ભારત 15 ઓગસ્ટથી પોતાની 600મી ટેસ્ટ મેચ રમશે. આ મેચ શ્રીલંકા સામે ગૉલ ઈન્ટરનેશનલ સ્ટેડિયમમાં સવારે 10 વાગ્યાથી રમાશે. જો ઈન્ડિયા આ મેચ જીતી લે છે, તો તે સૌથી વધુ ટેસ્ટ મેચ જીતવાના મામલે પોતાની સ્થિતિ વધુ મજબૂત કરી લેશે. ભારતે શ્રીલંકા સામે 48% મેચ જીતી શું પડકારો હશે? કયા ખેલાડીઓ પર નજર ગૉલમાં 68% વિકેટ સ્પિનરોએ ઝડપી ગૉલ ઇન્ટરનેશનલ સ્ટેડિયમની પીચ પરંપરાગત રીતે સ્પિન બોલરો માટે મદદરૂપ પીચ માનવામાં આવે છે. આ મેદાન પર 49 મેચ રમાઈ છે. જેમાંથી 68% વિકેટ સ્પિનરોએ લીધી છે. 26 મેચ પહેલા બેટિંગ કરનારી ટીમે જીતી છે, જ્યારે 16 મેચ પહેલા બોલિંગ કરનારી ટીમે જીતી છે. મેચના પાંચેય દિવસ વરસાદની સંભાવના ગૉલ ટેસ્ટ વરસાદને કારણે ધોવાઈ શકે છે. હવામાન વેબસાઇટ એક્યુવેધર અનુસાર, તેના પાંચેય દિવસ વરસાદની સંભાવના છે. મેચના પહેલા દિવસે 82% વરસાદની આગાહી છે. ગિલે કહ્યું- 600મી ટેસ્ટમાં કેપ્ટનશીપ કરવી સન્માનની વાત કેપ્ટન શુભમન ગિલે મેચ પહેલા કહ્યું- ‘600મી ટેસ્ટમાં ટીમની આગેવાની કરવી સન્માનની વાત છે. વર્લ્ડ ટેસ્ટ ચેમ્પિયનશિપમાં કમબેક કરવા માટે ભારતને લગભગ 6-7 ટેસ્ટ જીતવાની જરૂર છે.’ ગિલે કહ્યું- પ્લેયર્સ માટે અલગ-અલગ પરિસ્થિતિઓમાં તાત્કાલિક ઢળવું સરળ નથી હોતું. ટેસ્ટ સિરીઝ પહેલા એક અઠવાડિયાથી 10 દિવસની તૈયારી મળવી ખૂબ જ મદદરૂપ થાય છે.’ સંભવિત પ્લેઇંગ-11 યશસ્વી જયસ્વાલ, કેએલ રાહુલ, દેવદત્ત પડિકલ, શુભમન ગિલ, રિષભ પંત, ધ્રુવ જુરેલ, રવીન્દ્ર જાડેજા, સારાંશ જૈન/માનવ સુથાર, કુલદીપ યાદવ, પ્રસિદ્ધ ક્રિષ્ના, મોહમ્મદ સિરાજ. ક્યાં જોઈ શકાય છે? મેચનું સીધું પ્રસારણ સોની સ્પોર્ટ્સ પર થશે. તેને સોની LIV પર પણ જોઈ શકાય છે. આ ઉપરાંત, દિવ્ય ભાસ્કર એપ પર મેચનું કવરેજ હશે. તમે તેને ફોલો કરી શકો છો.