પાકિસ્તાનની રાજધાની ઇસ્લામાબાદના શહઝાદ ટાઉન વિસ્તારમાં આવેલા ટેરલાઈ ઇમામબાડામાં શુક્રવાર(જુમ્મા)ની નમાઝ દરમિયાન આત્મઘાતી હુમલો થયો. પાકિસ્તાની અખબાર ડોન અનુસાર વિસ્ફોટમાં ઘણા લોકોના મોત થયા હોવાના સમાચાર છે. પોલીસ અને બચાવ સેવાઓ ઘટનાસ્થળે પહોંચી ગઈ છે અને બચાવ અભિયાન શરૂ કરી દીધું છે. પાકિસ્તાન ઇન્સ્ટિટ્યૂટ ઑફ મેડિકલ સાયન્સિસ અને પોલિક્લિનિક હોસ્પિટલોને એલર્ટ પર રાખવામાં આવી છે. ઘાયલોને હોસ્પિટલ પહોંચાડવામાં આવી રહ્યા છે. ધડાકા પછી ઇસ્લામાબાદના પોલીસ વડાએ સમગ્ર શહેરમાં ઇમરજન્સી જાહેર કરી દીધી છે. અધિકારીઓને આશંકા છે કે જાનહાનિની સંખ્યા વધી શકે છે. હુમલાની 3 તસવીરો… ત્રણ મહિના પહેલા આત્મઘાતી વિસ્ફોટમાં 12 લોકો માર્યા ગયા હતા આ પહેલા પણ 11 નવેમ્બર 2025ના રોજ ઈસ્લામાબાદના G-11 વિસ્તારમાં જિલ્લા અને સત્ર અદાલતની બહાર આત્મઘાતી વિસ્ફોટ થયો હતો. તે વિસ્ફોટમાં 12 લોકોના મોત થયા હતા અને 30થી વધુ લોકો ઘાયલ થયા હતા. સમાચાર સતત અપડેટ થઈ રહ્યા છે…