એશિયન ગેમ્સ 2026માં ઓછી ઉંમરના ખેલાડીઓનો જલવો જોવા મળી રહ્યો છે. ભારતના 15 વર્ષીય ક્રિકેટર વૈભવ સૂર્યવંશી પર સૌની નજર રહેવાની છે. વૈભવ જાપાનમાં તાબડતોડ અંદાજમાં બેટિંગ કરીને અનેક રેકોર્ડ ધ્વસ્ત કરી શકે છે. બીજી તરફ ચીનની એક 13 વર્ષની છોકરીએ જાપાનમાં ચાલી રહેલી એશિયન ગેમ્સમાં ઇતિહાસ રચ્યો છે. આ નાની ઉંમરે આ જલપરીએ જે કારનામું કર્યું છે, તેણે સમગ્ર વિશ્વનું ધ્યાન પોતાની તરફ ખેંચી લીધું છે. ચીનની 13 વર્ષીય યુ ઝિદીએ મહિલા 200 મીટર બટરફ્લાય સ્પર્ધામાં શાનદાર પ્રદર્શન કરતાં ગોલ્ડ મેડલ પોતાના નામે કર્યો. આવતા મહિને જ 14 વર્ષની થનારી જિદીએ આ રેસ માત્ર 2 મિનિટ 05.08 સેકન્ડમાં પૂર્ણ કરી. આ સાથે જ તેણે 3 વર્ષ પહેલાં હાંગઝોઉમાં ચીનની જ ઝાંગ જુફેઈ દ્વારા બનાવેલો 2:05.57નો જૂનો રેકોર્ડ પણ તોડી નાખ્યો. ઝિદીએ ચીનની ચાંગ મોહાનને 3.36 સેકન્ડના મોટા અંતરથી હરાવીને આ ગોલ્ડ મેડલ જીત્યો. એશિયન ગેમ્સમાં આ તેની પ્રથમ મોટી વ્યક્તિગત જીત છે. આ જીત બાદથી જ સોશિયલ મીડિયા પર યુ ઝિદી વિશે ચર્ચાઓ તેજ બની છે. પહેલાં પણ બનાવી ચૂકી છે અનેક રેકોર્ડ યુ ઝિદી માટે રમતગમતની દુનિયામાં આ કોઈ પહેલું કમાલ નથી. ગયા વર્ષે માત્ર 12 વર્ષની ઉંમરે તેમણે વિશ્વ તરણ ચેમ્પિયનશિપમાં બ્રોન્ઝ મેડલ જીતીને ઇતિહાસ રચ્યો હતો અને આવું કરનાર દુનિયાની સૌથી નાની વયની મેડલ વિજેતા બની હતી. આ ઉપરાંત, આ વર્ષે માર્ચમાં તેમણે અમેરિકાની મલ્ટિપલ ઓલિમ્પિક ચેમ્પિયન રેગન સ્મિથને હરાવીને પણ બધાને આશ્ચર્યચકિત કરી દીધા હતા. શાળાએ જતી આ નાની બાળકી 2028ના લોસ એન્જેલસ ઓલિમ્પિકમાં ચીનની સૌથી મોટી દાવેદાર માનવામાં આવી રહી છે. વૈભવ સૂર્યવંશી સાથે થઈ રહી છે સરખામણી એશિયન ગેમ્સ 2026માં જે રીતે યુ ઝિદી નાની ઉંમરે મોટું નામ કમાઈ રહી છે, ઠીક એ જ રીતે ભારતના 15 વર્ષના યુવા બેટ્સમેન વૈભવ સૂર્યવંશી પણ રેકોર્ડ માટે તૈયાર છે. વૈભવ તાજેતરમાં સચિન તેંડુલકરનો રેકોર્ડ તોડીને ભારત માટે આંતરરાષ્ટ્રીય ડેબ્યૂ કરનાર સૌથી નાની વયનો ખેલાડી બન્યો હતો. T20 ક્રિકેટમાં તેમના આંકડા આશ્ચર્યચકિત કરનારા છે, જ્યાં તેમણે 40 ઇનિંગ્સમાં 216ના તોફાની સ્ટ્રાઇક રેટથી 1670 રન બનાવ્યા છે અને 4 સદી પણ ફટકારી છે. એશિયન ગેમ્સમાં T20 ફોર્મેટ હોવાને કારણે વૈભવ પર પણ સમગ્ર દુનિયાની નજર ટકેલી છે. IPLમાં કર્યો હતો કમાલ વૈભવે IPL 2026માં ધમાલ મચાવતા 776 રન બનાવ્યા હતા અને ઓરેન્જ કેપ પોતાના નામે કરી હતી. આ દરમિયાન તેમણે ટૂર્નામેન્ટમાં રેકોર્ડ 72 છગ્ગા ફટકારીને સૌને આશ્ચર્યચકિત કરી દીધા હતા. પોતાની આ તોફાની ક્ષમતાના જ દમ પર વૈભવે ભારતીય સિનિયર ટીમમાં પણ પોતાનું સ્થાન બનાવ્યું. ———————— આ સમાચાર પણ વાંચો: વૈભવની આ ખતરનાક સ્કિલ ચોરવા માંગે છે સૂર્યકુમાર યાદવ:સૂર્યવંશીની બેટિંગ પર ફિદા થયો SKY, સચિન તેંડુલકર અને રોહિત શર્મા વિશે કહી આ વાત ભારતીય ક્રિકેટ ટીમના વિસ્ફોટક બેટ્સમેન સૂર્યકુમાર યાદવ છેલ્લા કેટલાક સમયથી ટીમની બહાર ચાલી રહ્યા છે. સૂર્યકુમાર યાદવની કેપ્ટનશિપ હેઠળ ભારતીય ટીમે વર્ષ 2026નો T20 વર્લ્ડ કપ જીતવામાં સફળતા મેળવી હતી. T20 વર્લ્ડ કપની ટ્રોફી જીતવા છતાં સૂર્યકુમાર યાદવને ફોર્મના આધારે ટીમમાંથી બહાર થવું પડ્યું. જોકે, સૂર્યા ફરી એકવાર ટીમમાં વાપસી કરવા માટે મહેનત કરી રહ્યા છે. એક ઈન્ટરવ્યૂ દરમિયાન સૂર્યકુમારે ટીમ ઈન્ડિયામાં વાપસી કરવાની ઈચ્છા વ્યક્ત કરી હતી. વાંચો સંપૂર્ણ સમાચાર…