અભિનેત્રી અને સાંસદ કંગના રનૌત, રાખી સાવંતના નિવેદન પર ભડકી ઉઠી છે. રાખીએ વડાપ્રધાન નરેન્દ્ર મોદી પર એક વાંધાજનક ટિપ્પણી કરી હતી, જેના પર કંગનાએ તેમને ઠપકો આપતા કહ્યું છે કે આવા નિવેદનો આપનારાઓને કોઈ સફાઈ કામદારની નોકરી પણ નહીં આપે. કંગના રનૌતે પોતાના સત્તાવાર સોશિયલ મીડિયા એકાઉન્ટ પરથી લખ્યું છે કે, “માત્ર આ (રાખી) જ નહીં, પરંતુ મોટાભાગના નિષ્ફળ અને ઈર્ષાળુ લોકો કોઈ સફળ મહિલાના ચારિત્ર્ય પર કાદવ ઉછાળીને પોતાની ઈર્ષ્યા, અદેખાઈ, નિષ્ફળતા અને હલકી વિચારસરણીને યોગ્ય ઠેરવવાનો પ્રયાસ કરે છે. પરંતુ હવે બહુ થયું. આવી વારંવાર અને જાણી જોઈને કરવામાં આવતી ચારિત્ર્ય હત્યા અને જાહેરમાં બદનામ કરવાના પ્રયાસોને સહન કરવાનું બંધ કરવું પડશે. પોતાને કારણ વગર અપમાનિત અને દુઃખી અનુભવવાનું બંધ કરો અને દરેક વાત પર સ્પષ્ટતા આપવાનું પણ બંધ કરો.” આગળ કંગનાએ લખ્યું, “સફળતા માટે ભલે તું તારું બધું જ દાવ પર લગાડી દે, પણ સાચી મજાની વાત તો એ છે કે કોઈને તારી પાસેથી કંઈ જોઈતું જ નથી. તારા કરેલા બધા ઉપકારો અને ભલામણો જોડી લે, તો પણ તને સ્વીપરની નોકરી પણ નહીં મળે કારણ કે તે નોકરીમાં પણ થોડી કાબિલિયત અને ટેલેન્ટની જરૂર હોય છે. એટલે વધારે વહેમમાં ન રહે. ઉપકાર કર કે ઉપકાર ન કર, તું ક્યાંય પહોંચવાની નથી. હવે ચૂપચાપ બેસ, મારી રીલ્સ જો અને રડતી રહે.” નરેન્દ્ર મોદી પર રાખીનું નિવેદન શું હતું? રાખી સાવંતે તાજેતરમાં કહ્યું હતું કે તે વડાપ્રધાન માટે તે કરી શકે છે, જે કંગના અને સ્મૃતિ ઈરાની કરે છે. રાખી સાવંતે તાજેતરમાં મોહસિન ખાનના પોડકાસ્ટ એમ.કે.ટોક્સમાં કહ્યું, “મોદીજી આમતેમ કેમ જોઈ રહ્યા છે? કંગના પાસેથી તેમને હાડકાં સિવાય બીજું શું મળશે? મોદીજી, સ્મૃતિ, કંગના અને આ બધી મહિલાઓએ તમને એવું શું આપ્યું કે તમે તેમને મંત્રી બનાવી દીધા? તો જે કંઈ તેમણે તમને આપ્યું છે, તે હું પણ તમને આપી શકું છું.” કંગના-રાખીનો પહેલા પણ થયો વિવાદ રાખી સાવંત અને કંગના રનૌત વચ્ચેનો વિવાદ ઘણો જૂનો છે. બંને વચ્ચે પહેલીવાર ત્યારે તકરાર જોવા મળી હતી, જ્યારે કંગનાએ એક જૂના નિવેદનમાં પોતાની સરખામણી રાખી સાવંત સાથે કરવાનો ઇનકાર કર્યો હતો. તે સમયે કંગનાને મીકા સિંહ સાથેના કિસિંગ સીનને લઈને સવાલ પૂછવામાં આવ્યો હતો. કંગનાએ કથિત રીતે કહ્યું હતું કે તે રાખી સાવંત નથી, જે આવા દ્રશ્યો કરશે. કંગનાનું આ નિવેદન રાખીને બિલકુલ પસંદ ન આવ્યું. આ પછી રાખી સવંતે કંગનાને જવાબ આપતા કહ્યું હતું કે જો કંગનાને આટલી જ પબ્લિસિટી જોઈતી હતી, તો તે મીકાને કિસ કરી લેત, પરંતુ તેનું નામ લઈને પબ્લિસિટી લેવાની જરૂર નહોતી. વર્ષ 2020માં કંગના અને મહારાષ્ટ્ર સરકાર વચ્ચેના વિવાદ દરમિયાન પણ રાખી સવંતે કંગના પર નિશાન સાધ્યું હતું. આ પછી પણ બંને વચ્ચે સમયાંતરે નિવેદનબાજી થતી રહી. કોકરોચ જનતા પાર્ટીના વિરોધ પ્રદર્શન સમયે પણ રાખીએ કંગનાના નિવેદનોની ટીકા કરી હતી.