બોલિવૂડ એક્ટર વિદ્યુત જામવાલે અમેરિકામાં આયોજિત ‘સિનેમાકોન 2026’ ઇવેન્ટમાં વૈદિક મંત્રોનું પઠન કર્યું. વાસ્તવમાં વિદ્યુત હોલિવૂડ ફિલ્મ ‘સ્ટ્રીટ ફાઇટર’માં યોગ ગુરુ ‘ધાલસિમ’નું પાત્ર ભજવી રહ્યો છે. સિનેમાકોન ઇવેન્ટમાં આ ફિલ્મનું ટ્રેલર રિલીઝ કરવામાં આવ્યું. આ દરમિયાન સ્ક્રીનિંગ પહેલાં વિદ્યુતે મંચ પર વૈદિક મંત્રોનું પઠન કર્યું, જેણે દુનિયાના સૌથી ઘોંઘાટવાળા ઇવેન્ટ્સમાંથી એકમાં શાંતિનું વાતાવરણ બનાવી દીધું. લાસ વેગાસમાં ગુંજ્યા સૂર્ય અને ગાયત્રી મંત્ર
ટ્રેલરના સ્ક્રીનિંગ પહેલાં વિદ્યુત જામવાલે ભારતીય પરંપરા અનુસાર પ્રાર્થનાથી શરૂઆત કરી. તેણે સૂર્ય મંત્ર, ચંદ્ર મંત્ર અને ગાયત્રી મંત્રનું પઠન કર્યું. આ દરમિયાન તેમના હોલિવૂડ કો-સ્ટાર નોઆ સેન્ટિનિયો પણ તેની સાથે ઊભેલા જોવા મળ્યા. ‘આ ક્ષણ મને જમીન સાથે જોડે છે’
આ ખાસ અનુભવને સોશિયલ મીડિયા પર શેર કરતા વિદ્યુતે લખ્યું, ‘કેટલીક સિદ્ધિઓ મને જીવનના ઉદ્દેશ્યની ઊંડી અનુભૂતિ કરાવે છે. લાસ વેગાસના સિનેમાકોનમાં પ્રાર્થના કરવી મારા માટે સૌભાગ્યની વાત હતી. મારા ભારતીય મંત્રોએ ત્યાં શાંતિ અને સુકૂનની એક લહેર પેદા કરી દીધી.’ ‘મને ત્યાં હાજર દરેક વ્યક્તિ સાથે એક ઊંડો અને વણકહ્યું બંધન અનુભવાયું, જે ભાષા અને શબ્દોથી ઉપર હતું. વૈદિક મંત્રો સીમાઓથી પર શાંતિનો સંદેશ આપે છે.’ ફિલ્મ આર્કેડ ગેમ પર આધારિત
ફિલ્મ ‘સ્ટ્રીટ ફાઈટર’નું ડિરેક્શન કિતાઓ સકુરાઈએ કર્યું છે. આ ફિલ્મ પ્રખ્યાત આર્કેડ ગેમ ફ્રેન્ચાઈઝી પર આધારિત છે. ટ્રેલરમાં ગેમના સિગ્નેચર મૂવ્સ જેમ કે ‘હાડૌકેન’ અને જબરદસ્ત એક્શન સિક્વન્સ બતાવવામાં આવ્યા છે. ફિલ્મમાં વિદ્યુત જામવાલ ‘ધાલસિમ’ના રોલમાં છે, જે પોતાના લવચીક શરીર અને યોગની શક્તિ માટે જાણીતા છે. વિદ્યુતના માર્શલ આર્ટ્સ બેકગ્રાઉન્ડને જોતા ચાહકો તેને આ રોલ માટે પરફેક્ટ માની રહ્યા છે. રોમન રેન્સ-જેસન મોમોઆ જોવા મળશે
આ ફિલ્મમાં હોલિવૂડ અને રમત જગતની જાણીતી હસ્તીઓનો સમુહ જોવા મળશે. નોઆ સેન્ટિનીઓ ‘કેન માસ્ટર્સ’, એન્ડ્રુ કોજી ‘રયુ’ અને રોમન રેન્સ ‘અકુમા’ના રોલમાં જોવા મળશે. આ ઉપરાંત જેસન મોમોઆ ‘બ્લેન્કા’ અને પ્રખ્યાત રેપર 50 સેન્ટ ‘બેલરોગ’નું પાત્ર ભજવી રહ્યા છે. ‘સ્ટ્રીટ ફાઈટર’ ભારતમાં 16 ઓક્ટોબર, 2026 ના રોજ સિનેમાઘરોમાં રિલીઝ થશે.