એક્ટર વિકી કૌશલ ફિલ્મ ‘ધુરંધર 2’નો ભાગ બનવા જઈ રહ્યા છે. તે ફિલ્મમાં એક એક્સટેન્ડેડ કેમિયો કરશે. ફિલ્મમાં તે ડિરેક્ટર આદિત્ય ધરની જ ફિલ્મ ‘ઉરી: ધ સર્જિકલ સ્ટ્રાઈક’ના પોતાના રોલ મેજર વિહાન શેરગિલને ફરીથી ભજવતો જોવા મળશે. આ દાવો ‘મિડ-ડે’ના રિપોર્ટમાં કરવામાં આવ્યો છે. રણવીર અને વિકીના પાત્રો સાથે આવશે કે કેમ તે અંગે રહસ્ય રિપોર્ટમાં સૂત્રોને ટાંકીને જણાવવામાં આવ્યું છે કે, આદિત્ય ધર આ ફિલ્મમાં કયા-કયા મોટા સિતારાઓને જોડી રહ્યા છે, તેના પર મૌન સેવી રહ્યા છે. તે ‘ધુરંધર યુનિવર્સ’ બનાવવા માંગે છે. આ જ કારણોસર તેણે અલગ સમયની વાર્તા હોવા છતાં ‘ઉરી’ની વાર્તાને ફિલ્મમાં જોડી છે. જોકે, હજુ એ સ્પષ્ટ નથી કે વિકી અને રણવીર સિંહના પાત્રો સામસામે આવશે કે નહીં. વિકીના કેમિયોમાં કેટલાક એક્શન સીન પણ હશે. વિકીએ પોતાના ભાગનું શૂટિંગ ગયા વર્ષે જ કરી લીધું હતું. સૂત્રએ એમ પણ કહ્યું કે, ‘વિકી, આદિત્ય ધરના મનપસંદ એક્ટર્સમાંથી એક છે અને ભવિષ્યમાં ફિલ્મના સ્પિન-ઓફની પણ યોજના છે. ‘ઉરી’ પછી બંને ફિલ્મ ‘ધ ઇમોર્ટલ અશ્વત્થામા’માં સાથે કામ કરવાના હતા, પરંતુ વધુ બજેટને કારણે તે ફિલ્મ બંધ થઈ ગઈ હતી. 19 માર્ચે રિલીઝ થશે ‘ધુરંધર 2’ ‘ધુરંધર 2: ધ રિવેન્જ’ બ્લોકબસ્ટર ફિલ્મ ‘ધુરંધર’ની સિક્વલ છે અને 2026ની સૌથી મોટી ફિલ્મોમાં ગણાઈ રહી છે. આ ફિલ્મ 19 માર્ચ 2026ના રોજ રિલીઝ થશે. તાજેતરમાં ટીઝરને વધુ હિંસાને કારણે ‘A’ સર્ટિફિકેટ મળ્યું છે. ફિલ્મનું ટીઝર 23 જાન્યુઆરીએ રિલીઝ થનારી ફિલ્મ ‘બોર્ડર 2’ સાથે સિનેમાઘરોમાં બતાવવામાં આવશે. જ્યારે ‘ધુરંધર 2’નો બોક્સ ઓફિસ પર સીધો મુકાબલો સુપરસ્ટાર યશની ફિલ્મ ‘ટોક્સિક’ સાથે થશે, જે તે જ દિવસે રિલીઝ થઈ રહી છે.