સાઉથ સ્ટાર સામંથા રૂથ પ્રભુએ સોશિયલ મીડિયા પર પોતાના બેબી બમ્પની તસવીર શેર કરી છે. તેણે પ્રેગ્નેન્સીના સમાચારની પુષ્ટિ કરતા રમુજી અંદાજમાં આ ફોટો સાથે ‘માય સિક્સ પેક’ લખ્યું છે. સામંથા અને તેના પતિ, ફિલ્મ મેકર રાજ નિદિમોરુ તેમના પહેલાં બાળકનું સ્વાગત કરવાના છે. ફોટો શેર કરીને લખ્યું- ‘માય સિક્સ પેક’
સામંથાએ પોતાના ઓફિશિયલ ઇન્સ્ટાગ્રામ એકાઉન્ટ પરથી આ ફોટો પોસ્ટ કર્યો. તસવીરમાં તે પોતાનો બેબી બમ્પ ફ્લોન્ટ કરતી જોવા મળી રહી છે. ફોટોના કેપ્શનમાં તેણે લખ્યું, ‘માય સિક્સ પેક. આઈ વિલ સી યુ વેન આઈ સી યુ.’ તેની આ પોસ્ટ પછી સોશિયલ મીડિયા પર લોકો તેને અભિનંદન આપી રહ્યા છે. ફિલ્મની સક્સેસ મીટમાં આપ્યું નિવેદન
સામંથા રૂથપ્રભુ તાજેતરમાં રિલીઝ થયેલી તેની ફિલ્મ ‘મા ઇંતિ બંગારમ’ની સક્સેસ મીટમાં પતિ રાજ નિદિમોરુ સાથે પહોંચી હતી. ઇવેન્ટમાં મીડિયા સાથે વાતચીત કરતા સામંથાએ પ્રેગ્નન્સી કન્ફર્મ કરતા કહ્યું, ‘મા ઇંતિ બંગારમ’ પછી હું મારા બાકીના પ્રોજેક્ટ્સ પૂરા કરીને મારી સ્થિતિને ધ્યાનમાં રાખીને એક નાનો બ્રેક લઈશ. મારે મેટરનિટી લીવ લેવી જ પડશે. આ પછી હું મારા ચાહકો માટે બીજી એક ફિલ્મ સાથે પાછી ફરીશ.’ ટી-શર્ટમાં બેબી બમ્પ દેખાતા પ્રેગ્નેન્સીનો ખુલાસો થયો સામંથા રૂથપ્રભુની ફિલ્મ ‘મા ઇંતિ બંગારમ’ 19 જૂને સિનેમાઘરોમાં રિલીઝ થઈ. આ ફિલ્મને દર્શકો તરફથી ખૂબ પ્રશંસા મળી રહી છે. ફિલ્મની સફળતાની ઉજવણી કરવા માટે, તાજેતરમાં સામંથા એક ફેન મીટ-અપનો ભાગ બની હતી, જ્યાં તેણે વ્હાઇટ ટી-શર્ટ સાથે ડેનિમ પહેર્યું હતું. ઇવેન્ટમાંથી બહાર આવતા દરેકની નજર તેના બેબી બમ્પ પર હતી, જે ફીટેડ ટી-શર્ટમાં સ્પષ્ટ દેખાઈ રહ્યો હતો. 6 મહિના પહેલા રાજ નિદિમોરુ સાથે લગ્ન કર્યા સામંથા રૂથપ્રભુએ 1 ડિસેમ્બર 2025ના રોજ ‘ધ ફેમિલી મેન’ના ડિરેક્ટર રાજ નિદિમોરુ સાથે લગ્ન કર્યા. આ એક ખાનગી લગ્ન હતા, જેમાં સામંથા-રાજના નજીકના સંબંધીઓ અને મિત્રો જ સામેલ થયા હતા. આ કપલે સદગુરુના ઈશા ફાઉન્ડેશનના લિંગા ભૈરવી મંદિરમાં પ્રાચીન યોગિક પરંપરા અનુસાર ભૂત શુદ્ધિ વિવાહ કર્યા હતા. સામંથા રૂથપ્રભુએ લગ્નની તસવીરો પોસ્ટ કરીને સત્તાવાર જાહેરાત કરી હતી. તેણે તસવીરો સાથે લખ્યું હતું- ‘01.12.2025।’ જુઓ સામંથા- રાજ નિદિમોરુના લગ્નની તસવીરો- સામંથા રૂથપ્રભુ અને રાજ નિદિમોરુએ પોપ્યુલર સિરીઝ ‘ધ ફેમિલી મેન’ની બીજી સીઝનમાં સાથે કામ કર્યું હતું. જેને રાજ નિદિમોરુ અને ડીકેએ મળીને બનાવી હતી. કોણ છે રાજ નિદિમોરુ? 50 વર્ષના રાજ નિદિમોરુ, ફિલ્મમેકર છે. તેની અને ડીકે (કૃષ્ણા દસરાકોઠાપલ્લી)ની ફિલ્મમેકર જોડી ફિલ્મ ઇન્ડસ્ટ્રીમાં ઘણી લોકપ્રિય છે. બંનેએ યુકેમાંથી સોફ્ટવેર એન્જિનિયરિંગ કર્યા પછી 2002ની ફિલ્મ ‘શાદી ડોટ કોમ’ સાથે ફિલ્મ ઇન્ડસ્ટ્રીમાં કરિયરની શરૂઆત કરી હતી. ત્યારબાદ બંનેએ વર્ષ 2003થી સ્વતંત્ર ફિલ્મમેકર તરીકે ફિલ્મ 99 લખી, પ્રોડ્યુસ કરી અને ડિરેક્ટ કરી. ત્યારબાદ બંનેએ ‘શોર ઇન ધ સિટી’, ‘ગો ગોવા ગોન’, ‘હેપ્પી એન્ડિંગ’, ‘અ જેન્ટલમેન’ જેવી ફિલ્મો લખવાની સાથે-સાથે તેનું ડિરેક્શન પણ કર્યું. વર્ષ 2019થી રાજ અને ડીકેએ OTTમાં પ્રવેશ કર્યો અને મનોજ બાજપેયી સ્ટારર સિરીઝ ‘ધ ફેમિલી મેન’ ડિરેક્ટ-પ્રોડ્યુસ કરી. આગળ તેણે ‘ફર્ઝી’, ‘સિટાડેલ’ અને ‘ગન્સ એન્ડ ગુલાબ’ જેવી સિરીઝ બનાવી. રાજ અને ડીકેની જોડીએ જ શ્રદ્ધા કપૂર અને રાજકુમાર રાવ સ્ટારર ફિલ્મ ‘સ્ત્રી’ લખી અને પ્રોડ્યુસ કરી છે. 2021માં સામંથાએ નાગા ચૈતન્યથી છૂટાછેડા લીધા હતા સામંથા રૂથપ્રભુ અને સાઉથ સ્ટાર નાગા ચૈતન્ય ફિલ્મ ‘યે માયા ચેસાવે’માં સાથે જોવા મળ્યા હતા. આ ફિલ્મના સેટ પર બંને એકબીજાને પસંદ કરવા લાગ્યા અને રિલેશનશિપમાં આવ્યા. 7 વર્ષ સુધી રિલેશનશિપમાં રહ્યા પછી સામંથાએ નાગા ચૈતન્ય સાથે વર્ષ 2017માં લગ્ન કર્યા હતા. બંનેના લગ્ન હિંદુ અને ક્રિશ્ચિયન રીતિ-રિવાજો અનુસાર થયા હતા. લગ્ન પછી સામંથાએ પોતાની અટક અક્કિનેની કરી લીધી હતી, જોકે જુલાઈ 2021માં તેણે સામંથા અક્કિનેનીથી નામ સામંથા રૂથપ્રભુ કરી લીધું. આ પછી જ બંનેના છૂટાછેડાના સમાચાર સામે આવવા લાગ્યા અને બંનેએ ઓક્ટોબર 2021માં છૂટાછેડાની જાહેરાત કરી દીધી. સામંથાથી છૂટાછેડા લીધાના 2 વર્ષ પછી નાગા ચૈતન્યએ એક્ટ્રેસ શોભિતા ધૂલિપાલા સાથે લગ્ન કર્યા છે.