કપિલ શર્માનો શો ‘ધ કપિલ શર્મા શો’ છેલ્લા કેટલાક સમયથી મ્યુઝિક રાઇટ્સ વિવાદમાં હતો. લાંબા સમય પછી હવે કપિલ શર્માએ આ અંગે પ્રતિક્રિયા આપી છે. તેનું કહેવું છે કે લાખોના બિલથી બચવા માટે હવેથી તે પોતાના ગીતો જાતે બનાવે છે. કપિલ શર્માની ટીમ તાજેતરમાં નેટફ્લિક્સની ઇવેન્ટ ‘વ્હોટ નેક્સ્ટ’માં પહોંચી હતી. નેટફ્લિક્સે ઇવેન્ટમાં આગામી સિરીઝ અને ફિલ્મોની જાહેરાત કરી, જેમાં ‘ધ ગ્રેટ ઇન્ડિયન કપિલ શો’ની પાંચમી સીઝન પણ સામેલ હતી. આ દરમિયાન કપિલે જણાવ્યું છે કે- હવેથી સુનીલ ગ્રોવર શોમાં પોતે ગીતો ગાશે. કપિલે કહ્યું કે અરિજિતે પ્લેબેક સિંગિંગ છોડ્યા પછી તેણે તક જોઈને સુનીલ ગ્રોવરને સિંગર તરીકે લોન્ચ કર્યો છે. આગળ તેણે કહ્યું- ‘મ્યુઝિક રાઇટ્સનો બહુ પ્રોબ્લેમ હતો. કોઈનું ગીત વાપરી લો તો લાખોનું બિલ આવી જતું હતું. હવે અમે અમારું જ બનાવીશું. અમારું જ્યાં મન થશે ત્યાં અમે ગાઈશું.’ આના પર સુનીલ ગ્રોવરે કહ્યું- ‘મને લાગે છે કે આ જ કારણે અરિજિત સિંહે રિટાયરમેન્ટ લઈ લીધું.’ ઇવેન્ટમાં કપિલ શર્માએ કેનેડાના કેફેમાં થયેલા ફાયરિંગ વિશે પણ વાત કરી હતી, જેની જવાબદારી લોરેન્સ ગેંગે લીધી હતી. તેણે કહ્યું, ‘આજકાલ મારી પાછળ એક-બે દેશોના ગેંગસ્ટર લાગેલા છે’. જોકે, બાદમાં તેણે તરત જ ટીમને કહ્યું કે તેનું આ નિવેદન કાપી નાખવામાં આવે. થોડા સમય પછી તેને અહેસાસ થયો કે ઇવેન્ટ લાઇવ છે. શું છે કપિલ શર્માની મ્યુઝિક રાઇટ વિવાદ PPL દ્વારા 12 ડિસેમ્બરે બોમ્બે હાઈકોર્ટમાં કપિલ શર્માના શો વિરુદ્ધ કોમર્શિયલ અરજી દાખલ કરવામાં આવી હતી. કોપીરાઈટ નિયમોના ઉલ્લંઘનનો આરોપ લગાવતા અરજીમાં કહેવામાં આવ્યું હતું કે કપિલના શોની ત્રીજી સીઝનમાં જૂનથી સપ્ટેમ્બર વચ્ચે 3 લાયસન્સવાળા ગીતોનો ઉપયોગ પરવાનગી વગર કરવામાં આવ્યો હતો. આરોપ- આ ગીતોનો પરવાનગી વગર ઉપયોગ થયો આ ગીતોનો કોપીરાઈટ PPL ઇન્ડિયા પાસે છે. પરવાનગી વગર આ ગીતોનો વ્યાપારી ધોરણે ઉપયોગ કરવો કોપીરાઈટ કાયદાનું ઉલ્લંઘન છે. આ ગીતોનો ઉપયોગ ફક્ત લાયસન્સ ધારકો જ કરી શકે છે.