ઇંગ્લેન્ડ સામે રમાનારી ત્રીજી અને છેલ્લી વન-ડે મેચ માટે ઓલરાઉન્ડર હર્ષ દુબેને ભારતીય ટીમમાં સામેલ કર્યો છે. તેને વોશિંગ્ટન સુંદરની જગ્યાએ ટીમમાં સામેલ કર્યો છે. સુંદર બીજી વન-ડે દરમિયાન ઈજાગ્રસ્ત થયો હતો, જેના કારણે તે સિરીઝમાંથી બહાર થઈ ગયો છે. ભારત અને ઇંગ્લેન્ડ વચ્ચે ત્રીજી વન-ડે આવતીકાલે લોર્ડ્સમાં રમાશે. હર્ષ દુબેએ 13 જૂન 2026ના રોજ અફઘાનિસ્તાન સામે ધર્મશાલામાં પોતાની વન-ડે ઇન્ટરનેશનલ ડેબ્યૂ કરી. આ મેચમાં તેણે 5 ઓવરમાં 47 રન આપીને 3 વિકેટ લીધી. સુંદરને કાર્ડિફ વન-ડેમાં લાગેલી ઈજા શ્રેણીની બીજી વન-ડે મેચ દરમિયાન સુંદરને જમણા હેમસ્ટ્રિંગમાં ઈજા થઈ હતી. ભારતીય ટીમ મેનેજમેન્ટ અને મેડિકલ સ્ટાફ હવે વોશિંગ્ટન સુંદરની ઈજા પર નજર રાખી રહ્યા છે. સુંદરની ઈજાની ગંભીરતા જાણવા માટે ટૂંક સમયમાં તેનું સ્કેન કરવામાં આવશે. આ સાથે, તેની ઈજાના આગળના મેનેજમેન્ટ અને રિકવરી માટે નિષ્ણાતો (સ્પેશિયાલિસ્ટ)ની સલાહ લેવામાં આવશે. બેટિંગ કોચે પહેલા જ ચિંતા વ્યક્ત કરી હતી બીજી વન-ડે પછી ભારતના બેટિંગ કોચ સિતાંશુ કોટકે પણ સુંદરની ઈજા અંગે ચિંતા વ્યક્ત કરી હતી. તેમણે કહ્યું હતું કે રન લેતી વખતે તેની હેમસ્ટ્રિંગમાં ઈજા થઈ હતી અને ઈજા ગંભીર લાગી રહી છે. ત્રીજી વન-ડે માટે ભારતીય ટીમનો અપડેટેડ સ્ક્વોડ શુભમન ગિલ (કેપ્ટન), રોહિત શર્મા, વિરાટ કોહલી, શ્રેયસ અય્યર (વાઇસ-કેપ્ટન), કેએલ રાહુલ (વિકેટકીપર), ઈશાન કિશન (વિકેટકીપર), અક્ષર પટેલ, શિવમ દુબે, કુલદીપ યાદવ, જસપ્રીત બુમરાહ, પ્રસિદ્ધ ક્રિષ્ના, અર્શદીપ સિંહ, ગરનૂર બરાર, પ્રિન્સ યાદવ અને હર્ષ દુબે.