અમેરિકન યૌન અપરાધી જેફ્રી એપસ્ટીન સાથે સંકળાયેલી નવી જાહેર થયેલી ફાઇલોમાં ખુલાસો થયો છે કે 2017માં મક્કા સ્થિત કાબા સાથે સંકળાયેલા પવિત્ર કપડાના ત્રણ ટુકડા અમેરિકા મોકલવામાં આવ્યા હતા. આ માલસામાન એપસ્ટીનના ફ્લોરિડા ખાતે ઘર સુધી પહોંચ્યો હતો. દસ્તાવેજો અનુસાર, ફેબ્રુઆરી અને માર્ચ 2017માં આ શિપમેન્ટ UAE સાથે સંકળાયેલી એક બિઝનેસવુમન અઝીઝા અલ-અહમદીએ સાઉદી અરેબિયાના એક વ્યક્તિ અબ્દુલ્લાહ અલ-મારી સાથે મળીને કરાવી હતી. ઈમેઈલ્સમાં જણાવવામાં આવ્યું છે કે આ ત્રણેય ટુકડા ‘કિસ્વા’ સાથે સંકળાયેલા હતા. કિસવા કાળા રંગનું સોનેરી ભરતકામવાળું કપડું હોય છે, જે કાબાને ઢાંકે છે. ઇસ્લામમાં તેને પવિત્ર માનવામાં આવે છે. હજ દરમિયાન કરોડો મુસલમાનો તેને સ્પર્શ કરે છે. ઈમેઈલ્સમાં એ સ્પષ્ટ નથી કે અલ-અહમદીની એપસ્ટીન સાથે મુલાકાત કેવી રીતે થઈ અથવા આ પવિત્ર ટુકડા તેને શા માટે મોકલવામાં આવ્યા. દસ્તાવેજોમાં તેનો કોઈ સીધો જવાબ મળતો નથી. અમેરિકન ન્યાય વિભાગે 30 જાન્યુઆરીએ જેફ્રી એપસ્ટીન તપાસ સાથે સંકળાયેલા લગભગ 30 લાખ પાનાના દસ્તાવેજો, 2,000 વીડિયો અને 1.8 લાખ તસવીરો જાહેર કરી છે. કિસ્વાના ટુકડાને આર્ટવર્ક તરીકે દર્શાવ્યો હતો ઈમેઈલ્સ પરથી જાણવા મળે છે કે આ ત્રણ ટુકડા સાઉદી અરેબિયાથી બ્રિટિશ એરવેઝ દ્વારા વિમાનથી અમેરિકાના ફ્લોરિડા મોકલવામાં આવ્યા હતા. તેમાં કસ્ટમ, ઇન્વોઇસ અને અમેરિકામાં ડિલિવરીની સંપૂર્ણ વ્યવસ્થા કરવામાં આવી હતી. આ ત્રણ ટુકડાઓમાંથી એક કાબાના અંદરનો ભાગ હતો, બીજો બહારના સ્તરનો ઉપયોગ કરાયેલો ટુકડો હતો અને ત્રીજો ઉપયોગ ન કરાયેલો ટુકડો હતો. ઈમેઈલ્સમાં આ ટુકડાને ‘આર્ટવર્ક’ તરીકે વર્ગીકૃત કરીને શિપમેન્ટને સરળ બનાવવાની વાત કહેવામાં આવી છે. આ શિપમેન્ટ માર્ચ 2017માં એપ્સટીનના ઘરે પહોંચ્યું. તે સમયે એપ્સટીન જેલની સજા ભોગવી ચૂક્યો હતો અને યૌન ગુનેગાર તરીકે નોંધાયેલ હતો. અહમદીએ એપ્સટીનને ધાર્મિક મેસેજ મોકલ્યો હતો અલ-અહમદીએ એપ્સટીનને ઈમેલ લખતી વખતે કપડાના ધાર્મિક મહત્વ પર ભાર મૂક્યો હતો. તેમણે લખ્યું, કાળા ટુકડાને ઓછામાં ઓછા એક કરોડ મુસલમાનોએ સ્પર્શ કર્યો છે. સુન્ની, શિયા અને અન્ય મુસલમાનોએ. તેઓ કાબાના સાત ચક્કર લગાવે છે અને તેને સ્પર્શ કરવાનો પ્રયાસ કરે છે. પોતાની દુઆઓ, આંસુ અને આશાઓ આ કપડા પર ધરે છે, જેથી તેમની મનોકામનાઓ પૂર્ણ થાય. અન્ય એક ઈમેલમાં એપ્સટીનની લાંબા સમયથી આસિસ્ટન્ટ રહેલી લેસ્લી ગ્રોફે અલ-અહમદીને ડીએનએ ટેસ્ટિંગ કિટ મોકલી હતી. તે સ્પષ્ટ નથી કે આ કિટ કયા હેતુથી મોકલવામાં આવી હતી. આ ઉપરાંત, શુક્રવારે સાંજે જારી કરાયેલા એક FBI મેમોમાં કહેવામાં આવ્યું છે કે એપ્સટીન અમેરિકન અને ઇઝરાયેલી ગુપ્તચર એજન્સીઓ સાથે કામ કરતા હતા. મેમોમાં લખ્યું છે કે “એપ્સટીન પૂર્વ ઇઝરાયેલી વડાપ્રધાન એહુદ બરાકના નજીક હતા અને તેમના હેઠળ જાસૂસ તરીકે ટ્રેનિંગ લીધી હતી.” કિસ્વા શુદ્ધ રેશમમાંથી બનેલું હોય છે, અલ્લાહની શાન-ઓ-શૌકતની નિશાની કિસ્વા કાળું રેશમી કાપડ છે જે મક્કામાં સ્થિત કાબાને ઢાંકે છે. કાબા ઇસ્લામનું સૌથી પવિત્ર સ્થળ છે, જેને ‘અલ્લાહનું ઘર’ (બૈતુલ્લાહ) કહેવાય છે. આ મસ્જિદ અલ-હરામના કેન્દ્રમાં સ્થિત એક ઓરડો છે, જે ગ્રે પથ્થર અને માર્બલથી બનેલો છે. મુસલમાનો તેને અલ્લાહની એકતા (તૌહીદ)નું પ્રતીક માને છે. દુનિયાભરના મુસલમાનો નમાઝ દરમિયાન આ જ દિશા (કિબલા) તરફ મોં કરે છે, મૃતકોને આ જ દિશામાં દફનાવે છે, અને હજ કે ઉમરા દરમિયાન તેને જોવા અને તવાફ કરવાની ઈચ્છા રાખે છે. આ કાપડ શુદ્ધ રેશમમાંથી બનેલું હોય છે, જેને કાળો રંગ આપવામાં આવે છે અને સોના કે ચાંદીના દોરા વડે કુરાનની આયતોની ભરતકામ કરવામાં આવે છે. કાળો રંગ શાંતિ અને સુલેહની નિશાની હોય છે, જ્યારે સોનું અલ્લાહની શાન-ઓ-શૌકત દર્શાવે છે. કિસ્વાને દર વર્ષે બદલવાની પરંપરા પયગંબર મુહમ્મદ અને તેમના સાથીઓથી ચાલી આવે છે. તેને હિજરી કેલેન્ડરના ઝુ-અલ-હિજ્જાહ મહિનાની 9મી તારીખે બદલવામાં આવે છે, જ્યારે હજ દરમિયાન યાત્રાળુઓ માઉન્ટ અરફાત જાય છે. નવો કિસવા ચઢાવ્યા પછી જૂના કપડાને કાપીને ટુકડાઓમાં વહેંચવામાં આવે છે, જે સંસ્થાઓ, સંગ્રહાલયો કે ખાસ લોકોને આપવામાં આવે છે. આ ટુકડાઓને અમાનત માનવામાં આવે છે, કારણ કે હજ કે ઉમરાહ દરમિયાન લાખો મુસલમાનો તવાફ (કાબાની આસપાસ સાત ચક્કર) કરતી વખતે તેને સ્પર્શે છે. કિસવા ત્રણ ભાગોથી બનેલો હોય છે- સગીર છોકરીઓને મસાજના બહાને બોલાવીને એપસ્ટીન દુષ્કર્મ કરતો હતો એપસ્ટીન વિરુદ્ધ 2005માં સૌથી પહેલા ફ્લોરિડામાં એક 14 વર્ષની છોકરીની માતાએ પોલીસમાં ફરિયાદ નોંધાવી હતી. તેમાં કહેવામાં આવ્યું હતું કે એપસ્ટીનના આલીશાન ઘરમાં તેની દીકરીને ‘મસાજ’ના બહાને બોલાવવામાં આવી હતી, પરંતુ ત્યાં પહોંચ્યા પછી તેના પર સંબંધ બાંધવા માટે દબાણ કરવામાં આવ્યું હતું. જ્યારે તેણે ઘરે પાછા ફરીને આ વાત પોતાના માતા-પિતાને કહી, ત્યારે તેમણે તરત જ પોલીસમાં ફરિયાદ કરી. ત્યારે પહેલીવાર જેફ્રી એપસ્ટીન વિરુદ્ધ સત્તાવાર ફરિયાદ નોંધાઈ. પોલીસ તપાસ દરમિયાન એ સામે આવ્યું કે આ એક કેસ નથી. ધીમે ધીમે લગભગ 50 સગીર છોકરીઓની ઓળખ થઈ, જેમણે એપસ્ટીન પર આવા જ આરોપો લગાવ્યા. પામ બીચ પોલીસ ડિપાર્ટમેન્ટે આ મામલાને ગંભીરતાથી લીધો અને ઘણા મહિનાઓ સુધી તપાસ કરી. આ પછી એપસ્ટીન વિરુદ્ધ ક્રિમિનલ તપાસ શરૂ થઈ. એપસ્ટીનની હાઈ-પ્રોફાઈલ પાર્ટીઓમાં મોટી હસ્તીઓ પણ સામેલ થતી હતી કેસની તપાસથી જાણવા મળ્યું કે એપસ્ટીન પાસે મેનહટન અને પામ બીચમાં ભવ્ય વિલા છે. એપસ્ટીન અહીં હાઈ-પ્રોફાઈલ પાર્ટીઓ કરતો હતો, જેમાં ઘણી મોટી હસ્તીઓ સામેલ થતી હતી. એપસ્ટીન પોતાના ખાનગી જેટ ‘લોલિતા એક્સપ્રેસ’થી પાર્ટીઓમાં નાની ઉંમરની છોકરીઓને લાવતો હતો. તે છોકરીઓને પૈસા-દાગીનાની લાલચ અને ધમકી આપીને મજબૂર કરતો હતો. આમાં એપસ્ટીનની ગર્લફ્રેન્ડ અને પાર્ટનર ગિસ્લીન મેક્સવેલ તેનો સાથ આપતી હતી. તેની પાર્ટનર ગિસ્લીન મેક્સવેલને 2021માં તેને મદદ કરવાના આરોપોમાં દોષિત ઠેરવવામાં આવી. તે 20 વર્ષની સજા ભોગવી રહી છે.