સલમાન ખાન બુધવારે રિયાલિટી શો ‘એલાયન્સ’ના સેટ પર પહોંચ્યો હતો. અહીં તે પોતાના ભાઈ સોહેલ ખાનને સપોર્ટ કરવા આવ્યો હતો. સોહેલ ખાનની પૂર્વ પત્ની સીમા સજદેહ વાઇલ્ડ કાર્ડ કન્ટેસ્ટન્ટ તરીકે શોમાં સામેલ થઈ હતી. જોકે, તાજેતરમાં જ તે શોમાંથી બહાર થઈ ગઈ. સીમાના એલિમિનેટ થયા બાદ સોહેલ ભાવુક જોવા મળ્યો હતો. હવે સલમાન શોમાં ગેસ્ટ તરીકે દેખાશે. સેટ પર જતા પહેલા સલમાને પાપારાઝી માટે પણ પોઝ આપ્યો હતો. આ દરમિયાન તેના ઓલ-ડેનિમ લુક અને કાઉબોય હેટ લોકોનું ધ્યાન ખેંચ્યુું. વર્ક ફ્રન્ટની વાત કરીએ તો સલમાન જલ્દી જ ફિલ્મ ‘માતૃભૂમિ: મે રેસ્ટ ઇન પીસ’માં દેખાશે. આ ફિલ્મનું નિર્દેશન અપૂર્વ લાખિયાએ કર્યું છે. સોહેલે સીમાના વખાણ કર્યા હતા રિયાલિટી ગેમ શો ‘એલાયન્સ’માં જ્યારે સીમાની એન્ટ્રી થઈ, ત્યારે સોહેલે તેના વખાણ કર્યા હતા. તે દરમિયાન હોસ્ટ કુણાલ ખેમુએ સોહેલને સીમા વિશે સવાલ કર્યો હતો, જેના પર તેણે પોતાના લગ્ન અને સંબંધો વિશે ખુલીને વાત કરી. કુણાલ ખેમુએ પૂછ્યું હતું કે સીમાને શોમાં જોઈને તેમને કેવું લાગી રહ્યું છે. આના પર સોહેલ ખાને કહ્યું હતું કે તેમણે સીમા સાથે પોતાના જીવનના 25 વર્ષ વિતાવ્યા છે. તેમણે સીમાને એક સુંદર અને સારા દિલવાળી મહિલા ગણાવી. સોહેલે એમ પણ કહ્યું હતું કે જો તેમના સંબંધમાં ક્યારેય કોઈ ભૂલ થઈ હશે, તો તે તેમની તરફથી થઈ હશે. શોમાં સોહેલ ખાન અને સીમા વચ્ચેની વાતચીત અને બોન્ડિંગ જોઈને અન્ય સ્પર્ધકોએ તાળીઓ પાડીને બંનેનો ઉત્સાહ વધાર્યો હતો. સોહેલ અને સીમાએ ભાગીને લગ્ન કર્યા હતા સોહેલ અને સીમાની પહેલી મુલાકાત ચંકી પાંડેની સગાઈની પાર્ટીમાં થઈ હતી. સોહેલ પહેલી નજરમાં જ સીમાને દિલ દઈ બેઠા. જલ્દી જ બંનેએ એકબીજાને ડેટ કરવાનું શરૂ કરી દીધું. પરંતુ અલગ-અલગ ધર્મ હોવાને કારણે સીમાનો પરિવાર આ સંબંધની વિરુદ્ધ હતો. પરિવારના વિરોધ છતાં બંનેએ સાથે રહેવાનો નિર્ણય કર્યો. 15 માર્ચ 1998ના રોજ, જે દિવસે સોહેલની પહેલી ડિરેક્ટેડ ફિલ્મ ‘પ્યાર કિયા તો ડરના ક્યા’ રિલીઝ થઈ, તે જ દિવસે બંનેએ ઘરેથી ભાગીને લગ્ન કરી લીધા. પહેલા આર્ય સમાજ મંદિરમાં ફેરા લીધા અને પછી નિકાહ કર્યા. તેમનો પહેલો દીકરો નિર્વાણ 2000માં અને બીજો દીકરો યોહાન 2011માં થયો. બંને 2022માં અલગ થઈ ગયા. રિયાલિટી ગેમ શો ‘એલાયન્સ’ ને કુણાલ ખેમુ હોસ્ટ કરી રહ્યા છે. શોમાં સંબંધો અને મિત્રતાના સમીકરણો દરરોજ બદલાતા રહે છે. આ શો પ્રાઇમ વીડિયો પર સ્ટ્રીમ થઈ રહ્યો છે, જેમાં ફિલ્મ અને ટીવી કલાકારોની સાથે ઘણા ઇન્ફ્લુએન્સર્સ પણ ભાગ લઈ રહ્યા છે. આમાં સોહેલ ખાન, મિની માથુર, કુશલ ટંડન, નીતિ ટેલર અને પાયલ ગેમિંગ શામેલ છે.