માઇક્રોસોફ્ટના કો-ફાઉન્ડર બિલ ગેટ્સની ઇન્ડિયા AI ઇમ્પેક્ટ સમિટ’માં સામેલ થવા અંગેની મૂંઝવણ હવે દૂર થઈ ગઈ છે. ગેટ્સ ફાઉન્ડેશનના પ્રવક્તાના જણાવ્યા અનુસાર, બિલ ગેટ્સ નિર્ધારિત સમય મુજબ જ સમિટમાં હાજરી આપશે. અગાઉ આજે, 17 ફેબ્રુઆરીના રોજ વેબસાઇટ પર તેમનું નામ ગેસ્ટ લિસ્ટમાં નહોતું. પરિણામે, એવા અહેવાલો ફરતા થયા કે સરકારે તેમનું આમંત્રણ રદ કર્યું છે. કારણ એ હતું કે બિલ ગેટ્સનું નામ અમેરિકન ગુનેગાર જેફરી એપસ્ટીન સંબંધિત વિવાદાસ્પદ દસ્તાવેજોમાં સામે આવ્યું હતું. ગેટ્સે કહ્યું-એપસ્ટીન સાથે મુલાકાત એક મોટી ભૂલ હતી જેફરી એપસ્ટીન એક અમેરિકન ફાઇનાન્સર હતો, જેના પર જાતીય ગુનાઓ અને સગીરાઓનું યૌનશોષણ કરવાના ગંભીર આરોપો હતા. 2019માં જેલમાં તેની આત્મહત્યા પછી, હાલમાં તેની સાથે સંકળાયેલા ઘણા ગુપ્ત દસ્તાવેજો જાહેર કરવામાં આવ્યા છે. જાન્યુઆરીમાં જાહેર થયેલી ફાઇલોમાં બિલ ગેટ્સનું નામ પણ સામે આવ્યું હતું. આ ફાઇલોમાં દાવો કરવામાં આવ્યો છે કે એપસ્ટીન અને ગેટ્સ વચ્ચે ગાઢ સંબંધો હતા. દસ્તાવેજો અનુસાર, એપસ્ટીને કથિત રીતે ગેટ્સના એક્સ્ટ્રા મેરિટર એફેર અને અન્ય પર્સનલ પ્રવૃત્તિઓમાં મદદ કરી હતી. જોકે, બિલ ગેટ્સે હાલમાં એક ઇન્ટરવ્યુમાં આ મુલાકાતો પર અફસોસ વ્યક્ત કર્યો હતો. ગેટ્સે કહ્યું હતું કે એપસ્ટીન સાથે મુલાકાત એક મોટી ભૂલ હતી. ગેટ્સે માફી માંગી: કહ્યું- ‘દરેક મિનિટનો પસ્તાવો છે’ ઓસ્ટ્રેલિયાને આપેલા એક ઇન્ટરવ્યુમાં બિલ ગેટ્સે આ વિવાદ પર પોતાની સ્પષ્ટતા કરી. તેમણે કહ્યું કે મેં એપસ્ટીન સાથે જે પણ સમય વિતાવ્યો, પણ મને તેનો પસ્તાવો છે અને હું તેના માટે માફી માંગુ છું. ગેટ્સ પહેલા પણ કહી ચૂક્યા છે કે તેમણે એપસ્ટીન સાથે ફક્ત ચેરિટી અને ફંડરેઝિંગના સંબંધમાં મુલાકાત કરી હતી, પરંતુ હવે તેઓ તેને એક મોટી ભૂલ માને છે. સમિટમાં હવે કોણ-કોણ સામેલ થશે? ઇન્ડિયા AI ઇમ્પેક્ટ સમિટમાં ગૂગલના સીઇઓ સુંદર પિચાઈ અને ઓપન-એઆઈના સેમ ઓલ્ટમેન જેવા દિગ્ગજો સામેલ થઈ રહ્યા છે. સરકાર આ ઇવેન્ટ દ્વારા ભારતને ગ્લોબલ AI હબ તરીકે રજૂ કરવા માંગે છે. ગેટ્સના હટ્યા પછી હવે ટેક જગતની અન્ય મોટી હસ્તીઓ પર નજર રહેશે.