બાંગ્લાદેશમાં સામાન્ય ચૂંટણી માટે મતદાન શરૂ થઈ ગયું છે. આ વખતે 51 રાજકીય પક્ષો સત્તા મેળવવા માટે મેદાનમાં છે. બાંગ્લાદેશમાં લગભગ 12.7 કરોડ મતદારો આ વખતે પોતાના મતાધિકારનો ઉપયોગ કરશે. આ ચૂંટણીમાં યુવાનોની ભૂમિકા ખૂબ જ મહત્વપૂર્ણ માનવામાં આવી રહી છે, કારણ કે લગભગ અડધા મતદારો 18 થી 37 વર્ષના છે. તેમાંથી લગભગ 45.7 લાખ મતદારો પહેલીવાર મતદાન કરશે. ખાલિદા ઝિયાના પુત્ર તારિક રહેમાન PM પદના સૌથી મોટા દાવેદાર છે. આ ચૂંટણીમાં તેમનો પક્ષ BNP સત્તાનો સૌથી મોટો દાવેદાર છે. જો BNP જીતશે તો તે નિશ્ચિત છે કે રહેમાન દેશના આગામી PM હશે. જોકે, દેશમાં કટ્ટર મુસ્લિમ પક્ષ જમાત અને યુવાનોના પક્ષ NCPનો પણ સમર્થન વધી રહ્યું છે. જમાત-એ-ઇસ્લામી પક્ષના નેતા શિફુકર રહેમાન અને NCPના નેતા નાહિદ ઇસ્લામ પણ PM પદના મહત્વના ચહેરા માનવામાં આવી રહ્યા છે.