રિયાલિટી શો ‘બિગ બોસ 20’નો પહેલો પ્રોમો મેકર્સે રિલીઝ કર્યો છે. જેમાં સલમાન ખાન હોસ્ટ તરીકે વાપસી કરતા જોવા મળી રહ્યો છે. પ્રોમોમાં સલમાને ‘કરણ-અર્જુન’નો ઉલ્લેખ કરીને એક નવું સસ્પેન્સ ઊભું કર્યું છે. આ નવી સીઝન 6 સપ્ટેમ્બરથી શરૂ થવા જઈ રહી છે. તેનું પ્રસારણ દરરોજ રાત્રે 9 વાગ્યે જિયોહોટસ્ટાર પર અને રાત્રે 10:30 વાગ્યે કલર્સ ટીવી પર કરવામાં આવશે. આ વખતે ફેસ્ટિવ સીઝનમાં બિગ બોસના તમામ 6 ભાષાઓવાળા વર્ઝન એકસાથે રિલીઝ કરવામાં આવી રહ્યા છે. ‘કરણ-અર્જુન’ નો ઉલ્લેખ, શાહરુખના આવવાની અટકળો જાહેર કરાયેલા પ્રોમોમાં સલમાન ખાન એક ઘોડા સાથે ચાલતો જોવા મળી રહ્યો છે. વીડિયોના અંતમાં તે કહે છે- ‘જે કરણ-અર્જુનમાં થયું હતું, તે હવે બિગ બોસમાં ફરીથી થશે… તથાસ્તુ!’ સલમાનના આ નિવેદન બાદ સોશિયલ મીડિયા પર અનેક પ્રકારની ચર્ચાઓ શરૂ થઈ ગઈ છે. અટકળો લગાવવામાં આવી રહી છે કે ગ્રાન્ડ પ્રીમિયર પર શાહરુખ ખાન પણ સલમાન સાથે જોવા મળી શકે છે. જ્યારે કેટલાક રિપોર્ટ્સમાં એવો પણ દાવો કરવામાં આવી રહ્યો છે કે આ સિઝનમાં સ્પર્ધકો જોડીઓમાં રમશે અથવા શોમાં બે વિજેતા હોઈ શકે છે. 6 સપ્ટેમ્બરથી શરૂ ‘બિગ બોસ’ શોના રિલીઝ શેડ્યૂલની પુષ્ટિ કરતા મેકર્સે જણાવ્યું કે તે 6 સપ્ટેમ્બરથી ઓન-એર થશે. એક સત્તાવાર નિવેદનમાં સલમાન ખાને કહ્યું, “બિગ બોસની દરેક સીઝન એક નવી રમત અને અણધાર્યા ટ્વિસ્ટ લઈને આવે છે. પરંતુ આ સીઝનના કેન્દ્રમાં એક એવું રહસ્ય છે, જે તેને અગાઉની તમામ સીઝનથી અલગ બનાવે છે. તેનો પહેલો સંકેત પ્રોમોમાં જ હાજર છે, જેને તમારે ધ્યાનથી જોવો પડશે.” સલમાનની ફી ઘટવાની ચર્ચા આ સિઝનને લઈને એવી પણ ખબરો સામે આવી રહી છે કે સલમાન ખાન કદાચ આખી સિઝન હોસ્ટ ન કરે. ગયા અઠવાડિયે આવેલા રિપોર્ટ્સમાં દાવો કરવામાં આવ્યો હતો કે અભિનેતાએ આ સિઝન માટે પોતાની ફી 120 કરોડ રૂપિયાથી ઘટાડીને 70 કરોડ રૂપિયા કરી દીધી છે. જોકે, મેકર્સ કે સલમાન ખાનની ટીમ તરફથી ફીમાં ઘટાડો કે હોસ્ટિંગ શેડ્યૂલ અંગે કોઈ સત્તાવાર પુષ્ટિ કરવામાં આવી નથી.