળવારે ફોર્ડ મોટર કંપનીના ડિયરબોર્નમાં રિવર રૂજ કોમ્પ્લેક્સમાં બની હતી, જ્યાં ટ્રમ્પ F-150 પિકઅપ ટ્રક બનાવતી ફેક્ટરીની મુલાકાત લઈ રહ્યા હતા. TMZ દ્વારા સૌપ્રથમ પ્રકાશિત થયેલા એક વીડિયોમાં, ટ્રમ્પ પસાર થઈ રહ્યા હતા ત્યારે ફેક્ટરીના ફ્લોર પર એક વર્કર “પીડોફાઇલ પ્રોટેક્ટર!” બૂમો પાડતો સંભળાય છે. વીડિયોમાં, ટ્રમ્પ અવાજની દિશામાં ફરીને જુએ છે અને અપશબ્દો બોલતા પહેલા પોતાના હાથની વચલી આંગળી બતાવતા દેખાય છે. ક્લિપમાં બૂમો પાડનાર વ્યક્તિ દેખાતો નથી અને ઓડિયો સ્પષ્ટ સંભળાતો નથી. અમેરિકાના રાષ્ટ્રપતિ ડોનાલ્ડ ટ્રમ્પે ફેક્ટરી પ્રવાસ દરમિયાન મિશિગનમાં ફોર્ડ મોટર કંપનીના રિવર રૂજ કોમ્પ્લેક્સમાં એક વર્કરને વચલી આંગળી બતાવી હતી. આ ઘટના 13 જાન્યુઆરીના રોજ બની હતી, જ્યારે ટ્રમ્પ F-150 પિકઅપ ટ્રક બનાવતી ફેક્ટરીની મુલાકાત લઈ રહ્યા હતા. આ ઘટનાનો વીડિયો વાયરલ થઈ રહ્યો છે. આ વીડિયોમાં ફેક્ટરીના ફ્લોર પર એક વર્કર રાષ્ટ્રપતિ પર “પીડોફાઈલ પ્રોટેક્ટર” (બાળ યૌન શોષકના રક્ષક) જેવા આરોપો લગાવતા ચીસો પાડી રહ્યો હતો. મીડિયા રિપોર્ટ્સ અનુસાર, આ ટિપ્પણી જેફરી એપ્સ્ટેઇન કેસ સંબંધિત હતી, જેમાં ટ્રમ્પ પર એપ્સ્ટેઇન ફાઇલોના પ્રકાશન પર વિવાદ ચાલી રહ્યો છે.
વીડિયોમાં, ટ્રમ્પ તે માણસ તરફ ફરીને અપશબ્દો કહે છે, પછી પોતાના હાથની વચલી આંગળી બતાવીને ત્યાંથી ચાલ્યા જાય છે. વ્હાઇટ હાઉસે રાષ્ટ્રપતિની પ્રતિક્રિયાનો બચાવ કર્યો. આશરે 30 સેકન્ડના આ વીડિયોમાં, ટ્રમ્પ પ્લાન્ટમાંથી પસાર થતાં અને પછી આગળ વધતાં ફેક્ટરીના ફ્લોર તરફ ઘણી વાર વચલી આંગળી બતાવતા દેખાય છે. વ્હાઇટ હાઉસના કોમ્યુનિકેશન ડિરેક્ટર સ્ટીવન ચ્યુંગે એક નિવેદનમાં જણાવ્યું હતું, “એક પાગલ વ્યક્તિ ગુસ્સામાં ચીસો પાડી રહ્યો હતો અને અપશબ્દો બોલી રહ્યો હતો, અને રાષ્ટ્રપતિએ તેને યોગ્ય જવાબ આપ્યો.” આ પહેલી વાર નથી જ્યારે ટ્રમ્પે કેમેરા સામે આ રીતે પ્રતિક્રિયા આપી હોય. ડોનાલ્ડ ટ્રમ્પે ઘણી વાર કેમેરા સામે F-વર્ડનો ઉપયોગ કર્યો છે. ગયા વર્ષે, જૂનમાં, તેમણે યુદ્ધવિરામ છતાં ઇઝરાયલ અને ઈરાન વચ્ચે ચાલુ રહેલી લડાઈ પર નિરાશા વ્યક્ત કરી હતી. ટ્રમ્પે કહ્યું, “હું તેમનાથી ખુશ નથી. હું ઈરાનથી પણ ખુશ નથી, “પરંતુ આજે સવારે ઇઝરાયલના બહાર નીકળવાથી હું ખરેખર નાખુશ છું. આપણી પાસે મૂળભૂત રીતે બે દેશો છે જે એટલા લાંબા અને એટલા સખત લડાઈ લડી રહ્યા છે કે તેમને ખબર નથી કે તેઓ શું કરી રહ્યા છે.”