પૂર્વ ફ્રાન્સના ટોમ્બલાઇનમાં રવિવારે સવારે એક પેરાશૂટિસ્ટ સ્કૂલનું સિવિલિયન એરક્રાફ્ટ ક્રેશ થયું. આ દુર્ઘટનામાં વિમાનમાં સવાર તમામ 11 લોકોના ઘટનાસ્થળે જ મોત થયા. મૃતકોમાં 5 વિદ્યાર્થીઓ, 5 ટ્રેનર અને પાયલટનો સમાવેશ થાય છે. ન્યૂઝ એજન્સી AFP અનુસાર, મ્યુર્થ-એ-મોઝેલ વિસ્તારના વહીવટી અધિકારી (પ્રીફેક્ટ) યવેસ સેગુઈએ જણાવ્યું કે વિમાને નેન્સી-એસ્સે એરોડ્રોમ પરથી ઉડાન ભરી હતી, જે બાદ સ્થાનિક સમય અનુસાર રવિવારે સવારે લગભગ 11 વાગ્યે તે નેન્સી શહેર નજીક ક્રેશ થયું. 3 પોઈન્ટમાં સમજો કે કેવી રીતે થયો અકસ્માત? ઇમરજન્સી સેવાઓએ મોરચો સંભાળ્યો, તપાસ શરૂ દુર્ઘટનાના સમાચાર મળતા જ ઇમરજન્સી સેવાઓ અને રાહત-બચાવ દળે મોરચો સંભાળી લીધો છે. અધિકારીઓ ઘટનાસ્થળે હાજર પ્રત્યક્ષદર્શીઓના નિવેદનો નોંધી રહ્યા છે, જેથી દુર્ઘટનાના કારણો જાણી શકાય. ફ્રાન્સના ગૃહ મંત્રાલયે ઘટના પર દુઃખ વ્યક્ત કર્યું છે અને કહ્યું છે કે ગૃહમંત્રી પોતે પરિસ્થિતિનો તાગ મેળવવા ઘટનાસ્થળ માટે રવાના થઈ ગયા છે. બ્લાસ્ટના ખતરાને કારણે પોલીસે વિસ્તાર સીલ કર્યો પોલીસની અપીલ- લોકો ઘટનાસ્થળ તરફ ન જાય સ્થાનિક પોલીસે સામાન્ય જનતાને સાલ્વાડોર અલેન્ડે સ્ટ્રીટ વિસ્તારથી સંપૂર્ણપણે દૂર રહેવાની અપીલ કરી છે. પોલીસે X પર પોસ્ટ કરીને કહ્યું, “રાહત અને બચાવ કાર્યમાં લાગેલી ટીમો અને પોલીસ માટે રસ્તો ખુલ્લો રાખો. ઘટનાસ્થળે ભીડ ન કરો અને સુરક્ષા એજન્સીઓને સહયોગ આપો.” રીયલ-ટાઇમ મોનિટરિંગ માટે ઓપરેશનલ સેન્ટર સક્રિય સ્થાનિક પ્રશાસને સોશિયલ મીડિયા પ્લેટફોર્મ X પર જણાવ્યું કે ઘટનાના રિયલ-ટાઇમ મોનિટરિંગ માટે વિભાગીય ઓપરેશનલ સેન્ટર (COD) ને સક્રિય કરવામાં આવ્યું છે. તમામ ઓપરેશનલ ટીમોને કામે લગાડી દેવામાં આવી છે અને પ્રીફેક્ટ પોતે ઘટનાસ્થળે રહીને બચાવ કામગીરીનું નિરીક્ષણ કરી રહ્યા છે. ———————————————- આ સમાચાર પણ વાંચો… સાઉદી અરેબિયામાં હેલિકોપ્ટર ક્રેશ, 14 લોકોનાં મોત:બધા મૃતકો સાઉદીના નાગરિકો, હેલિકોપ્ટર દુનિયાની સૌથી મોટી ઓઈલ કંપની અરામકોનું હતું સાઉદી અરેબિયાના રાસ તનુરામાં રવિવારે દુનિયાની સૌથી મોટી ઓઈલ કંપની અરામકોનું હેલિકોપ્ટર ક્રેશ થઈ ગયું. આ દુર્ઘટનામાં હેલિકોપ્ટરમાં સવાર તમામ 14 લોકોના મોત થયા. સાઉદી પ્રેસ એજન્સી (SPA) અનુસાર, હેલિકોપ્ટરમાં સવાર તમામ લોકો સાઉદી અરેબિયાના જ નાગરિક હતા. જોકે, ક્રેશ થવાનું કારણ હજુ સામે આવ્યું નથી. અધિકારીઓ મામલાની તપાસ કરી રહ્યા છે. વાંચો સંપૂર્ણ સમાચાર…