બાંગ્લાદેશ ક્રિકેટ ટીમના પૂર્વ કેપ્ટન અને અવામી લીગના પૂર્વ સાંસદ શાકિબ અલ હસનના મગુરા શહેરમાં આવેલા ઘર પર હુમલો થયો છે. આ ઘટના પૂર્વ વડાપ્રધાન શેખ હસીનાની વર્ચ્યુઅલ પ્રેસ કોન્ફરન્સમાં શાકિબના સામેલ થયાના થોડા કલાકો પછી બની. શાકિબના ઘર પર હુમલો રાત્રે 8.45 થી 9 વાગ્યાની વચ્ચે થયો હતો. મગુરા સદર પોલીસના અધિકારી મોહમ્મદ અબ્દુલ્લા અલ મામુને જણાવ્યું કે કેટલાક ઉપદ્રવીઓએ પથ્થરો ફેંક્યા અને બારીઓ તોડી નાખી. હુમલાખોરોએ ઘરમાં આગ લગાવવાનો પ્રયાસ કર્યો. એવો દાવો કરવામાં આવી રહ્યો છે કે આ માટે હુમલાખોરો કોલ્ડડ્રિંકની બોટલોમાં પેટ્રોલ ભરીને લાવ્યા હતા. સદનસીબે, હુમલા સમયે ઘર ખાલી હતું, તેથી કોઈના ઘાયલ થયાના સમાચાર નથી. શાકિબ હાલ શ્રીલંકામાં છે. ઘટના બાદ પોલીસ દળ તૈનાત કરી દેવામાં આવ્યું છે. શાકિબના ઘર પર હુમલા બાદની સ્થિતિ, 4 તસવીરો… સાંસદ બન્યા પછી પણ શાકિબ ક્રિકેટ રમતા રહ્યા શાકિબે સાંસદ હોવા છતાં પણ આંતરરાષ્ટ્રીય ક્રિકેટ અને ટી-20 લીગમાં રમવાનું છોડ્યું નહીં. ઓગસ્ટ 2024માં જ્યારે બાંગ્લાદેશમાં બળવો શરૂ થયો, ત્યારે પણ શાકિબની ટીકા થઈ. સરકારી નોકરીઓમાં અનામત વિરુદ્ધ શરૂ થયેલા વિદ્યાર્થી આંદોલન દરમિયાન શાકિબ પર આરોપ લાગ્યા કે તેમણે અવામી લીગના સાંસદ હોવાને કારણે મૌન જાળવી રાખ્યું. હસીના સરકાર પડ્યા પછી બાંગ્લાદેશમાં અવામી લીગના નેતાઓ અને સાંસદોના ઘરો પર ઘણી જગ્યાએ હુમલા થયા. તેમાં શાકિબનું મગુરાવાળું ઘર પણ સામેલ હતું. ત્યારે પણ તેઓ ઘરે હાજર નહોતા. શેખ હસીનાની જેમ જ શાકિબ પર હત્યાનો કેસ દાખલ ઓગસ્ટ 2024માં થયેલા તખ્તાપલટ દરમિયાન શાકિબ અલ હસન બાંગ્લાદેશ છોડીને ચાલ્યા ગયા હતા. તેમની ધરપકડ થઈ નહોતી. બાદમાં તેમની વિરુદ્ધ વિદ્યાર્થી આંદોલન દરમિયાન એક વ્યક્તિના મોત સાથે જોડાયેલા હત્યાના કેસ સહિત કેટલાક ગુનાહિત કેસ દાખલ થયા. તે સમયે તેઓ વિદેશમાં હતા અને બાંગ્લાદેશ પોલીસ તેમને પકડી શકી નહોતી. ———————————————— બાંગ્લાદેશ સાથે જોડાયેલા આ સમાચાર પણ વાંચો… શેખ હસીના બોલ્યા- ડિસેમ્બરમાં બાંગ્લાદેશ પાછી ફરીશ: 2 વર્ષ પછી વર્ચ્યુઅલ ભાષણ આપ્યું, કેમેરો બંધ હતો બાંગ્લાદેશના પૂર્વ વડાપ્રધાન શેખ હસીનાએ બે વર્ષ પછી બુધવારે લોકોને વર્ચ્યુઅલી સંબોધિત કર્યા. જ્યારે હસીના બોલી રહ્યા હતા, તે દરમિયાન તેમનો કેમેરો બંધ હતો. ભાષણમાં તેમણે કહ્યું- “મને ખબર છે કે તેઓ મને જેલમાં નાખી શકે છે અથવા મારી પણ શકે છે, તેમ છતાં હું ડિસેમ્બરમાં બાંગ્લાદેશ પાછી જઈશ.” વાંચો પૂરા સમાચાર…