IPLના પૂર્વ ચેરમેન લલિત મોદીએ કહ્યું કે તેમના માટે ‘ભાગેડું’ શબ્દનો ઉપયોગ મીડિયા દ્વારા કરવામાં આવ્યો હતો. તેમની વિરુદ્ધ આજ સુધી કોઈ કેસ થયો નથી. ન્યૂઝ એજન્સી ANIને ગુરુવારે આપેલા ઇન્ટરવ્યુમાં તેમણે આગળ કહ્યું કે હું બિલકુલ ભાગી રહ્યો નથી. હું આખી દુનિયામાં ફરી રહ્યો છું. જો હું ભાગી રહ્યો હોત, તો તમે મને ક્યાંક ને ક્યાંક પકડી જ લેત. ભારત સરકારની પહોંચ ઘણી લાંબી છે. તમે ભારત સરકાર સાથે પંગો લઈ શકતા નથી. અને મારો આવો કોઈ ઇરાદો પણ નથી. IPLને લઈને તેમણે કહ્યું કે હું આને લઈને હંમેશાથી ઉત્સાહી રહ્યો છું. આખરે IPL મારા બાળક જેવું છે. હું ભલે તેની સાથે જોડાયેલો હોઉં કે ન હોઉં, મને ફરક પડતો નથી. મારા પિતા સારા બિઝનેસમેન હતા પરંતુ આજે મારા પરિવારને લલિત મોદીના કારણે ઓળખવામાં આવે છે. હવે વાંચો ઇન્ટરવ્યુમાં લલિત મોદી સાથે સવાલ-જવાબ સવાલ: નવા બાળકો જેમણે 4-5 વર્ષ પહેલા IPL જોવાનું શરૂ કર્યું. તેઓ જાણતા નથી કે તેની શરૂઆત કેવી રીતે થઈ. તમે IPL લાવ્યા, તેને પ્રખ્યાત કર્યું અને ગાયબ થઈ ગયા. આ વિશે શું વિચારો છો? જવાબ: હું આજે પણ મેચ જોઉં છું. હું આને લઈને હંમેશાથી ઉત્સાહી રહ્યો છું. આખરે IPL મારા બાળક જેવું છે. હું ભલે તેની સાથે જોડાયેલો હોઉં કે ન હોઉં, મને ફરક પડતો નથી. મારા પિતા સારા બિઝનેસમેન હતા પરંતુ આજે મારા પરિવારને લલિત મોદીના કારણે ઓળખવામાં આવે છે. હું ક્યાંય જાઉં છું તો લોકો મને ઓળખે છે. આ બધું IPLના કારણે થયું. સવાલ: તમે ભારતની ન્યાયપાલિકા વિશે ઘણી વાતો કરી છે. તમારા માટે ભાગેડુ શબ્દનો ઉપયોગ થાય છે. શું કહેવું છે? જવાબ: હું બિલકુલ પણ ભાગી રહ્યો નથી. હું આખી દુનિયામાં ફરી રહ્યો છું. જો હું ભાગી રહ્યો હોત, તો તમે મને ક્યાંક ને ક્યાંક પકડી જ લેત. ભારત સરકારની પહોંચ ઘણી લાંબી છે. તમે ભારત સરકાર સાથે પંગો લઈ શકતા નથી. અને મારો એવો કોઈ ઈરાદો પણ નથી. આપણા દેશમાં ક્યારેય સુનાવણી થતી જ નથી. ન્યાય મળે તો છે, પરંતુ તેમાં ખૂબ મોડું થઈ જાય છે. મોડેથી મળતો ન્યાય પણ એક પ્રકારની સજા જ છે. મારા વિરુદ્ધ એક પણ કેસ દાખલ થયો નથી. જો હું એટલો જ ખરાબ છું તો ઠીક છે, ભાઈઓ, જાઓ અને મારા પર મુકદ્દમો ચલાવો. પ્રશ્ન: શું લલિત મોદી પોતાનું નામ નિર્દોષ સાબિત કરવા માટે ભારત પાછા ફરવાની યોજના બનાવી રહ્યા છે? જવાબ: જ્યારે તેમને પૂછવામાં આવ્યું કે શું તેઓ પોતાનું નામ ઔપચારિક રીતે નિર્દોષ સાબિત કરવા માટે ભારત પાછા ફરવાની યોજના બનાવી રહ્યા છે, ત્યારે ક્રિકેટ જગતના આ પૂર્વ દિગ્ગજે સ્પષ્ટ કર્યું કે ના, હવે મારી પ્રાથમિકતાઓ બદલાઈ ગઈ છે. હવે પોતાને સાચા સાબિત કરવાની ઈચ્છા પૂરી થઈ ગઈ છે. એક સમય હતો જ્યારે હું ખરેખર પાછો આવવા માંગતો હતો. અને મારી પાસે પાછા આવવાના તમામ કારણો પણ હતા. પણ હવે પાછા આવીને શું કરીશ. જો તમે મને ધરપકડ કરવા માંગો છો, તો તમારે મને કોર્ટમાં લઈ જવો પડશે. 17 વર્ષ થઈ ગયા, તમે મને કોર્ટમાં લઈ જઈ શક્યા નથી. તો અચાનક આજે તમે મને કેવી રીતે ધરપકડ કરી શકો છો? જો કંઈ હોત, તો અત્યાર સુધીમાં સામે આવી ગયું હોત.