ભોજપુરી એક્ટ્રેસિસ આમ્રપાલી દુબે અને રાની ચેટર્જીએ બોલિવૂડ એક્ટ્રેસિસની સર્જરી કરાવવાની મજાક ઉડાવી છે. તેઓ રિયાલિટી શો ‘ભોજપુરી બવાલ’ના સેટ પર આ વાતો કરતી જોવા મળી હતી. દિવ્ય ભાસ્કર પાસે આ વાતચીતનો અનકટ વીડિયો પહોંચ્યો છે. જેમાં રાની ચેટર્જી, આમ્રપાલી દુબે અને તેમની સાથી એક્ટ્રેસ મેકઅપ રૂમમાં બેઠેલી જોવા મળી રહી છે. વાતચીત દરમિયાન જ્યારે બોટોક્સ અને પ્લાસ્ટિક સર્જરીનો ઉલ્લેખ થયો, ત્યારે ત્રણેય એક્ટ્રેસિસે બોલિવૂડ એક્ટ્રેસિસ પર જોરદાર કટાક્ષ કર્યો. રાની ચેટર્જી અને આમ્રપાલી દુબેએ દાવો કર્યો કે, ‘ભોજપુરી ઇન્ડસ્ટ્રીમાં બધું જ 100% નેચરલ છે. જ્યારે બોલિવૂડમાં કામ કરવા માટે બોટોક્સ, લિપ ફિલર્સ અને મગજની સર્જરી સુધી કરાવવી પડે છે.’ ‘અમારું બધું અસલી છે, બોલિવૂડમાં હોત તો બોટોક્સ કરાવવું પડત’
સામે આવેલા વીડિયોમાં સેટ પર પેડિક્યોર અને મેકઅપ કરાવતી વખતે એક્ટ્રેસે રાની ચેટર્જીને પૂછ્યું કે, તેણે કયું બોટોક્સ કરાવ્યું છે? આના પર રાની ચેટર્જીએ આશ્ચર્ય વ્યક્ત કરતા કહ્યું કે, ‘શું ભોજપુરી એક્ટ્રેસિસ બોટોક્સ કરાવે છે? ત્યારબાદ આમ્રપાલી દુબેએ હસતા કહ્યું કે, ‘આપણે ત્યાં બધું જ નેચરલ છે.’ આના પર રાની ચેટર્જીએ કહ્યું, ‘અમારો આ બધો માલ અસલી છે. મને લાગે છે કે જો અમે બોલિવૂડમાં હોત, તો ત્યાં આ બધું કરાવવું પડત. ત્યાં ચહેરો બદલવા માટે સર્જરી કરાવવી પડે છે.’ નકલી ઉચ્ચાર અને લિપ ફિલર્સની મજાક ઉડાવી
વાતચીત આગળ વધી તો સાથી એક્ટ્રેસિસે બોલિવૂડ એક્ટ્રેસિસના લિપ ફિલર્સની મજાક ઉડાવતા કહ્યું કે, ‘તેઓ સર્જરી કરાવીને પોતાના હોઠ બતક જેવા બનાવી લે છે.’ આના પર આમ્રપાલી દુબેએ બોલિવૂડ સ્ટાર્સના બોલવાની રીતની નકલ ઉતારી. આમ્રપાલીએ વિચિત્ર મોં બનાવીને અને ઉચ્ચાર બદલતા કહ્યું, ‘હાય ગાય્ઝ, હાઉ આર યુ ગાય્ઝ ડુઇંગ.’ આ સાંભળતા જ સેટ પર હાજર બધા લોકો જોર જોરથી હસવા લાગ્યા. પવન સિંહ પૂછે છે કે, ‘આ શું કરાવી લીધું?’
વીડિયોમાં આગળ એક્ટ્રેસિસે ભોજપુરી પાવર સ્ટાર પવન સિંહનો ઉલ્લેખ કર્યો. તેણે મજાકમાં કહ્યું કે, જો તે બોલિવૂડવાળાની જેમ લિપ સર્જરી કરાવી લે, તો પવન સિંહનું રિએક્શન જોવા જેવું હશે. સાથી એક્ટ્રેસે કહ્યું, ‘જો અમે આવું કંઈક કરાવી લઈએ, તો પવનજી જોઈને કહેશે કે આ મોઢા પર શું કરાવી લીધું.’ આના પર રાની ચેટર્જીએ તરત હસતા કહ્યું કે, ‘અત્યારે પવનજીને વીડિયો કોલ કરીને પૂછવું જોઈએ.’ આ પછી ત્રણેય એક્ટ્રેસિસ જોર જોરથી હસવા લાગી. 2 ઓગસ્ટથી રિયાલિટી શો ‘ભોજપુરી બવાલ’ શરૂ થશે
આ વાયરલ વીડિયો ટૂંક સમયમાં પ્રસારિત થનારા રિયાલિટી શો ‘ભોજપુરી બવાલ’ના સેટનો છે. ટીવી પર ટૂંક સમયમાં ભોજપુરીનો પહેલો રિયાલિટી શો ‘ભોજપુરી બવાલ’ આવવાનો છે. આ શોમાં ભોજપુરી ફિલ્મ ઇન્ડસ્ટ્રીના મોટા દિગ્ગજો અને બિહારના મોટા નેતાઓ એકસાથે જોવા મળવાના છે. આ શો આ મોટા સિતારાઓની અસલી જિંદગી કોઈપણ છુપાવ્યા વિના બતાવશે. તેમાં તેમના અંગત અને વ્યાવસાયિક જીવનની સાચી વાતો સામે આવશે. પવન સિંહ, નિરહુઆ અને તેજ પ્રતાપ યાદવ એકસાથે જોવા મળશે
આ શોમાં ભોજપુરી પાવર સ્ટાર પવન સિંહ, દિનેશ લાલ યાદવ (નિરહુઆ), આમ્રપાલી દુબે, કાજલ રાઘવાની અને પૂર્વ મુખ્યમંત્રી લાલુ યાદવના મોટા દીકરા તેજ પ્રતાપ યાદવ એકસાથે જોવા મળવાના છે. શોનું પ્રસારણ 2 ઓગસ્ટે જિયો હોટસ્ટાર પર શરૂ થશે. જ્યારે આ શોની યજમાની મનીષા રાણી અને કૃષ્ણા અભિષેક કરશે.