રિયાલિટી ગેમ શો ‘અલાયન્સ’માં તાજેતરમાં સોહેલ ખાનને મોટું સરપ્રાઈઝ મળ્યું, જ્યારે તેની પૂર્વ પત્ની સીમાએ શોમાં એન્ટ્રી કરી. હોસ્ટ કુણાલ ખેમુએ સોહેલને સીમા વિશે પ્રશ્ન કર્યો, જેના પર તેણે પોતાના લગ્ન અને સંબંધો વિશે ખૂલીને વાત કરી. સીમાને જોઈને સોહેલનું રિએક્શન કુણાલ ખેમુએ પૂછ્યું કે, સીમાને શોમાં જોઈને તમને કેવું લાગી રહ્યું છે? આના પર સોહેલ ખાને કહ્યું કે, તેણે સીમા સાથે પોતાના જીવનના 25 વર્ષ વિતાવ્યા છે. તેણે સીમાને એક સુંદર અને સારા દિલવાળી મહિલા ગણાવી. સોહેલે એમ પણ કહ્યું કે, જો તેમના સંબંધોમાં ક્યારેય કોઈ ભૂલ થઈ હશે, તો તે તેમની (સોહેલ) તરફથી થઈ હશે. શોમાં સોહેલ ખાન અને સીમા વચ્ચેની વાતચીત અને બોન્ડિંગ જોઈને અન્ય સ્પર્ધકોએ તાળીઓ પાડીને બંનેનો ઉત્સાહ વધાર્યો. સોહેલને પહેલી નજરમાં પ્રેમ થઈ ગયો હતો સોહેલ અને સીમાની પહેલી મુલાકાત ચંકી પાંડેની સગાઈની પાર્ટીમાં થઈ હતી. સોહેલ પહેલી નજરમાં જ સીમાને દિલ દઈ બેઠા. જલદી જ બંનેએ એકબીજાને ડેટ કરવાનું શરૂ કરી દીધું. પરંતુ અલગ-અલગ ધર્મ હોવાને કારણે સીમાનો પરિવાર આ સંબંધની વિરુદ્ધ હતો. પરિવારના વિરોધ છતાં બંનેએ સાથે રહેવાનો નિર્ણય કર્યો. 15 માર્ચ 1998ના રોજ, જે દિવસે સોહેલની પહેલી ડિરેક્ટેડ ફિલ્મ ‘પ્યાર કિયા તો ડરના ક્યા’ રિલીઝ થઈ, તે જ દિવસે બંનેએ ઘરેથી ભાગીને લગ્ન કરી લીધા. પહેલા આર્ય સમાજ મંદિરમાં ફેરા લીધા અને પછી નિકાહ કર્યા. તેમના પહેલા દીકરા નિર્વાણનો જન્મ 2000માં અને બીજા દીકરા યોહાનનો જન્મ 2011માં થયો. બંને 2022માં અલગ થઈ ગયા. ‘અલાયન્સ’ શો વિશે રિયાલિટી ગેમ શો ‘અલાયન્સ’ને કુણાલ ખેમુ હોસ્ટ કરી રહ્યો છે. શોમાં સંબંધો અને મિત્રતાના સમીકરણો દરરોજ બદલાતા રહે છે. આ શો પ્રાઇમ વીડિયો પર સ્ટ્રીમ થઈ રહ્યો છે, જેમાં ફિલ્મ અને ટીવી કલાકારોની સાથે ઘણા ઇન્ફ્લુએન્સર્સ પણ ભાગ લઈ રહ્યા છે. આમાં સોહેલ ખાન, મિની માથુર, કુશલ ટંડન, નીતિ ટેલર અને પાયલ ગેમિંગ સામેલ છે.