રણવીર સિંહ સ્ટારર ફિલ્મ ‘ધુરંધર: ધ રિવેન્જ’ એટલે કે ‘ધુરંધર 2’ એ રિલીઝ થતાં જ પહેલા દિવસે શાહરુખ ખાનની ‘જવાન’નો રેકોર્ડ તોડી નાખ્યો છે. ફિલ્મ પહેલા દિવસે જ સૌથી વધુ કમાણી કરનારી ફિલ્મ બની ગઈ છે. ટ્રેડ એનાલિસ્ટ્સ અનુસાર, ફિલ્મે પહેલા દિવસે 97 કરોડ રૂપિયાથી વધુનો બિઝનેસ કર્યો છે. આ પહેલા 2023માં આવેલી ‘જવાન’ એ પહેલા દિવસે 75 કરોડ રૂપિયા કમાયા હતા. પેઇડ પ્રિવ્યૂ અને ઓપનિંગ ડે મળી ₹144 કરોડની કમાણી કરી ‘ધુરંધર 2’ એ પેઇડ પ્રિવ્યૂમાં ભારતમાં 47 કરોડ રૂપિયાનો કારોબાર કર્યો હતો. પેઇડ પ્રિવ્યૂ અને ઓપનિંગ ડેને ભેગા કરીને ફિલ્મની કુલ કમાણી 144 કરોડ રૂપિયા પર પહોંચી ગઈ. ટ્રેડ પોર્ટલ સેકનિલ્ક અનુસાર, પહેલા વીકએન્ડ માટે 200 કરોડ રૂપિયાની એડવાન્સ બુકિંગ નોંધવામાં આવી છે. સામાન્ય રીતે 40-50% સીટો એડવાન્સ બુક થાય છે. આવા સંજોગોમાં અનુમાન છે કે ગુરુવારથી રવિવાર સુધી ફિલ્મનો બિઝનેસ 500 કરોડ રૂપિયાને પાર જઈ શકે છે. ફિલ્મ 3 કલાક 49 મિનિટ લાંબી છે ‘ધુરંધર: ધ રિવેન્જ’ની અવધિ 3 કલાક 49 મિનિટ છે, જે તેને 21મી સદીની બીજી સૌથી લાંબી બોલિવૂડ ફિલ્મ બનાવે છે. આ પહેલા 2003માં આવેલી જેપી દત્તાની ‘એલઓસી કારગિલ’ 4 કલાક 15 મિનિટ સાથે સૌથી લાંબી ફિલ્મ છે. ફિલ્મનું ઇન્ટરનેશનલ વર્ઝન 3 કલાક 55 મિનિટનું છે. નોંધનીય છે કે, ધુરંધર 2માં રણવીર સિંહ, અર્જુન રામપાલ, સંજય દત્ત અને આર માધવન છે. ફિલ્મને આદિત્ય ધરે લખી, ડિરેક્ટ અને પ્રોડ્યુસ કરી છે. આ ઉપરાંત જ્યોતિ દેશપાંડે અને લોકેશ ધર પણ ફિલ્મના પ્રોડ્યુસર છે. ફિલ્મને જિયો સ્ટુડિયોઝે પ્રેઝન્ટ કરી છે અને તે B62 સ્ટુડિયોઝના બેનર હેઠળ બની છે. ‘ધુરંધર’ને શાનદાર રિસ્પોન્સ મળ્યો હતો નોંધનીય છે કે, ફિલ્મ ‘ધુરંધર’ના પહેલા ભાગે ભારતમાં તેમજ આંતરરાષ્ટ્રીય બોક્સ ઓફિસ પર પણ શાનદાર પ્રદર્શન કર્યું હતું. ફિલ્મે દુનિયાભરમાં લગભગ ₹1,303 કરોડની કમાણી કરી. ભારતમાં ફિલ્મનું ગ્રોસ કલેક્શન ₹1,005.85 કરોડ રહ્યું, જ્યારે નેટ કલેક્શન લગભગ ₹836.95 કરોડ થયું. આ સાથે જ તે ભારતમાં સૌથી વધુ કમાણી કરનારી હિન્દી સિંગલ-લેંગ્વેજ ફિલ્મ બની ગઈ. વિદેશી બજારોમાં પણ ફિલ્મ ‘ધુરંધર’ને જબરદસ્ત પ્રતિસાદ મળ્યો. ઓવરસીઝમાં તેણે લગભગ ₹299.5 કરોડનો કારોબાર કર્યો. ખાસ કરીને અમેરિકા અને કેનેડામાં ફિલ્મે ₹193.06 કરોડથી વધુની કમાણી કરીને ‘બાહુબલી 2’નો રેકોર્ડ પણ પાછળ છોડી દીધો. રસપ્રદ વાત એ છે કે આ મોટી સફળતા ફિલ્મને ત્યારે મળી, જ્યારે તેને ખાડી દેશોમાં રિલીઝ કરવાની મંજૂરી મળી ન હતી. આ ઉપરાંત ‘ધુરંધર’ ભારતીય સિનેમાની સૌથી વધુ કમાણી કરનારી ‘A’ રેટેડ ફિલ્મ પણ બની ગઈ છે. , ‘ધુરંધર: ધ રિવેન્જ’:કિલિંગ મશીન હમઝાનો કરાચીમાં કહેર, નોટબંધી-રાજકીય કડીઓ સાથે જોડાયેલી સ્ટોરી રણવીર સિંહની ફિલ્મ ‘ધુરંધર: ધ રિવેન્જ’ એટલે કે ‘ધુરંધર 2’ પહેલા ભાગની બ્લોકબસ્ટર સફળતા પછી મોટા પાયે પાછી ફરી છે. આ વખતે ફિલ્મ માત્ર ગેંગવોર કે બદલાની વાર્તા નથી રહેતી, પરંતુ નોટબંધીથી લઈને દેશની ઘણી મોટી ઘટનાઓને જોડતી એક મોટી કથા રજૂ કરે છે. આશાઓ જેટલી ઊંચી હતી, ફિલ્મ ઘણી જગ્યાએ તેમને પૂરી કરે છે, તો કેટલીક જગ્યાએ થોડી ચૂકી પણ જાય છે. સંપૂર્ણ સમાચાર વાંચો…