યુરોપ આ સમયે ભીષણ ગરમીની ઝપેટમાં છે. તેની અસર હવે ફક્ત લોકોના સ્વાસ્થ્ય સુધી મર્યાદિત રહી નથી, પરંતુ અર્થતંત્ર અને માળખાકીય સુવિધાઓ પર પણ સ્પષ્ટપણે દેખાવા લાગી છે. પશ્ચિમી યુરોપનું રેલ નેટવર્ક અસ્તવ્યસ્ત થઈ ગયું છે. ફ્રાન્સમાં ઘણા પરમાણુ રિએક્ટર બંધ કરી દેવામાં આવ્યા છે અથવા તેમની ક્ષમતા ઘટાડી દેવામાં આવી છે, કારણ કે તેઓ નદીઓમાં અત્યંત ગરમ પાણી છોડી રહ્યા છે. ફ્રાન્સના એક ઓટોમોબાઈલ પ્લાન્ટમાં યુનિયન નેતાઓએ ફેક્ટરી ફ્લોર પર અસહ્ય ગરમીના કારણે હડતાળની જાહેરાત કરી છે. ફ્રાન્સ અને ઇટાલીમાં વીજળીઘરો બંધ થવાથી સેંકડો વિસ્તારોમાં વીજળી પુરવઠાને અસર થઈ છે. નિષ્ણાતોનું માનવું છે કે જો ગરમીનો આ દોર ચાલુ રહ્યો તો ઘણા યુરોપિયન દેશોની અર્થવ્યવસ્થા પર અસર પડી શકે છે અને મૃત્યુદર પણ વધી શકે છે. શહેરોમાં સ્થિતિ વધુ ગંભીર છે. જાડી દિવાલોવાળી જૂની ઇમારતો દિવસભરની ગરમી શોષીને રાત સુધી ગરમ રહે છે, જેનાથી એપાર્ટમેન્ટ ભઠ્ઠી જેવા બની ગયા છે. ગરમીથી પરેશાન લોકો અડધી રાત પછી પાર્કમાં ફરી રહ્યા છે. ઘણા લોકો રાહત માટે હોટલોમાં પણ રોકાઈ રહ્યા છે. પેરિસમાં રાજકીય પર્યાવરણના નિષ્ણાત ફ્રાંસ્વા જેમેને કહે છે, “દરેક વ્યક્તિ એ જ પૂછી રહી છે કે આપણે આ સ્થિતિ માટે તૈયાર કેમ નહોતા.” એક સપ્તાહથી વધુ સમયથી ચાલી રહેલી આ હીટવેવે બ્રિટન, ફ્રાન્સ અને સ્પેનમાં તાપમાનના ઘણા રેકોર્ડ તોડી નાખ્યા છે. દુનિયાના સૌથી ઝડપથી ગરમ થઈ રહેલા ખંડની મોટાભાગની ઇમારતો અને માળખાકીય સુવિધાઓ ઠંડા હવામાનને ધ્યાનમાં રાખીને બનાવવામાં આવી હતી. જૂના ભવનોમાં ગરમી શોષી લેતી નિર્માણ સામગ્રીનો ઉપયોગ થયો છે. તેમાં બાહ્ય શટર જેવી વ્યવસ્થાઓ પણ ઓછી છે, જેનાથી ગરમી ઇમારતોની અંદર જ રહીને મુશ્કેલીઓ વધારી રહી છે. યુરોપનું ઇન્ફ્રાસ્ટ્રક્ચર શિયાળાથી બચાવવા માટે બન્યું છે, વધતી ગરમી માટે તે તૈયાર નથી ફ્રાન્સના સ્વાસ્થ્ય મંત્રી સ્ટીફેની રિસ્ટ અનુસાર કાર્ડિયાક અરેસ્ટના કેસોમાં ચાર ગણો વધારો થયો છે. પહેલા 5 થી 10 કેસ આવતા હતા, હવે 20 થી 30 આવી રહ્યા છે. 2023ના એક અભ્યાસ મુજબ ગરમીથી મૃત્યુનું જોખમ ફ્રાન્સ, સ્પેન અને ઇટાલીમાં વધુ છે. આ દેશોને વધુ નુકસાન જર્મન ઇન્સ્યોરન્સ કંપની એલાયન્ઝના રિપોર્ટમાં ઇટાલી, ફ્રાન્સ, જર્મની અને સ્પેનને ગરમીના કારણે સૌથી વધુ આર્થિક નુકસાન થયું હોવાનું જણાવાયું છે. ચાર ન્યુક્લિયર રિએક્ટર બંધ‎ ગરમીના કારણે તાપમાન એટલું વધી ગયું કે ફ્રાન્સમાં ચાર પરમાણુ વીજળી ઘરોના રિએક્ટર પણ બંધ કરવા પડ્યા છે. જર્મની, બ્રિટનમાં ઘણી ટ્રેનો રદ‎ ગરમી વધવાથી જર્મની, સ્વિટ્ઝર્લેન્ડ અને બ્રિટનમાં ટ્રેનો રદ કરવી પડી છે. કેટલાક અન્ય દેશોમાં ટ્રેનની ઓનબોર્ડ સિસ્ટમ ગરમી સહન કરી શકતી નથી. ગરમીથી બચવાની યોજનાઓ ફ્રાન્સે 52 ઉપાયો સાથે ગયા વર્ષે 388 પાનાની યોજના બહાર પાડી છે. લંડનમાં આ સપ્તાહે ગરમીથી બચાવવાનો પ્લાન રજૂ કરવામાં આવ્યો છે.