પંજાબી સિંગર તલવિંદર સિંહ સિદ્ધુ અચાનકથી ચર્ચામાં છે. તેની આ લાઇમલાઇટનું કારણ એક્ટ્રેસ દિશા પટણી છે. નૂપુર સેનન અને સ્ટેબિનના લગ્નમાંથી બંનેનો હાથ પકડેલો વીડિયો વાયરલ થયો અને તેમના ડેટિંગના અટકળો લાગવા માંડી. નૂપુર-સ્ટેબિનના રિસેપ્શનમાં દિશા તલવિંદર સાથે પહોંચ્યો હતો હવે નૂપુર સેનન-સ્ટેબિનના રિસેપ્શનમાંથી તલવિંદર અને દિશા પટણીના ઘણા વીડિયો સોશિયલ મીડિયા પર વાયરલ છે. જોકે, આ બધાં જ વીડિયોમાં બંને કેમેરા સામે એકબીજા સાથે ઊભા રહેવાથી કે વાતચીત કરવાથી બચતા જોવા મળ્યા. પરંતુ દરેક વીડિયોમાં આસપાસ ચોક્કસ જોવા મળ્યા. ફોટોગ્રાફર સામે ગંદો ઇશારો કર્યો સામે આવેલા એક વીડિયોમાં તલવિંદર લિફ્ટમાં મૌની રોય, દિશા અને તેના બેસ્ટ ફ્રેન્ડ એલેક્ઝાન્ડર એલેક્સ ઇલિક સાથે જોવા મળે છે. જેવો તે લિફ્ટમાંથી બહાર નીકળ્યો, મીડિયાને જોઈને નારાજ થઈ ગયો. તલવિંદરે પહેલા તો મીડિયાને મિડલ ફિંગર બતાવી અને પછી થોડું સંભાળીને પોઝ આપવા લાગ્યો. મૌની રોયે પણ તલવિંદરની જેમ માસ્કથી મોં ઢાક્યું તે જ સમયે, એક વીડિયોમાં તલવિંદર, મૌની રોય સાથે વેન્યુ પર જોવા મળી રહ્યા છે. આ દરમિયાન તે મીડિયાને વિક્ટરી સાઇન બતાવતો અને કેમેરાથી બચતો જોવા મળ્યો. તલવિંદરનો સાથ આપવા માટે મૌની રોયે પણ પોતાનો ચહેરો કાળા માસ્કથી ઢાંકી રાખ્યો હતો. બંનેની પાછળ-પાછળ દિશા પોતાના બેસ્ટ ફ્રેન્ડ સાથે એન્ટ્રી લે છે. દિશા તલવિંદર અને બેસ્ટફ્રેન્ડ સાથે એક જ કારમાં ઘરે જવા નીકળી તે જ સમયે એક અન્ય વીડિયોમાં ચારેય સાથે ઉભેલા જોવા મળી રહ્યા છે. જોકે, વેન્યુ પરથી બંને એક જ કારમાં પાછા ફર્યા. વીડિયોમાં દિશા અને તલવિંદર બેક સીટ પર બેઠેલા જોવા મળી રહ્યા છે, જ્યારે દિશાનો બેસ્ટ ફ્રેન્ડ એલેક્ઝાન્ડર ફ્રન્ટ સીટ પર દેખાયો. બંનેના સંબંધોના સમાચાર કેવી રીતે શરૂ થયા? તાજેતરમાં દિશા ઉદયપુરમાં કૃતિ સેનનની બહેન નૂપુર સેનન અને સિંગર સ્ટેબિન બેનના ડેસ્ટિનેશન વેડિંગમાં સામેલ થઈ હતી. વેડિંગમાં સામેલ થવા માટે એક્ટ્રેસ તેની બેસ્ટ ફ્રેન્ડ મૌની રોય સાથે પહોંચી હતી. પરંતુ પ્રી-વેડિંગ ફંક્શનનો એક વીડિયો ઇન્ટરનેટ પર આ સમયે વાયરલ થઈ રહ્યો છે, જેમાં તે સિંગર સાથે જોવા મળી રહી છે. વીડિયોમાં બંને હસીને કોઈની સાથે વાત કરી રહ્યા છે. આ દરમિયાન બંનેએ એકબીજાનો હાથ પકડ્યો છે. તે જ સમયે, બંનેનો વધુ એક વીડિયો સામે આવ્યો છે, જેમાં તે એરપોર્ટ પર જોવા મળી રહ્યા છે. સામે આવેલો વીડિયો લગ્ન પછી મુંબઈ પાછા ફરવાનો છે. વીડિયોમાં દિશા, મૌની રોયના પતિ સાથે જોવા મળી રહી છે, જ્યારે તલવિંદર, મૌની સાથે દેખાઈ રહ્યો છે. બંને વીડિયો સામે આવ્યા પછી એવું માનવામાં આવી રહ્યું છે કે, દિશા અને તલવિંદર રિલેશનશિપમાં છે. ગીતો ઉપરાંત ફેસ માસ્ક તલવિંદરની ઓળખ તલવિંદર સિંહ સિદ્ધુ એક પ્રખ્યાત પંજાબી સિંગર છે. ઓડિયન્સ વચ્ચે તે તલવિંદરના નામથી ઓળખાય છે. 28 વર્ષનો તલવિંદર સિંગિંગ ઉપરાંત ગીતો લખવાનું અને મ્યુઝિક પ્રોડ્યુસ કરવાનું કામ પણ કરે છે. ગીતોની અનોખી શૈલીની સાથે જ સિંગર પોતાના ફેસ માસ્ક માટે પણ ચર્ચામાં રહે છે. તે ક્યારેય પોતાનો ચહેરો જાહેર કરતો નથી. સોશિયલ મીડિયા હોય કે પરફોર્મન્સ, તલવિંદર પોતાના ચહેરાને પેઇન્ટ અથવા માસ્ક દ્વારા છુપાવીને રાખે છે. તેનું કહેવું છે કે આનાથી તેને પોતાના અંગત જીવનને પોતાના સાર્વજનિક કરિયરથી અલગ રાખવામાં અને વધુ સામાન્ય જીવન જીવવામાં મદદ મળે છે. તલવિંદરે ‘પલ-પલ’, ‘ખ્યાલ’, ‘હસીન’, ‘ધુંધલા’, ‘ફંક’ સોંગ જેવા ઘણા હિટ ગીતો બનાવ્યા છે.