અરુણ ગોવિલે ભગવાન રામનું પાત્ર ભજવીને ઘેર ઘેર પોતાની એક અલગ ઓળખ બનાવી છે. હવે તાજેતરમાં તેમણે નિતેશ તિવારીની ‘રામાયણ’ અને ‘આદિપુરુષ’ની તુલના પર પોતાનો અભિપ્રાય આપ્યો. તેમણે કહ્યું કે, ”રામાયણ’ની તુલના ‘આદિપુરુષ’ સાથે ન કરવી જોઈએ.’ અરુણ ગોવિલે રણબીર કપૂરના વખાણ કર્યા ન્યૂઝ એજન્સી પીટીઆઈ સાથેની વાતચીતમાં અરુણ ગોવિલે કહ્યું, ‘નવી ‘રામાયણ’ની ‘આદિપુરુષ’ સાથે તુલના ન કરવી જોઈએ. દરેક નવું રૂપાંતરણ અલગ હોય છે, તેથી તેને જૂના પ્રયાસોથી ચકાસવાને બદલે તેના અલગ પાસાઓને સમજવા જોઈએ.’ અરુણ ગોવિલે ફિલ્મ ‘રામાયણ’માં રણબીર કપૂરના લુક અને કાસ્ટિંગની પ્રશંસા કરી. તેમણે કહ્યું, ‘ફિલ્મ ખૂબ સારી લાગી રહી છે અને ટીમ ઘણી મહેનત પણ કરી રહી છે. રણબીર માત્ર એક સારા એક્ટર જ નથી, પરંતુ એક સારા માણસ પણ છે અને આ ગુણ સ્ક્રીન પર ભગવાન જેવા પાત્રને વિશ્વાસપૂર્વક ભજવવા માટે જરૂરી છે.’ ‘કોઈ માપદંડ સ્થાપિત થઈ જાય, ત્યારે હંમેશા સરખામણી થાય છે’ તેમણે આગળ કહ્યું, ‘જ્યારે કોઈ માપદંડ બની જાય છે, ત્યારે હંમેશા સરખામણી થાય છે અને કોઈને એવું ખરાબ ન લાગવું જોઈએ કે મારી સરખામણી થઈ રહી છે. મને લાગે છે કે ભગવાનનો રોલ ભજવવા માટે તમારો દેખાવ એવો હોવો જોઈએ કે, જ્યારે લોકો તમને જુએ, ત્યારે તેમને તમારામાં ભગવાન દેખાય અને તેઓ વિચારે કે ભગવાન આવા હોઈ શકે છે. આ ખૂબ જ મહત્વપૂર્ણ છે.’ ફિલ્મની સ્ટારકાસ્ટ આ ફિલ્મમાં રણબીર કપૂરે ભગવાન રામનું પાત્ર ભજવ્યું છે. રાવણની ભૂમિકામાં યશ જોવા મળશે. સાઉથસ્ટાર સાઈ પલ્લવી માતા સીતા બન્યા છે. હનુમાનના દમદાર રોલમાં સની દેઓલ છે, જ્યારે રવિ દુબે લક્ષ્મણના પાત્રમાં જોવા મળશે.