એક્ટ્રેસ અંજલિ રાઘવની સ્ટેજ પર ભોજપુરી સિંગર-એક્ટર પવન સિંહ દ્વારા કમરને સ્પર્શ કરવા બદલ મહિલા આયોગે કડક વલણ અપનાવ્યું છે. અંજલિએ હરિયાણા મહિલા આયોગને ફરિયાદ કરીને ઈ-મેલ દ્વારા પુરાવા મોકલ્યા હતા, જે બાદ બંને પક્ષોને ફરીદાબાદ બોલાવવામાં આવ્યા છે. મહિલા આયોગના ચેરપર્સને જણાવ્યું કે- 2 એપ્રિલે ફરીદાબાદમાં સુનાવણી રાખવામાં આવી છે. આ દરમિયાન બંને પક્ષોને ફરીદાબાદમાં હાજર રહેવા માટે બોલાવવામાં આવશે. તેણે કહ્યું કે- બંને પક્ષોને નોટિસ મોકલીને બોલાવવામાં આવશે. રેપર સિંગર બાદશાહના કેસમાં મહિલા આયોગના કડક વલણ બાદ અંજલિએ ફરિયાદ કરવાની હિંમત એકઠી કરી. અંજલિએ કહ્યું કે તે દિવસે લખનઉમાં સ્ટેજ પર પવન સિંહે ખોટી રીતે કમરને સ્પર્શ કર્યો. આ અયોગ્ય વર્તન હતું. એટલું જ નહીં, બાદમાં બદનામ કરવા માટે યોજનાબદ્ધ રીતે સોશિયલ મીડિયા પ્લેટફોર્મનો ઉપયોગ કરવામાં આવ્યો. અંજલિએ આયોગને વિનંતી કરી છે કે- તેના વિરુદ્ધ સોશિયલ મીડિયા પર કરવામાં આવેલી વાંધાજનક ટિપ્પણીઓ હટાવવામાં આવે. એક્ટ્રેસનું કહેવું છે કે આ જ કારણોસર તેની પાસેથી દિલ્હી રામલીલામાં સીતાનો રોલ છીનવાઈ ગયો. આયોગને મોકલેલી ફરિયાદમાં શું છે મુખ્ય વાતો? સોશિયલ મીડિયા પરથી અપમાનજનક પોસ્ટ હટાવો અંજલિ રાઘવે હરિયાણા રાજ્ય મહિલા આયોગના અધ્યક્ષને ઈ-મેલ દ્વારા મોકલેલી ફરિયાદમાં કહ્યું- સોશિયલ મીડિયા પર મારી વિરુદ્ધ ચાલી રહેલી અપમાનજનક પોસ્ટ અને ખોટા પ્રચારને તરત જ હટાવવાનો નિર્દેશ આપવામાં આવે. સીતાનો રોલ છીનવાઈ ગયો ફરિયાદમાં આગળ લખ્યું- હું 16 વર્ષની ઉંમરથી વિવિધ રામલીલાઓમાં માતા સીતાનો કિરદાર ભજવતી હતી. આના દ્વારા જ ઓળખ બનાવી. આ વિવાદ પછી દિલ્હીની રામલીલામાં મારો રોલ છીનવી લેવામાં આવ્યો. લખનઉ કાર્યક્રમમાં થયો વિવાદ થોડા મહિના પહેલા હું મારા એક ગીતના પ્રમોશન માટે લખનઉ ગઈ હતી. ભોજપુરી સિંગર પવન સિંહે મંચ પર મારી પરવાનગી વિના મને સ્પર્શ કર્યો, જેનો વીડિયો પણ તેમની ટીમે સોશિયલ મીડિયા પર વાઈરલ કરી દીધો. પીઆર ટીમે સતત ધમકીઓ આપી પવન સિંહની પીઆર ટીમે મને સતત ધમકીઓ આપી. કહેવામાં આવ્યું કે મારી સામાજિક પ્રતિષ્ઠાને નુકસાન પહોંચાડશે અને બદનામ કરવામાં આવશે. મારી વિરુદ્ધ ઘણા નકલી અને વાંધાજનક પોસ્ટ કરવામાં આવ્યા. કેટલાક પ્રાદેશિક મીડિયા પ્લેટફોર્મ દ્વારા મારા વિશે ખોટી વાતો અને અફવાઓ પણ ફેલાવવામાં આવી. માનસિક તણાવ અને સામાજિક બહિષ્કારનો દાવો આ ઘટનાઓને કારણે મને માનસિક પીડા અને સામાજિક અપમાનનો સામનો કરવો પડ્યો. તેની અસર મારા કામ પર પણ પડી. હું દિલ્હી રામલીલામાં છેલ્લા લાંબા સમયથી માતા સીતાનું પાત્ર ભજવતી હતી. મારી પાસેથી તે પાત્ર છીનવી લેવામાં આવ્યું. જે મારી દિવંગત માતાની અંતિમ ઈચ્છા સાથે જોડાયેલું હતું. કેટલાક લોકોએ મારો અને પરિવારનો બહિષ્કાર કર્યો, જેનાથી હું ડિપ્રેશનની સ્થિતિમાં પહોંચી ગઈ. સાયબર પોલીસે કાર્યવાહી કરી નહીં ફરિયાદમાં આગળ લખ્યું હતું કે- મેં સંબંધિત ઇન્સ્ટાગ્રામ એકાઉન્ટ્સ અને મીડિયા પ્લેટફોર્મ્સ વિરુદ્ધ દિલ્હી સાયબર પોલીસમાં ફરિયાદ કરી હતી, પરંતુ હજુ સુધી વાંધાજનક સામગ્રી હટાવવામાં આવી નથી. આયોગ વાંધાજનક પોસ્ટ અને ખોટા ઇન્ટરવ્યુ તાત્કાલિક હટાવે. સાથે જ સંબંધિત લોકો પાસેથી સાર્વજનિક માફી મંગાવવામાં આવે.