કાઉન્ટી ચેમ્પિયનશિપમાં બુધવારે વૉરવિકશાયર માટે રમતા માનવ સુથારે એસેક્સ સામેની બીજી ઇનિંગ્સમાં 5 વિકેટ ઝડપી. તેમની બોલિંગની મદદથી વૉરવિકશાયરે માત્ર બે દિવસમાં જ 8 વિકેટે મેચ જીતી લીધી. ટીમે 133 રનનો લક્ષ્યાંક 26 ઓવરમાં હાંસલ કર્યો. આ જીત સાથે વૉરવિકશાયર ડિવિઝન-1ની ટાઇટલ રેસમાં ટોચ પર પહોંચી ગયું. સુથારે બીજી ઇનિંગ્સમાં 5 વિકેટ ઝડપી પ્રથમ ઇનિંગ્સમાં એક પણ વિકેટ ન લેનારા સુથારે બીજી ઇનિંગ્સમાં 24 ઓવર ફેંકી. તેમણે 75 રન આપીને 5 વિકેટ ઝડપી. એસેક્સની સમગ્ર ટીમ 189 રને ઓલઆઉટ થઈ ગઈ. સુથારની પાંચ મેચમાં 26 વિકેટ થઈ ગઈ છે. આ સિઝનમાં તેમની બીજી 5 વિકેટ હૉલ છે. જેન મલિકની અડધી સદીની મદદથી વૉરવિકશાયરે 26 ઓવરમાં લક્ષ્યાંક હાંસલ કર્યો વૉરવિકશાયરને જીતવા માટે 133 રનનો લક્ષ્યાંક મળ્યો હતો. જેન મલિકે 55 બોલમાં 51 રનની ઇનિંગ્સ રમી. તેમણે ચાર છગ્ગા ફટકાર્યા. ડેન મૉસ્લી અને સેમ હેને ટીમને લક્ષ્યાંક સુધી પહોંચાડી. વૉરવિકશાયરે 26 ઓવરમાં 2 વિકેટ ગુમાવીને લક્ષ્યાંક હાંસલ કરી લીધો. વૉરવિકશાયરની પાંચ મેચમાં આ ચોથી જીત છે. સાઈ કિશોરે 71 રન બનાવ્યા ગ્લોસ્ટરશાયર માટે રમી રહેલા સાઈ કિશોરે મિડલસેક્સ સામેની પ્રથમ ઇનિંગ્સમાં 131 બોલમાં 71 રન બનાવ્યા. તેમની ઇનિંગ્સને કારણે ગ્લોસ્ટરશાયર પ્રથમ ઇનિંગ્સમાં મિડલસેક્સથી માત્ર 30 રન પાછળ રહ્યું. સાઈ કિશોરે બોલિંગમાં પણ 2 વિકેટ ઝડપી. મયંક અગ્રવાલની શાનદાર સદી ડરહામ માટે રમી રહેલા મયંક અગ્રવાલે 220 બોલમાં 177 રન બનાવ્યા. તેમની ઇનિંગ્સને કારણે ટીમને પ્રથમ ઇનિંગ્સમાં મજબૂત સ્કોર બનાવવામાં મદદ મળી. ઉનાડકટે 4 વિકેટ લીધી, મુકેશ વિકેટવિહોણા રહ્યા સસેક્સ માટે રમી રહેલા જયદેવ ઉનાડકટે પ્રથમ ઈનિંગમાં 83 રન આપીને 4 વિકેટ લીધી. બીજી તરફ, નોટિંઘમશાયરના મુકેશ કુમારને સસેક્સ સામેની પ્રથમ ઇનિંગ્સમાં એક પણ વિકેટ મળી નહીં. તેમણે 56 રન આપ્યા. કુલદીપ અને આકીબ નબીને વિકેટ મળી નહીં યોર્કશાયર માટે સમરસેટ સામે રમી રહેલા કુલદીપ યાદવે પ્રથમ ઇનિંગ્સમાં 7 ઓવરમાં 31 રન આપ્યા. તેઓ એક પણ વિકેટ લઈ શક્યા નહીં. તેમણે બેટિંગમાં 11 રન બનાવ્યા. સરે માટે રમી રહેલા આકીબ નબીએ ગ્લેમોર્ગન સામે પ્રથમ ઇનિંગ્સમાં 36 રન આપીને 4 વિકેટ લીધી હતી. બીજી ઇનિંગ્સમાં તેઓ 63 રન આપ્યા છતાં એક પણ વિકેટ લઈ શક્યા નહીં. બીજા દિવસની રમત પૂરી થઈ ત્યાં સુધી ગ્લેમોર્ગને 5 વિકેટના નુકસાન પર 339 રન બનાવી લીધા હતા. ————————————————— સ્પોર્ટ્સના આ સમાચાર પણ વાંચો… પાકિસ્તાનની ન્યુટ્રલ વેન્યુની માંગ ફગાવી:હોકી ઇન્ડિયાએ કહ્યું-એશિયન ચેમ્પિયન્સ ટ્રોફી રમવી હોય તો ભારત આવવું પડશે પાકિસ્તાન હોકી ફેડરેશને ભારતમાં યોજાનારી એશિયન ચેમ્પિયન્સ ટ્રોફીની મેચો તટસ્થ સ્થળોએ કરાવવાની માંગ કરી છે. ફેડરેશને સુરક્ષા અને ભારત-પાકિસ્તાન વચ્ચેના વર્તમાન તણાવનો હવાલો આપ્યો છે. સંપૂર્ણ સમાચાર વાંચો