‘ફિલ્મ હેપ્પી પટેલ: ખતરનાક જાસૂસ’નું બુધવારે મુંબઈમાં એક સ્પેશિયલ સ્ક્રીનિંગ રાખવામાં આવ્યું હતું. આ સ્ક્રીનિંગમાં ઘણા મોટા સિતારાઓ હાજર રહ્યા હતા. ફિલ્મના પ્રોડ્યુસર આમિર ખાન પણ તેની ગર્લફ્રેન્ડ ગૌરી સ્પ્રેટ સાથે કાર્યક્રમમાં પહોંચ્યા હતા. સ્ક્રીનિંગમાં આમિરનો પરિવાર પણ હાજર રહ્યો હતો. તેની માતા જીના હુસૈન અને બહેનો નિખત અને ફરહત ખાન પણ જોવા મળી હતી. આ ઉપરાંત ઇવેન્ટમાં રાજુ હિરાણી, કુણાલ ખેમુ, તૃપ્તિ ડિમરી, બાબીલ ખાન અને નિતેશ તિવારી જેવા સેલેબ્સ પણ સામેલ થયા હતા. ફિલ્મ ‘હેપ્પી પટેલ: ખતરનાક જાસૂસ’ વીર દાસના નિર્દેશનમાં બનેલી પહેલી ફિલ્મ છે. આમાં તે અભિનય પણ કરી રહ્યા છે અને એક અલગ તથા મજેદાર જાસૂસના રોલમાં જોવા મળશે. ફિલ્મમાં મોના સિંહ, શારિબ હાશ્મી, મિથિલા પાલકર અને સૃષ્ટિ તાવડે જેવા કલાકારો છે. આ ઉપરાંત, ઇમરાન ખાન લાંબા સમય પછી ફિલ્મ દ્વારા મોટા પડદા પર વાપસી કરી રહ્યા છે. તેમને છેલ્લે 2015ની ફિલ્મ ‘કટ્ટી બટ્ટી’માં જોવામાં આવ્યા હતા. આ ફિલ્મ 16 જાન્યુઆરી 2026ના રોજ સિનેમાઘરોમાં રિલીઝ થશે.